ਬ੍ਰਿਟੇਨ ਨੇ ਭਾਰਤ ਨੂੰ ਰੈੱਡ ਲਿਸਟ ਤੋਂ ਕੀਤਾ ਬਾਹਰ, 8 ਅਗਸਤ ਤੋਂ UK ਲਈ ਉਡ਼ਾਣ ਭਰ ਸਕਣਗੇ ਭਾਰਤੀ

ਬ੍ਰਿਟੇਨ : ਬ੍ਰਿਟੇਨ ‘ਚ ਰਹਿ ਰਹੇ ਭਾਰਤੀਆਂ ਲਈ ਰਾਹਤ ਭਰੀ ਖ਼ਬਰ ਸਾਹਮਣੇ ਆਈ ਹੈ। ਯੂਨਾਈਟਿਡ ਕਿੰਗਡਮ 8 ਅਗਸਤ ਤੋਂ ਯਾਤਰਾ ਪ੍ਰਤੀਬੰਧਾਂ ‘ਚ ਢਿੱਲ ਦੇ ਰਿਹਾ ਹੈ। ਇਹ ਲੋਕਾਂ ਲਈ ਵੱਡੀ ਰਾਹਤ ਹੈ ਜੋ ਕੁਝ ਸਮੇਂ ਤੋਂ ਭਾਰਤ ਅਤੇ ਬ੍ਰਿਟੇਨ ‘ਚ ਯਾਤਰਾ ਨਿਯਮਾਂ ‘ਚ ਢਿੱਲ ਦੀ ਮੰਗ ਕਰ ਰਹੇ ਸਨ। ਯੂਕੇ ਦੇ ਟ੍ਰਾਂਸਪੋਰਟ ਸਕੱਤਰ ਨੇ ਟਵੀਟ ਕਰ ਇਸਦੀ ਜਾਣਕਾਰੀ ਦਿੱਤੀ। ਸਕੱਤਰ ਨੇ ਟਵੀਟ ਕੀਤਾ ਕਿ ਯੂਏਈ,ਕਤਰ, ਭਾਰਤ ਅਤੇ ਬਹਿਰੀਨ ਨੂੰ ਰੈਡ ਲਿਸਟ ਤੋਂ ਅੰਬਰ ਲਿਸਟ ‘ਚ ਪਾ ਦਿੱਤਾ ਜਾਵੇਗਾ। ਇਹ ਬਦਲਾਅ 8 ਅਗਸਤ ਨੂੰ ਸਵੇਰੇ 4 ਵਜੇ ਤੋਂ ਪ੍ਰਭਾਵੀ ਹੋ ਜਾਣਗੇ। ਯਾਨੀ ਕਿ 8 ਅਗਸਤ ਤੋਂ ਭਾਰਤ ਨੂੰ ‘ਰੈਡ ਲਿਸਟ’ ਤੋਂ ਬਾਹਰ ਕਰ ‘ਅੰਬਰ’ ਲਿਸਟ ‘ਚ ਪਾ ਦਿੱਤਾ ਜਾਵੇਗਾ। ਭਾਰਤ – ਯੂਏਈ ਸਮੇਤ ਅੰਬਰ ਲਿਸਟ ਦੇ ਦੇਸ਼ਾਂ ਨੂੰ ਲੰਦਨ ਦੀ ਯਾਤਰਾ ਤੋਂ ਤਿੰਨ ਦਿਨ ਪਹਿਲਾਂ ਕੋਰੋਨਾ ਟੈਸਟ ਕਰਵਾਉਣਾ ਪਵੇਗਾ।

ਪੰਜਾਬ ਦੀ ਸਿਆਸਤ ਨਾਲ ਜੁੜੀ ਵੱਡੀ ਖ਼ਬਰ, ਪ੍ਰਸ਼ਾਂਤ ਕਿਸ਼ੋਰ ਨੇ ਛੱਡਿਆ ਕੈਪਟਨ ਦਾ ਸਾਥ, ਹਿੱਲੀ ਸੂਬੇ ਦੀ ਸਿਆਸਤ!

ਨਵੇਂ ਨਿਯਮਾਂ ਦੇ ਤਹਿਤ ਇੰਗਲੈਂਡ ਪਹੁੰਚਣ ‘ਤੇ ਦੋ ਕੋਰੋਨਾ ਟੈਸਟ ਕਰਵਾਉਣੇ ਹੋਣਗੇ। ਇਸ ਦੀ ਬੁਕਿੰਗ ਪਹਿਲਾਂ ਹੀ ਕਰਾਉਣੀ ਹੋਵੇਗੀ। ਟ੍ਰੈਵਲ ਲੋਕੇਟਰ ਫਾਰਮ ਭਰਨਾ ਹੋਵੇਗਾ। ਇੰਗਲੈਂਡ ਪਹੁੰਚਣ ‘ਤੇ ਯਾਤਰੀਆਂ ਨੂੰ ਘਰ ਵਿਚ ਹੀ ਜਾਂ ਟ੍ਰੈਵਲ ਲੋਕੇਟਰ ਵਿਚ ਦੱਸੀ ਗਈ ਜਗ੍ਹਾ ‘ਤੇ 10 ਦਿਨ ਲਈ ਕੁਆਰੰਟੀਨ ਵਿਚ ਰਹਿਣਾ ਹੋਵੇਗਾ। ਦੂਜੇ ਦਿਨ ਅਤੇ 8ਵੇਂ ਦਿਨ ਯਾਤਰੀ ਨੂੰ ਕੋਰੋਨਾ ਟੈਸਟ ਕਰਾਉਣਾ ਹੋਵੇਗਾ। ਦੱਸ ਦਈਏ ਕਿ ਲਾਲ ਸੂਚੀ ਵਿਚ ਸ਼ਾਮਲ ਹੋਣ ਦੇ ਬਾਅਦ ਭਾਰਤੀ ਯਾਤਰੀਆਂ ਨੂੰ ਹੋਟਲ ਵਿਚ 10 ਦਿਨ ਤੱਕ ਕੁਆਰੰਟੀਨ ਰਹਿਣਾ ਪੈਂਦਾ ਸੀ ਪਰ ਹੁਣ ਅੰਬਰ ਸੂਚੀ ਵਿਚ ਸ਼ਾਮਲ ਹੋਣ ‘ਤੇ ਘਰ ਵਿਚ ਹੀ 10 ਦਿਨਾਂ ਲਈ ਕੁਆਰੰਟੀਨ ਰਹਿਣਾ ਹੋਵੇਗਾ।ਉੱਥੇ ਪਾਕਿਸਤਾਨ ਹਾਲੇ ਵੀ ਰੈੱਡ ਲਿਸਟ ਵਿਚ ਸ਼ਾਮਲ ਹੈ, ਜਿਸ ਦਾ ਮਤਲਬ ਹੈ ਕਿ ਉਸ ਦੇ ਯਾਤਰੀਆਂ ਨੂੰ ਕੁਆਰੰਟੀਨ ਲਈ ਵੱਡੀ ਰਾਸ਼ੀ ਚੁਕਾਉਣੀ ਹੋਵੇਗੀ।