ਯਮਨ ਨੇ ਇਜ਼ਰਾਈਲ ‘ਤੇ ਦਾਗੀ ਮਿਜ਼ਾਈਲ

ਯਮਨ ਨੇ ਵੀਰਵਾਰ ਨੂੰ ਇਜ਼ਰਾਈਲ ‘ਤੇ ਇੱਕ ਮਿਜ਼ਾਈਲ ਦਾਗੀ, ਜਿਸ ਤੋਂ ਬਾਅਦ ਪੂਰੇ ਇਜ਼ਰਾਈਲ ਵਿੱਚ ਸਾਇਰਨ ਵੱਜ ਰਹੇ ਹਨ। ਫੌਜ ਦਾ ਕਹਿਣਾ ਹੈ ਕਿ ਯਮਨ ਵਿੱਚ ਈਰਾਨ ਸਮਰਥਿਤ ਹੌਥੀ ਵਿਦਰੋਹੀਆਂ ਨੇ ਇਜ਼ਰਾਈਲ ‘ਤੇ ਬੈਲਿਸਟਿਕ ਮਿਜ਼ਾਈਲਾਂ ਦਾਗੀਆਂ। ਜਿਸ ਨੂੰ ਕੁਝ ਸਮਾਂ ਪਹਿਲਾਂ ਹਵਾਈ ਰੱਖਿਆ ਨੇ ਸਫਲਤਾਪੂਰਵਕ ਰੋਕ ਲਿਆ ਸੀ। ਮੱਧ ਇਜ਼ਰਾਈਲ, ਪੱਛਮੀ ਕੰਢੇ ਦੀਆਂ ਕਈ ਬਸਤੀਆਂ ਅਤੇ ਯਰੂਸ਼ਲਮ ਦੇ ਨੇੜੇ ਸ਼ਹਿਰਾਂ ਵਿੱਚ ਸਾਇਰਨ ਵੱਜੇ ਹਨ। ਸਾਇਰਨ ਵੱਜਣ ਤੋਂ ਤਿੰਨ ਮਿੰਟ ਪਹਿਲਾਂ, ਵਸਨੀਕਾਂ ਨੂੰ ਇੱਕ ਚੇਤਾਵਨੀ ਜਾਰੀ ਕੀਤੀ ਗਈ, ਜਿਸ ਵਿੱਚ ਨਾਗਰਿਕਾਂ ਨੂੰ ਉਨ੍ਹਾਂ ਦੇ ਫ਼ੋਨਾਂ ‘ਤੇ ਪੁਸ਼ ਸੂਚਨਾਵਾਂ ਰਾਹੀਂ ਲੰਬੀ ਦੂਰੀ ਦੇ ਮਿਜ਼ਾਈਲ ਹਮਲੇ ਬਾਰੇ ਸੁਚੇਤ ਕੀਤਾ ਗਿਆ। 18 ਮਾਰਚ ਤੋਂ, ਜਦੋਂ ਆਈਡੀਐਫ ਨੇ ਗਾਜ਼ਾ ਪੱਟੀ ਵਿੱਚ ਹਮਾਸ ਵਿਰੁੱਧ ਆਪਣਾ ਹਮਲਾ ਦੁਬਾਰਾ ਸ਼ੁਰੂ ਕੀਤਾ, ਯਮਨ ਵਿੱਚ ਹੌਥੀ ਬਾਗ਼ੀਆਂ ਨੇ ਇਜ਼ਰਾਈਲ ‘ਤੇ 42 ਬੈਲਿਸਟਿਕ ਮਿਜ਼ਾਈਲਾਂ ਅਤੇ ਘੱਟੋ-ਘੱਟ 10 ਡਰੋਨ ਦਾਗੇ ਹਨ। ਜਿਸ ਵਿੱਚ ਕਈ ਮਿਜ਼ਾਈਲਾਂ ਅਸਫਲ ਹੋ ਗਈਆਂ ਹਨ।