ਲਹਿੰਦੇ ਪੰਜਾਬ ਦੇ ਇਤਿਹਾਸ ਦੇ ਸਭ ਤੋਂ ਵੱਡੇ ਹੜ੍ਹ ਨੇ ਮਚਾਈ ਤਬਾਹੀ, 20 ਲੱਖ ਪ੍ਰਭਾਵਿਤ ਤੇ ਸੈਂਕੜੇ ਮੌਤਾਂ

ਪਾਕਿਸਤਾਨ ‘ਚ ਭਾਰੀ ਬਾਰfਸ਼ ਕਾਰਨ ਪੰਜਾਬ ਤੇ ਖੈਬਰ ਪਖਤੂਨਖਵਾ ਸੂਬਿਆਂ ਵਿੱਚ ਹੜ੍ਹ ਦੀ ਸਥਿਤੀ ਹੈ। 5 ਲੱਖ ਲੋਕਾਂ ਨੂੰ ਆਪਣੇ ਘਰ ਛੱਡਣੇ ਪਏ ਹਨ। ਰਾਸ਼ਟਰੀ ਆਫ਼ਤ ਪ੍ਰਬੰਧਨ ਅਥਾਰਟੀ (ਐਨਡੀਐਮਏ) ਦੇ ਅਨੁਸਾਰ, 26 ਜੂਨ ਤੋਂ 31 ਅਗਸਤ ਤੱਕ ਪਾਕਿਸਤਾਨ ‘ਚ ਹੜ੍ਹਾਂ ਨਾਲ ਮਰਨ ਵਾਲਿਆਂ ਦੀ ਗਿਣਤੀ 854 ਹੋ ਗਈ ਹੈ। 1100 ਤੋਂ ਵੱਧ ਲੋਕ ਜ਼ਖਮੀ ਹੋਏ ਹਨ। ਐਨਡੀਐਮਏ ਦੇ ਅਨੁਸਾਰ, ਦੋ ਤਿਹਾਈ ਮੌਤਾਂ ਘਰ ਢਹਿਣ ਤੇ ਅਚਾਨਕ ਆਏ ਹੜ੍ਹਾਂ ਕਾਰਨ ਹੋਈਆਂ ਹਨ, ਜਦੋਂ ਕਿ 10 ‘ਚੋਂ ਸਿਰਫ਼ ਇੱਕ ਮੌਤ ਡੁੱਬਣ ਕਾਰਨ ਹੋਈ ਹੈ।