ਸ਼੍ਰੀ ਹਰਿਮੰਦਿਰ ਸਾਹਿਬ ‘ਚ ਲੰਗਰ ਲਈ ਮਿਲ ਸਕੇਗਾ ਵਿਦੇਸ਼ੀ ਚੰਦਾ, MHA ਨੇ ਦਿੱਤੀ ਮਨਜ਼ੂਰੀ

ਅੰਮ੍ਰਿਤਸਰ : ਸ਼੍ਰੀ ਹਰਿਮੰਦਿਰ ਸਾਹਿਬ ਨੂੰ ਲੰਗਰ ਅਤੇ ਹੋਰ ਸੇਵਾ ਕੰਮਾਂ ਲਈ ਵਿਦੇਸ਼ ਤੋਂ ਚੰਦਾ ਲੈਣ ਦੀ ਆਗਿਆ ਮਿਲ ਗਈ ਹੈ। ਕੇਂਦਰੀ ਗ੍ਰਹਿ ਮੰਤਰਾਲੇ ਨੇ ਇਹ ਮਨਜ਼ੂਰੀ ਫੌਰਨ ਕੰਟਰੀਬਿਊਸ਼ਨ ਰੇਗੂਲੈਸ਼ਨ ਐਕਟ (ਐਫਸੀਆਰਏ) ਦੇ ਤਹਿਤ ਦਿੱਤੀ ਹੈ। ਐਫਸੀਆਰਏ ਦੀ ਰਜਿਸਟ੍ਰੇਸ਼ਨ ਪੰਜ ਸਾਲ ਦੀ ਮਿਆਦ ਲਈ ਨਿਯਮਕ ਹੋਵੇਗੀ। ਸੂਤਰਾਂ ਅਨੁਸਾਰ ਸ਼੍ਰੀ ਹਰਿਮੰਦਿਰ ਸਾਹਿਬ ਪ੍ਰਬੰਧਨ ਨੇ 27 ਮਈ ਨੂੰ ਰਜਿਸਟ੍ਰੇਸ਼ਨ ਲਈ ਐਪਲੀਕੇਸ਼ਨ ਦਿੱਤੀ ਸੀ।

ਸੁਮੇਧ ਸੈਣੀ ਦੇ ਭਗੌੜੇ ਹੋਣ ਦਾ ਪੋਸਟਰ ਜਾਰੀ, ਗ੍ਰਿਫ਼ਤਾਰ ਕਰਵਾਉਣ ਵਾਲੇ ਨੂੰ ਮਿਲੇਗਾ ਇਨਾਮ

ਕੇਂਦਰੀ ਮੰਤਰੀ ਹਰਸਿਮਰਤ ਕੌਰ ਬਾਦਲ ਨੇ ਟਵੀਟ ਕਰ ਇਸਦੀ ਜਾਣਕਾਰੀ ਦਿੱਤੀ। ਉਨ੍ਹਾਂ ਨੇ ਲਿਖਿਆ ਕਿ ਇਹ ਕਦਮ ਦਰਬਾਰ ਸਾਹਿਬ ਨੂੰ ਦੁਨੀਆਭਰ ਤੋਂ ਸੇਵਾ ਪ੍ਰਾਪਤ ਕਰਨ ਅਤੇ ਗੁਰੂ ਸਾਹਿਬ ਦੇ ਦਰਸ਼ਨ ਸਰਬੱਤ ਦੇ ਭਲਾ ਨੂੰ ਹੋਰ ਅੱਗੇ ਲੈ ਕੇ ਜਾਣ ‘ਚ ਮਦਦ ਕਰੇਗਾ। ਮੈਂ ਇਸਦੇ ਲਈ ਕੇਂਦਰੀ ਮੰਤਰੀ ਅਮਿਤ ਸ਼ਾਹ ਦਾ ਧੰਨਵਾਦ ਕਰਦੀ ਹਾਂ।

Happy to share that MHA has granted approval under FCRA to Sri Harmandir Sahib. This will enable the shrine to receive ‘sewa’ from all over the world & go a long way in propagating Gurusahab’s philosophy of ‘sarbat da bhala’. I’m grateful to @AmitShah Ji for making this possible. pic.twitter.com/ccyWi8ps76

— Harsimrat Kaur Badal (@HarsimratBadal_) September 9, 2020

ਇਸ ਮਨਜ਼ੂਰੀ ਤੋਂ ਬਾਅਦ ਦਰਬਾਰ ਸਾਹਿਬ ਦਾ ਪ੍ਰਬੰਧਨ ਦੇਖਣ ਵਾਲੀ ਕਾਨੂੰਨੀ ਸੰਸਥਾ ਵਿਦੇਸ਼ ਤੋਂ ਚੰਦਾ ਹਾਸਲ ਕਰ ਸਕੇਗੀ। ਉਥੇ ਹੀ ਸ਼੍ਰੋਮਣੀ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਦੇ ਬੁਲਾਰੇ ਕੁਲਵਿੰਦਰ ਸਿੰਘ ਨੇ ਕਿਹਾ ਕਿ ਸਾਨੂੰ ਅਜੇ ਤੱਕ ਇਸਦੀ ਮਨਜ਼ੂਰੀ ਦਾ ਆਧਿਕਾਰਿਕ ਪੱਤਰ ਨਹੀਂ ਮਿਲਿਆ ਹੈ। ਪੱਤਰ ਮਿਲਣ ਤੋਂ ਬਾਅਦ ਹੀ ਕੁਝ ਕਿਹਾ ਜਾ ਸਕਦਾ ਹੈ।