ਮਸ਼ਹੂਰ ਬੰਗਾਲੀ ਅਦਾਕਾਰਾ ਸੁਚੰਦਰ ਦਾਸਗੁਪਤਾ ਦੀ ਸੜਕ ਹਾਦਸੇ ‘ਚ ਮੌਤ

ਬੰਗਾਲੀ ਐਂਟਰਟੇਨਮੈਂਟ ਇੰਡਸਟਰੀ ਤੋਂ ਇੱਕ ਬੁਰੀ ਖਬਰ ਸਾਹਮਣੇ ਆ ਰਹੀ ਹੈ। ਅਦਾਕਾਰਾ ਸੁਚੰਦਰ ਦਾਸਗੁਪਤਾ ਦੀ ਸ਼ੂਟਿੰਗ ਤੋਂ ਪਰਤਦੇ ਸਮੇਂ ਸੜਕ ਹਾਦਸੇ ਵਿੱਚ ਮੌਤ ਹੋ ਗਈ। ਇਸ ਖਬਰ ਤੋਂ ਬਾਅਦ ਪੂਰੀ ਬੰਗਾਲੀ ਇੰਡਸਟਰੀ ‘ਚ ਸੋਗ ਦੀ ਲਹਿਰ ਦੌੜ ਗਈ ਹੈ। ਦੂਜੇ ਪਾਸੇ ਸੁਚੰਦਰ ਦਾਸਗੁਪਤਾ ਦੇ ਪਰਿਵਾਰਕ ਮੈਂਬਰ ਡੂੰਘੇ ਸਦਮੇ ਵਿੱਚ ਹਨ। ਉਨ੍ਹਾਂ ਦੇ ਪ੍ਰਸ਼ੰਸਕ ਵਿਸ਼ਵਾਸ ਨਹੀਂ ਕਰ ਪਾ ਰਹੇ ਹਨ ਕਿ ਉਨ੍ਹਾਂ ਦੀ ਪਸੰਦੀਦਾ ਅਦਾਕਾਰਾ ਦਾ ਦਿਹਾਂਤ ਹੋ ਗਿਆ ਹੈ।ਖਬਰਾਂ ਮੁਤਾਬਕ ਸੁਚੰਦਰ ਦਾਸਗੁਪਤਾ ਸ਼ਨੀਵਾਰ ਰਾਤ ਨੂੰ ਐਪੀ ਬਾਈਕ ‘ਤੇ ਸ਼ੂਟਿੰਗ ਕਰਨ ਤੋਂ ਬਾਅਦ ਘਰ ਪਰਤ ਰਹੀ ਸੀ। ਇਸ ਦੌਰਾਨ ਬਾਰਾਨਗਰ ਥਾਣਾ ਖੇਤਰ ਦੇ ਘੋਸ਼ ਪਾੜਾ ਨੇੜੇ ਉਸ ਦਾ ਹਾਦਸਾ ਹੋ ਗਿਆ। ਇਸ ਹਾਦਸੇ ‘ਚ ਅਭਿਨੇਤਰੀ ਦੀ ਮੌਕੇ ‘ਤੇ ਹੀ ਮੌਤ ਹੋ ਗਈ। ਟੀਵੀ ਅਦਾਕਾਰਾ ਸੁਚੰਦਰ ਦਾਸਗੁਪਤਾ ਛੋਟੇ ਪਰਦੇ ਦੇ ਮਸ਼ਹੂਰ ਬੰਗਾਲੀ ਸੀਰੀਅਲ ‘ਗੌਰੀ’ ‘ਚ ਸਹਿ-ਅਭਿਨੇਤਰੀ ਵਜੋਂ ਕੰਮ ਕਰਦੀ ਸੀ। ਸੁਚੰਦਰ ਦਾਸ ਨੂੰ ਇਸ ਸੀਰੀਅਲ ਤੋਂ ਕਾਫੀ ਪ੍ਰਸਿੱਧੀ ਮਿਲੀ।