ਬਾਬਾ ਗਾਂਧਾ ਗੁਰਦੁਆਰਾ ਦੇ ਮੈਨੇਜਰ ਨੇ ਬੀਬੀ ਜਗੀਰ ਕੌਰ ਨੂੰ ਕੱਢਿਆ ਲੀਗਲ ਨੋਟਿਸ

ਬਾਬਾ ਗਾਂਧਾ ਗੁਰਦੁਆਰਾ ਬਰਨਾਲਾ ਦੇ ਮੈਨੇਜਰ ਵੱਲੋਂ SGPC ਦੀ ਸਾਬਕਾ ਪ੍ਰਧਾਨ ਬੀਬੀ ਜਗੀਰ ਕੌਰ ਨੂੰ ਸੀਨੀਅਰ ਐਡਵੋਕੇਟ ਸਤਨਾਮ ਸਿੰਘ ਰਾਹੀ ਦੁਆਰਾ ਲੀਗਲ ਨੋਟਿਸ ਭੇਜਿਆ ਗਿਆ ਹੈ। ਇਸ ਦੀ ਜਾਣਕਾਰੀ  ਸ਼੍ਰੋਮਣੀ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਦੇ ਅੰਤ੍ਰਿੰਗ ਮੈਂਬਰ ਜਥੇਦਾਰ ਪਰਮਜੀਤ ਸਿੰਘ ਖ਼ਾਲਸਾ, ਸ਼੍ਰੋਮਣੀ ਅਕਾਲੀ ਦਲ ਦੇ ਹਲਕਾ ਭਦੌੜ ਤੋਂ ਇੰਚਾਰਜ਼ ਤੇ ਸੀਨੀਅਰ ਐਡਵੋਕੇਟ ਸਤਨਾਮ ਸਿੰਘ ਰਾਹੀ ਤੇ ਬਾਬਾ ਗਾਂਧਾ ਗੁਰਦੁਆਰਾ ਸਾਹਿਬ ਬਰਨਾਲਾ ਦੇ ਮੈਨੇਜਰ ਸੁਰਜੀਤ ਸਿੰਘ ਠੀਕਰੀਵਾਲ ਨੇ ਦਿੱਤੀ।ਉਨ੍ਹਾਂ ਨੇ ਦੱਸਿਆ ਕਿ ਸੋਸ਼ਲ ਮੀਡੀਆ ’ਤੇ ਇਕ ਚੈੱਨਲ ਵਲੋਂ ਇੰਟਰਵਿਊ ਦੌਰਾਨ SGPC  ਦੀ ਸਾਬਕਾ ਪ੍ਰਧਾਨ ਬੀਬੀ ਜਗੀਰ ਕੌਰ ਵਲੋਂ ਕਈ ਲੱਖ ਰੁਪਏ ਦਾ ਘਪਲਾ ਕਰਨ ’ਤੇ ਮੈਨੇਜਰ ਨੂੰ ਮੁਅੱਤਲ ਕਰਨ ਦੇ ਵਾਇਰਲ ਹੋਏ ਵੀਡਿਓ ’ਚ ਜਥੇਦਾਰ ਪਰਮਜੀਤ ਸਿੰਘ ਖ਼ਾਲਸਾ ਵਲੋਂ ਮੁੜ੍ਹ ਮੈਨੇਜਰ ਲਗਾਉਣ ਦੀ ਜਿੱਦ ’ਤੇ ਐੱਸਜੀਪੀਸੀ ਦੇ ਨਵੇਂ ਬਣੇ ਪ੍ਰਧਾਨ ਐਡਵੋਕੇਟ ਹਰਜਿੰਦਰ ਸਿੰਘ ਧਾਮੀ ਦੀ ਜਿੱਤ ’ਤੇ ਚੁੱਕੇ ਸਵਾਲਾਂ ਖ਼ਿਲਾਫ਼ ਬੀਬੀ ਜਗੀਰ ਕੌਰ ਨੂੰ ਲੀਗਲ ਨੋਟਿਸ ਕੱਢਿਆ ਗਿਆ ਹੈ। ਐਡਵੋਕੇਟ ਸਤਨਾਮ ਸਿੰਘ ਰਾਹੀ ਨੇ ਦੱਸਿਆ ਕਿ ਬੀਬੀ ਜਗੀਰ ਕੌਰ ਨੂੰ 7 ਦਿਨਾਂ ਦਾ ਲੀਗਲ ਨੋਟਿਸ ਕੱਢਿਆ ਗਿਆ ਹੈ ਕਿ ਜਿਸ ਤਰ੍ਹਾਂ ਬੀਬੀ ਨੇ ਇਕ ਮੈਨੇਜਰ ਨੂੰ ਬਦਨਾਮ ਕਰਨ ਤੇ ਐੱਸਜੀਪੀਸੀ ਮੈਂਬਰ ਖ਼ਿਲਾਫ਼ ਝੂਠਾ ਬੇਤੁਕਾ ਪ੍ਰਚਾਰ ਕੀਤਾ ਹੈ, ਉਸਦੀ ਜੇਕਰ ਉੁਹ ਮਾਫ਼ੀ ਨਹੀਂ ਮੰਗਦੇ ਤਾਂ 7 ਦਿਨਾਂ ਬਾਅਦ ਉਹ ਇਸ ਵੀਡਿਓ ’ਤੇ ਸਬੰਧਿਤ ਕਾਨੂੰਨੀ ਕਾਰਵਾਈ ਕਰਨ ਲਈ ਜਿੱਥੇ ਮਾਣਯੋਗ ਅਦਾਲਤ ’ਚ ਚਾਰਾਜੋਈ ਕਰਨਗੇ, ਉੱਥੇ ਹੀ ਮੈਨੇਜਰ ਵਲੋਂ ਪੁਲਿਸ ਕਾਰਵਾਈ ਨੂੰ ਵੀ ਤਵੱਜੋ ਦੇਣਗੇ। ਐਡਵੋਕੇਟ ਰਾਹੀ ਨੇ ਦੱਸਿਆ ਕਿ ਮੈਨੇਜਰ ਸੁਰਜੀਤ ਸਿੰਘ ਨੂੰ ਹੁਕਮ ਨੰਬਰ 3550 ਰਾਹੀਂ 16 ਫ਼ਰਵਰੀ 2021 ਨੂੰ ਸਸਪੈਂਡ ਕੀਤਾ ਸੀ ਤੇ ਹੁਕਮ ਨੰਬਰ 3292 ਰਾਹੀਂ 20 ਨਵੰਬਰ 2021 ਨੂੰ ਬਹਾਲ ਕੀਤਾ ਸੀ। ਇਹ ਦੋਵੇਂ ਹੁਕਮ ਐੱਸਜੀਪੀਸੀ ਦੀ ਉਸ ਸਮੇਂ ਦੀ ਪ੍ਰਧਾਨ ਬੀਬੀ ਜਗੀਰ ਵਲੋਂ ਹੀ ਕੀਤੇ ਗਏ ਸਨ। ਉਨ੍ਹਾਂ ਦੱਸਿਆ ਕਿ ਬੀਬੀ ਨੇ ਖ਼ੁਦ ਹੀ ਦੋਸ਼ ਲਗਾਏ ਤੇ ਖ਼ੁਦ ਹੀ ਦੋਸ਼ ਮੁਕਤ ਕਰਕੇ ਬਹਾਲ ਕਰ ਸੁਰਜੀਤ ਸਿੰਘ ਨੂੰ ਬਤੌਰ ਇੰਸਪੈਕਟਰ 85 ਸ਼੍ਰੋਮਣੀ ਕਮੇਟੀ ਲਗਾਇਆ ਸੀ। ਉਨ੍ਹਾਂ ਕਿਹਾ ਕਿ ਜੇਕਰ ਮੈਨੇਜਰ ਸੁਰਜੀਤ ਸਿੰਘ ਨੇ ਗਬਨ ਕੀਤਾ ਸੀ ਤਾਂ ਫ਼ਿਰ ਉਸਨੂੰ ਬਹਾਲ ਕਿਸਦੇ ਕਹਿਣ ਤੇ ਕਿਉਂ ਕੀਤਾ। ਜੇਕਰ ਜਾਂਚ ਦੌਰਾਨ ਕੋਈ ਗਬਨ ਪਾਇਆ ਹੀ ਨਹੀਂ ਗਿਆ ਤਾਂ ਫ਼ਿਰ ਹੁਣ ਵੀਡਿਓ ਪਾ ਕੇ ਉਸਨੂੰ ਬਦਨਾਮ ਕਿਉਂ ਕੀਤਾ ਜਾ ਰਿਹਾ ਹੈ। ਜਿਸਦੇ ਸਬੰਧ ’ਚ ਬੀਬੀ ਜਗੀਰ ਕੌਰ ਨੂੰ ਲੀਗਲ ਨੋਟਿਸ ਕੱਢਿਆ ਗਿਆ