ਪੰਜਾਬ ਦੇ ਮੁੱਖ ਮੰਤਰੀ ਭਗਵੰਤ ਮਾਨ ਵਿਆਹ ਮਗਰੋਂ ਪਹਿਲੀ ਵਾਰ ਆਪਣੇ ਸਹੁਰੇ ਘਰ ਹਰਿਆਣਾ ਦੇ ਪਿਹੋਵਾ ਪਹੁੰਚੇ। ਉਨ੍ਹਾਂ ਨਾਲ ਉਨ੍ਹਾਂ ਦੀ ਪਤਨੀ ਗੁਰਪ੍ਰੀਤ ਕੌਰ ਤੇ 2 ਸਾਲਾ ਧੀ ਨਿਆਮਤ ਕੌਰ ਵੀ ਗਈ।
ਸੀਐੱਮ ਮਾਨ ਵਿਆਹ ਦੇ 3 ਸਾਲ 9 ਮਹੀਨੇ ਮਗਰੋਂ ਆਪਣੇ ਸਹੁਰੇ ਘਰ ਫੇਰਾ ਪਾਉਣ ਪਹੁੰਚੇ। ਉਹ ਆਪਣੇ ਸਹੁਰੇ ਵਿਚ ਲਗਭਗ 2 ਘੰਟੇ ਰੁਕੇ। ਇਸ ਦੌਰਾਨ ਉਨ੍ਹਾਂ ਨੇ ਲੰਚ ਵੀ ਕੀਤਾ। ਇਸ ਦੇ ਬਾਅਦ ਸੀਐੱਮ ਮਾਨ ਪਤਨੀ ਦੇ ਜੱਦੀ ਪਿੰਡ ਮਦਨਪੁਰ ਚਲੇ ਗਏ।
ਕੁਝ ਸਮਾਂ ਪਹਿਲਾਂ ਮੁੱਖ ਮੰਤਰੀ ਮਾਨ ਦੇ ਚਾਚਾ ਸਹੁਰਾ ਹਰਪਾਲ ਸਿੰਘ ਦਾ ਦੇਹਾਂਤ ਹੋ ਗਿਆ ਸੀ। ਮਾਨ ਨੇ ਉਨ੍ਹਾਂ ਦੇ ਦੇਹਾਂਤ ‘ਤੇ ਸੋਗ ਪ੍ਰਗਟ ਕਰਦੇ ਹੋਏ ਪਰਿਵਾਰ ਨਾਲ ਮੁਲਾਕਾਤ ਕੀਤੀ। ਇਥੇ ਉਹ ਅੱਧਾ ਘੰਟਾ ਰੁਕੇ ਤੇ ਫਿਰ ਚੰਡੀਗੜ੍ਹ ਰਵਾਨਾ ਹੋ ਗਏ।
ਪਰਿਵਾਰਕ ਸੂਤਰਾਂ ਮੁਤਾਬਕ ਸੀਐੱਮ ਮਾਨ ਐਤਵਾਰ ਨੂੰ ਆਪਣੇ ਸਹੁਰੇ ਫੇਰਾ ਪਾਉਣਾ ਪਹੁੰਚੇ ਸਨ। ਇਸ ਤੋਂ ਪਹਿਲਾਂ ਉਹ ਪਿਹੋਵਾ ਵਿਚ ਚੁਣਾਵੀ ਦੌਰੇ ‘ਤੇ ਆ ਚੁੱਕੇ ਹਨ ਪਰ ਸਹੁਰੇ ਘਰ ਪਹਿਲਾਂ ਕਦੇ ਨਹੀਂ ਆਏ। ਅਗਸਤ 2024 ਵਿਚ ਹੋਈ ‘ਆਪ’ ਦੀ ਰੈਲੀ ਵਿਚ ਉਹ ਇਥੇ ਪਹੁੰਚੇ ਸਨ। ਅੱਜ ਉਨ੍ਹਾਂ ਦੇ ਆਗਮਨ ਨੂੰ ਦੇਖਦੇ ਹੋਏ ਸਥਾਨਕ ਪ੍ਰਸ਼ਾਸਨ ਤੇ ਪੁਲਿਸ ਵੱਲੋਂ ਪੁਖਤਾ ਇੰਤਜ਼ਾਮ ਕੀਤੇ ਗਏ।
Post Disclaimer
Opinion/facts in this article are author\'s own and punjabi.newsd5.in does not assume any responsibility or liability for the same.If You Have Problem With This Article Plz Contact Our Team At Contact Us Page.
