ਫਿਲਮ ਭਾਰਤ ਦੀ ਸ਼ੂਟਿੰਗ ਸਮੇਂ ਫਿਲਮ ‘ਚ ਕੰਮ ਕਰਨ ਵਾਲੇ ਮਜ਼ਦੂਰਾਂ,ਨਾਲ ਹੋਇਆ ਧੱਕਾ
ਲੁਧਿਆਣਾ : ਬੀਂਗ ਹਿਊਮਨ ਨਾਮ ਦੀ ਸੰਸਥਾ ਬਣਾ ਕੇ ਗਰੀਬਾਂ ਤੇ ਲੋੜਵੰਦਾਂ ਦੀ ਮਦਦ ਕਰਨ ਵਾਲੇ ਸਲਮਾਨ ਖਾਨ ‘ਤੇ ਆਪਣੀ ਹੀ ਫਿਲਮ ‘ਚ ਕੰਮ ਕਰਨ ਵਾਲੇ ਮਜ਼ਦੂਰਾਂ ਨੂੰ ਮਿਹਨਤਾਨਾ ਦੁਆਉਣ ‘ਚ ਨਾਕਾਮ ਰਹਿਣ ਦੇ ਇਲਜ਼ਾਮ ਲੱਗੇ ਹਨ । ਖ਼ਬਰ ਲੁਧਿਆਣਾ ਦੇ ਪਿੰਡ ਬੱਲੋਵਾਲ ਦੀ ਹੈ ਜਿੱਥੇ ਬਾਲੀਵੁੱਡ ਸਟਾਰ ਸਲਮਾਨ ਖਾਨ ਦੀ ਫਿਲਮ ਭਾਰਤ ਦੀ ਸੂਟਿੰਗ ਚੱਲ ਰਹੀ ਹੈ । ਬੇਸ਼ੱਕ ਇਸ ਫਿਲਮ ਦਾ ਬਜਟ ਕਰੋੜਾਂ ਰੁਪਏ ਦਾ ਦੱਸਿਆ ਜਾ ਰਿਹਾ ਏ, ਪਰ ਫਿਰ ਵੀ ਫਿਲਮ ਵਿਚ ਕੰਮ ਕਰਨ ਵਾਲੇ ਦਿਹਾੜੀਦਾਰ ਭੁੱਖੇ ਮਰਨ ਲਈ ਮਜ਼ਬੂਰ ਨੇ । ਹਾਲਤ ਇਹ ਹਨ ਕਿ ਇਹਨਾਂ ਫ਼ਿਲਮਕਾਰਾਂ ਦੇ ਸਤਾਏ ਦਿਹਾੜੀ ਦਾਰ ਹੁਣ ਸੜਕਾਂ ਤੇ ਉਤਰਣ ਲਈ ਮਜ਼ਬੂਰ ਹਨ ।
Read Also ਸਲਮਾਨ ਖਾਨ ਦੇ ‘ਦਸ ਕਾ ਦਮ’ ਗੀਤ ਨੂੰ ਇਸ ਪੰਜਾਬੀ ਸਿੰਗਰ ਨੇ ਦਿੱਤੀ ਆਵਾਜ਼
ਪ੍ਰਾਪਤ ਜਾਣਕਾਰੀ ਅਨੁਸਾਰ ਇਸ ਫਿਲਮ ‘ਚ 153 ਵਿਅਕਤੀ 350 ਰੁਪਏ ਦਿਹਾੜੀ ‘ਤੇ ਬੜੇ ਚਾਅ ਨਾਲ ਕੰਮ ਕਰਨ ਲਈ ਗਏ ਸਨ । ਇਸ ਦੌਰਾਨ ਉਨ੍ਹਾਂ ਨੂੰ ਸਲਮਾਨ ਖਾਨ ਨੂੰ ਵੇਖਣ ਦਾ ਵੀ ਚਾਅ ਸੀ । ਪਰ ਉਨ੍ਹਾ ਨੂੰ ਕੀ ਪਤਾ ਸੀ ਉਨ੍ਹਾ ਦੇ ਖੂਨ ਪਸ਼ੀਨੇ ਨਾਲ ਕੀਤੀ ਮਿਹਨਤ ਉਨ੍ਹਾ ਨੂੰ ਮਿਲਣ ਵਾਲੀ ਨਹੀਂ । ਹੋਇਆ ਇੰਝ ਕਿ ਫਿਲਮ ਵਾਲਿਆ ਨੇ ਮਜੂਦਰਾਂ ਦੀ ਬਣਦੀ ਰਾਸ਼ੀ 54 ਹਜ਼ਾਰ 800 ਚੋਂ 30 ਹਾਜ਼ਰ ਰੁਪਏ ਦੀ ਰਾਸੀ ਦਾ ਚੈੱਕ ਦੇ ਦਿੱਤਾ । ਹੈਰਾਨੀ ਤਾਂ ਉਦੋ ਹੋਈ ਜਦੋਂ ਕਰੋੜਾਂ ਦੇ ਬਜਟ ਵਾਲੀ ਇਸ ਫਿਲਮ ਦਾ ਚੈੱਕ ਹੀ ਬਾਉਂਸ ਹੋ ਗਿਆ । ਇਹ ਦੇਖ ਕੇ ਮਜਦੂਰਾਂ ਦੇ ਪੈਰਾ ਹੇਠੋ ਜ਼ਮੀਨ ਹੀ ਖਿਸਕ ਗਈ । ਚੈੱਕ ਬਾਊਂਸ ਦਾ ਪਤਾ ਲੱਗਦਿਆਂ ਹੀ ਇਹਨਾਂ ਚੋਂ ਇੱਕ ਬਜੁਰਗ ਮਜ਼ਦੂਰ ਤਾਂ ਚੱਕਰ ਖਾ ਕੇ ਧਰਤੀ ਤੇ ਹੀ ਡਿੱਗ ਗਿਆ।
ਇਹ ਦੇਖਦਿਆਂ ਗੁੱਸੇ ‘ਚ ਆਏ ਮਜ਼ੂਦਰਾਂ ਨੇ ਭਾਰਤ ਫਿਲਮ ਵਾਲੀ ਪ੍ਰੋਡਕਸ਼ਨ ਟੀਮ ਦੇ ਖਿਲਾਫ਼ ਦੱਬ ਕੇ ਨਾਅਰੇਬਾਜ਼ੀ ਕੀਤੀ । ਕੁੱਲ ਮਿਲਾ ਕੇ ਮਾਮਲਾ ਉਜਰਤ ਕਾਨੂੰਨ ਯਾਨੀ ਲੇਬਰ ਐਕਟ ਦੀ ਉਲੰਘਣਾਂ ਦੇ ਨਾਲ ਨਾਲ ਚੈੱਕ ਬਾਊਂਸ ਦਾ ਵੀ ਹੈ ਪਰ ਜਿਵੇਂ ਕਿ ਅਸੀਂ ਪਹਿਲਾਂ ਦੱਸਿਆ ਹੈ ਕਿ ਇਹ ਸਾਰੇ ਦਿਹਾੜੀਦਾਰ ਮਜ਼ਦੂਰ ਹਨ ਤੇ ਬਹੁਤੇ ਪੜ੍ਹੇ ਲਿਖੇ ਵੀ ਨਹੀਂ ਹਨ ਹੁਣ ਇਹਨਾਂ ਹਾਲਾਤਾਂ ‘ਚ ਇਹਨਾਂ ਮਜ਼ਦੂਰਾਂ ਲਈ ਮਸੀਹਾ ਬਣ ਕੇ ਕੌਣ ਆਵੇਗਾ, ਆਵੇਗਾ ਵੀ ਕਿ ਨਾ, ਤੇ ਆਪਣੀਆਂ ਦਿਹਾੜਿਆਂ ਲੈਣ ਲਈ ਇਹਨਾਂ ਮਜ਼ਦੂਰਾਂ ਨੂੰ ਹੋਰ ਕਿੰਨੀਆਂ ਦਿਹਾੜਿਆਂ ਲਾਉਣੀਆਂ ਪੈਣਗੀਆਂ ਇਹ ਤਾਂ ਆਉਣ ਵਾਲਾ ਵਕਤ ਹੀ ਦੱਸੇਗਾ ।
Post Disclaimer
Opinion/facts in this article are author\'s own and punjabi.newsd5.in does not assume any responsibility or liability for the same.If You Have Problem With This Article Plz Contact Our Team At Contact Us Page.
