ਲੁਧਿਆਣਾ ‘ਚ ਡਰਾਇਵਰ ਦਾ ਹਾਈ ਵੋਲਟੇਜ ਡਰਾਮਾ: ਚਲਾਨ ਤੋਂ ਬਚਣ ਲਈ ਸੜਕ ਦੇ ਵਿਚਕਾਰ ਲੇਟਿਆ, ਟ੍ਰੈਫਿਕ ਜਾਮ

ਪੰਜਾਬ ਦੇ ਲੁਧਿਆਣਾ ਜ਼ਿਲ੍ਹੇ ਦੇ ਜਗਰਾਓਂ ਪੁਲ ‘ਤੇ ਇੱਕ ਵਿਅਕਤੀ ਨੇ ਹਾਈ ਵੋਲਟੇਜ ਡਰਾਮਾ ਕੀਤਾ। ਇੱਕ ਵਿਅਕਤੀ ਮਹਿੰਦਰਾ ਪਿਕਅੱਪ ‘ਤੇ ਓਵਰ ਵਜ਼ਨ ਲੱਦ ਕੇ ਜਗਰਾਉਂ ਪੁਲ ਤੋਂ ਲੰਘ ਰਿਹਾ ਸੀ। ਵਾਹਨ ਚਾਲਕ ਨੂੰ ਟਰੈਫਿਕ ਪੁਲੀਸ ਨੇ ਰੋਕ ਕੇ ਉਸ ਕੋਲੋਂ ਕਾਗਜ਼ਾਤ ਮੰਗੇ। ਕਾਗਜ਼ ਦਿਖਾਉਂਦੇ ਹੀ ਉਕਤ ਵਿਅਕਤੀ ਸੜਕ ਦੇ ਵਿਚਕਾਰ ਲੇਟ ਗਿਆ।ਇਸ ਤਰ੍ਹਾਂ ਸੜਕ ਦੇ ਵਿਚਕਾਰ ਪਏ ਵਿਅਕਤੀ ਨੇ ਟ੍ਰੈਫਿਕ ਪੁਲਸ ਵੱਲੋਂ ਕੀਤੀ ਜਾ ਰਹੀ ਕਾਰਵਾਈ ਦਾ ਵਿਰੋਧ ਕਰਨਾ ਸ਼ੁਰੂ ਕਰ ਦਿੱਤਾ। ਵਿਅਕਤੀ ਦੇ ਇਸ ਤਰ੍ਹਾਂ ਚੌਕ ਵਿੱਚ ਲੇਟ ਜਾਣ ਤੋਂ ਬਾਅਦ ਪੁਲਿਸ ਮੁਲਾਜ਼ਮਾਂ ਨੇ ਤੁਰੰਤ ਚੌਕ ‘ਤੇ ਪਹੁੰਚ ਕੇ ਉਕਤ ਵਿਅਕਤੀ ਨੂੰ ਸੜਕ ਦੇ ਵਿਚਕਾਰੋਂ ਚੁੱਕ ਲਿਆ।
ਇਸ ਤਰ੍ਹਾਂ ਪੁਲ ’ਤੇ ਪਏ ਹੋਣ ਕਾਰਨ ਟਰੈਫਿਕ ਜਾਮ ਦੀ ਸਥਿਤੀ ਬਣ ਗਈ। ਸੜਕ ਦੇ ਵਿਚਕਾਰ ਪਏ ਵਿਅਕਤੀ ਦਾ ਨਾਮ ਰਜਿੰਦਰ ਸਿੰਘ ਹੈ।ਪਹਿਲਾਂ ਵੀ ਪੁਲਿਸ ਮੁਲਾਜ਼ਮਾਂ ਨੇ ਕਈ ਵਾਰ ਸਮਝਾਇਆ।ਟ੍ਰੈਫਿਕ ਪੁਲਿਸ ਦੇ ਏ.ਐਸ.ਆਈ ਲਖਵਿੰਦਰ ਸਿੰਘ ਨੇ ਦੱਸਿਆ ਕਿ ਉਹ ਕਈ ਵਾਰ ਇਸ ਡਰਾਈਵਰ ਨੂੰ ਸਮਝਾ ਚੁੱਕੇ ਹਨ ਕਿ ਉਸਦੀ ਗੱਡੀ ਵਿੱਚ ਓਵਰਲੋਡ ਹੈ। ਉੱਥੇ ਹੀ ਰੱਸੀ ਵੀ ਠੀਕ ਤਰ੍ਹਾਂ ਨਾਲ ਨਹੀਂ ਬੰਨ੍ਹੀ ਜਾਂਦੀ। ਇਸ ਕਾਰਨ ਜੇਕਰ ਕਦੇ ਵਾਹਨ ਪਲਟ ਜਾਂਦਾ ਹੈ ਜਾਂ ਰੱਸੀ ਟੁੱਟ ਜਾਂਦੀ ਹੈ ਤਾਂ ਵੱਡਾ ਹਾਦਸਾ ਵਾਪਰ ਸਕਦਾ ਹੈ ਪਰ ਇਹ ਡਰਾਈਵਰ ਪੁਲੀਸ ਦੀ ਚਿਤਾਵਨੀ ਨੂੰ ਨਹੀਂ ਮੰਨਦਾ।