ਬੱਬੂ ਮਾਨ ਦੇ ਕਬੱਡੀ ਕੱਪ ਅਖ਼ਾੜੇ ਚ ਪੁਲਸ ਨੇ ਚਲਾਈ ਡਾਂਗ, ਬੰਦ ਕਰਨਾ ਪਿਆ ਪ੍ਰੋਗਰਾਮ
ਲੁਧਿਆਣਾ ਦੇ ਬੱਦੋਵਾਲ ਵਿਖੇ ਕਰਵਾਏ ਕਬੱਡੀ ਕੱਪ ’ਤੇ ਭੀੜ ਜਮਾਉਣ ਲਈ ਬੁਲਾਏ ਗਏ ਉੱਘੇ ਲੋਕ ਗਾਇਕ ਬੱਬੂ ਮਾਨ ਦੇ ਚੱਲਦੇ ਅਖਾੜੇ ’ਚ ਹੁਲੜਬਾਜ਼ਾਂ ਨੇ ਸ਼ਰਾਬ ਪੀ ਕੇ ਖੁੱਲ੍ਹ ਕੇ ਹੁਲੜਬਾਜ਼ੀ ਕੀਤੀ ਤੇ ਪੁਲਸ ਕਰਮਚਾਰੀਆਂ ’ਤੇ ਕੁਰਸੀਆਂ ਅਤੇ ਬੋਤਲਾਂ ਸੁੱਟਣੀਆਂ ਸ਼ੁਰੂ ਕੀਤੀਆਂ, ਜਿਸ ਦਾ ਸਖ਼ਤ ਨੋਟਿਸ ਲੈਂਦਿਆਂ DSP ਵਰਿੰਦਰ ਸਿੰਘ ਖੋਸਾ ਨੇ ਖੁਦ ਸਟੇਜ ’ਤੇ ਚੜ੍ਹ ਕੇ ਬੱਬੂ ਮਾਨ ਤੋਂ ਮਾਈਕ ਫੜ ਕੇ ਹੁਲੜਬਾਜ਼ਾਂ ਨੂੰ ਨੱਥ ਪਾਉਣ ਲਈ ਪੁਲਸ ਕਰਮਚਾਰੀਆਂ ਨੂੰ ਆਦੇਸ਼ ਜਾਰੀ ਕੀਤੇ।
ਇਸ ਮਗਰੋਂ ਪੁਲਸ ਕਰਮਚਾਰੀਆਂ ਨੇ ਹੁਲੜਬਾਜਾਂ ‘ਤੇ ਲਾਠੀਚਾਰਜ ਕਰ ਕੇ ਹੁੱਲੜਬਾਜ਼ਾਂ ਨੂੰ ਖਦੇੜਿਆ। ਉਥੇ ਹੁਲੜਬਾਜ਼ਾਂ ਦੀ ਵੀਡੀਓ ਬਣਾਕੇ ਉਨ੍ਹਾਂ ਵਿਰੁੱਧ ਸਖ਼ਤ ਕਾਰਵਾਈ ਕਰਨ ਦਾ ਆਦੇਸ਼ ਵੀ ਦਿੱਤਾ। ਮੇਲੇ ‘ਚ ਮਾਹੌਲ ਖ਼ਰਾਬ ਹੁੰਦੇ ਵੇਖ ਕੇ DSP ਨੇ ਕਰੀਬ 10 ਵਜੇ ਰਾਤੀ ਮੇਲਾ ਬੰਦ ਕਰਨ ਦਾ ਹੁਕਮ ਦਿੰਦਿਆਂ ਬੱਬੂ ਮਾਨ ਦਾ ਅਖਾੜਾ ਬੰਦ ਕਰਵਾ ਦਿੱਤਾ।
DSP ਖੋਸਾ ਨੇ ਕਿਹਾ ਕਿ ਖੇਡ ਮੇਲੇ ਨਸ਼ਿਆਂ ਤੋਂ ਨੌਜਵਾਨਾਂ ਨੂੰ ਦੂਰ ਕਰਨ ਲਈ ਕਰਵਾਏ ਜਾਂਦੇ ਹਨ। ਇੱਥੇ ਨੌਜਵਾਨ ਸ਼ਰਾਬ ਦੇ ਨਸ਼ੇ ‘ਚ ਧੁੱਤ ਹੋ ਕੇ ਬੇਖੌਫ ਹੜਕੰਮ ਮਚਾ ਰਹੇ ਹਨ, ਇਹ ਕਿਹੋ ਜਿਹਾ ਮੇਲਾ ਹੈ ਜਿੱਥੇ ਮਾਹੌਲ ਨੂੰ ਖਰਾਬ ਕੀਤਾ ਜਾ ਰਿਹਾ ਹੈ। ਪੁਲਸ ਪ੍ਰਸ਼ਾਸਨ ਕਿਸੇ ਵੀ ਕੀਮਤ ‘ਤੇ ਅਨੁਸ਼ਾਸਨ ਭੰਗ ਨਹੀਂ ਹੋਣ ਦੇਵੇਗਾ। ਡੀ.ਐੱਸ.ਪੀ. ਵਰਿੰਦਰ ਸਿੰਘ ਖੋਸਾ ਨੇ ਦੱਸਿਆ ਕਿ ਹੁਲੜਬਾਜ਼ਾ ਦੀ ਵੀਡੀਓ ਰਾਹੀਂ ਪਹਿਚਾਣ ਕਰਕੇ SHO ਅੰਮ੍ਰਿਤਪਾਲ ਸਿੰਘ ਇਨ੍ਹਾਂ ਹੁਲੜਬਾਜ਼ਾਂ ਵਿਰੁੱਧ ਕਾਨੂੰਨੀ ਕਾਰਵਾਈ ਕਰ ਰਹੇ ਹਨ ਤੇ ਜਲਦੀ ਇਹ ਹੁਲੜਬਾਜ਼ ਜੇਲ੍ਹ ਦੀਆਂ ਸ਼ਲਾਖਾ ਪਿੱਛੇ ਹੋਣਗੇ।
Post Disclaimer
Opinion/facts in this article are author\'s own and punjabi.newsd5.in does not assume any responsibility or liability for the same.If You Have Problem With This Article Plz Contact Our Team At Contact Us Page.
