ਸੇਵਾਮੁਕਤ ਮੇਜਰ ਨੇ ਮੁੱਖ ਮੰਤਰੀ ਨੂੰ ਲਿਖੀ ਚਿੱਠੀ, ਕਿਹਾ ਹੈਲੀਕਾਪਟਰ ਦਿਓ, ਸਾਡੀ ਕਲੋਨੀ ਤੱਕ ਜਾਣ ਲਈ ਕੋਈ ਸੜਕ ਨਹੀਂ

ਮਹਾਰਾਸ਼ਟਰ ਦੀ ਸ਼ੇਵਗਾਓਂ ਤਹਿਸੀਲ ਦੇ ਸਲਵਾਡਗਾਓਂ ਦੇ ਇਕ ਸੇਵਾਮੁਕਤ ਫੌਜੀ ਮੇਜਰ ਦੱਤੂ ਭਾਪਕਰ ਨੇ ਮੁੱਖ ਮੰਤਰੀ ਏਕਨਾਥ ਸ਼ਿੰਦੇ ਤੋਂ ਅਜੀਬ ਮੰਗ ਕੀਤੀ ਹੈ। ਰਿਟਾਇਰਡ ਆਰਮੀ ਮੇਜਰ ਦੱਤੂ ਭਾਪਕਰ ਨੇ ਮਹਾਰਾਸ਼ਟਰ ਦੇ ਮੁੱਖ ਮੰਤਰੀ ਏਕਨਾਥ ਸ਼ਿੰਦੇ ਨੂੰ ਪੱਤਰ ਲਿਖ ਕੇ ਹੈਲੀਕਾਪਟਰ ਖਰੀਦਣ ਲਈ ਸਰਕਾਰੀ ਗ੍ਰਾਂਟ ਦੀ ਮੰਗ ਕੀਤੀ ਹੈ।ਸਾਡੀ ਕਲੋਨੀ ਤੱਕ ਪਹੁੰਚਣ ਲਈ ਕੋਈ ਸੜਕ ਨਹੀਂ ਹੈ।ਨਿਊਜ਼ ਏਜੰਸੀ ਦੀ ਰਿਪੋਰਟ ਮੁਤਾਬਕ ਰਿਟਾਇਰਡ ਆਰਮੀ ਮੇਜਰ ਦੱਤੂ ਭਾਪਕਰ ਨੇ ਕਿਹਾ ਕਿ ਕੋਈ ਸੜਕ ਨਹੀਂ ਹੈ। ਸਾਡੀ ਕਲੋਨੀ ਤੱਕ ਪਹੁੰਚਣ ਲਈ, ਇਸ ਲਈ ਅਸੀਂ ਇੱਕ ਹੈਲੀਕਾਪਟਰ ਖਰੀਦਾਂਗੇ। ਦੱਤੂ ਭਾਪਕਰ ਦੀ ਮੰਨੀਏ ਤਾਂ ਉਹ ਬੇਨਤੀਆਂ ਦੇ-ਦਿਆਂ ਥੱਕ ਚੁੱਕੇ ਹਨ। ਪਰ ਸਥਾਨਕ ਪ੍ਰਸ਼ਾਸਨ ਨੇ ਸੜਕ ਦਾ ਕੋਈ ਪ੍ਰਬੰਧ ਨਹੀਂ ਕੀਤਾ। ਅਜਿਹੀ ਸਥਿਤੀ ਤੋਂ ਦੁਖੀ ਹੋ ਕੇ ਉਨ੍ਹਾਂ ਨੇ ਮਹਾਰਾਸ਼ਟਰ ਦੇ ਮੁੱਖ ਮੰਤਰੀ ਏਕਨਾਥ ਸ਼ਿੰਦੇ ਨੂੰ ਸਿੱਧਾ ਪੱਤਰ ਲਿਖਿਆ ਹੈ। ਉਨ੍ਹਾਂ ਨੇ ਆਪਣੇ ਪੱਤਰ ਵਿੱਚ ਲਿਖਿਆ ਹੈ, “ਅਸੀਂ ਟੋਇਆਂ ਵਿੱਚੋਂ ਲੰਘ ਨਹੀਂ ਸਕਦੇ, ਇਸ ਲਈ ਸਾਨੂੰ ਹੈਲੀਕਾਪਟਰ ਦਿੱਤੇ ਜਾਣੇ ਚਾਹੀਦੇ ਹਨ, ਤਾਂ ਜੋ ਅਸੀਂ ਟੋਇਆਂ ਤੋਂ ਉੱਡ ਸਕੀਏ।” ਸੀਐਮ ਸ਼ਿੰਦੇ ਨੂੰ ਲਿਖੀ ਉਨ੍ਹਾਂ ਦੀ ਚਿੱਠੀ ਦੀ ਪੂਰੇ ਮਹਾਰਾਸ਼ਟਰ ਵਿੱਚ ਚਰਚਾ ਹੋ ਰਹੀ ਹੈ। ਦੱਸਿਆ ਜਾ ਰਿਹਾ ਹੈ ਕਿ ਸ਼ੇਵਗਾਓਂ ਤਹਿਸੀਲ ਦੇ ਸਲਵਾੜ ਪਿੰਡ ਦੇ ਕੋਲ ਸੜਕ ਦਾ ਬਹੁਤ ਬੁਰਾ ਹਾਲ ਹੈ। ਜਿਸ ‘ਤੇ ਚੱਲਣਾ ਮੁਸ਼ਕਿਲ ਹੈ। ਇਸ ਦੇ ਮੱਦੇਨਜ਼ਰ ਦੱਤੂ ਭਾਪਕਰ ਨੇ ਸਥਾਨਕ ਪ੍ਰਸ਼ਾਸਨ ਨੂੰ ਕਈ ਪੱਤਰ ਲਿਖੇ ਸਨ। ਇਸ ਦੇ ਬਾਵਜੂਦ ਸਰਕਾਰ ਨੇ ਕੋਈ ਖਾਸ ਧਿਆਨ ਨਹੀਂ ਦਿੱਤਾ ਅਤੇ ਪਿੰਡ ਵਾਸੀਆਂ ਦੀਆਂ ਸਮੱਸਿਆਵਾਂ ਜਿਉਂ ਦੀਆਂ ਤਿਉਂ ਹੀ ਬਣੀਆਂ ਰਹੀਆਂ। ਇਸ ਤੋਂ ਦੁਖੀ ਸਾਬਕਾ ਫੌਜੀ ਨੇ ਸਿੱਧੇ ਤੌਰ ‘ਤੇ ਮਹਾਰਾਸ਼ਟਰ ਦੇ ਮੁੱਖ ਮੰਤਰੀ ਤੋਂ ਹੈਲੀਕਾਪਟਰ ਦੀ ਮੰਗ ਕੀਤੀ ਹੈ।