ਪੰਜਾਬੀ ਗਾਇਕ Geeta Zaildar ਨੇ ਦੁਕਾਨਦਾਰ ਤੋਂ ਮੰਗੀ ਮੁਆਫ਼ੀ

2000 ਰੁਪਏ ਦੇ ਕੱਪੜਿਆਂ ਤੋਂ ਸ਼ੁਰੂ ਹੋਇਆ ਵਿਵਾਦ ਕਿਵੇਂ ਬਣਿਆ ਸ਼ਹਿਰ ਭਰ ਦੀ ਚਰਚਾ? ਅਖ਼ੀਰਕਾਰ ਗਾਇਕ ਨੇ ਮੰਗੀ ਮਾਫ਼ੀ ਅਤੇ ਮਾਮਲਾ ਪਹੁੰਚਿਆ ਅਚਾਨਕ ਮੋੜ ‘ਤੇ।ਫਗਵਾੜਾ ਸ਼ਹਿਰ ਵਿੱਚ ਕੁਝ ਦਿਨ ਪਹਿਲਾਂ ਵਾਪਰੇ ਹੰਗਾਮੇ ਨੇ ਸੋਸ਼ਲ ਮੀਡੀਆ ਤੋਂ ਲੈ ਕੇ ਸਥਾਨਕ ਵਪਾਰ ਮੰਡਲ ਤੱਕ ਚਰਚਾ ਛੇੜ ਦਿੱਤੀ ਸੀ। ਨਾਮੀ ਪੰਜਾਬੀ ਗਾਇਕ ਗੀਤਾ ਜੈਲਦਾਰ ‘ਤੇ ਲਾਡੀ ਦੀ ਹੱਟੀ ਨਾਮਕ ਕੱਪੜਿਆਂ ਦੀ ਦੁਕਾਨ ‘ਤੇ ਹੰਗਾਮਾ ਕਰਨ ਅਤੇ ਦੁਕਾਨਦਾਰ ਨਾਲ ਬਦਸਲੂਕੀ ਦੇ ਦੋਸ਼ ਲੱਗੇ ਸਨ। ਹੁਣ ਇਸ ਮਾਮਲੇ ਵਿੱਚ ਵੱਡਾ ਮੋੜ ਆ ਗਿਆ ਹੈ। ਦੁਕਾਨ ਮਾਲਕ ਨਿਸ਼ਾਂਤ ਦੇ ਅਨੁਸਾਰ ਗਾਇਕ ਨੇ ਖੁਦ ਉਨ੍ਹਾਂ ਕੋਲ ਪਹੁੰਚ ਕੇ ਮਾਫ਼ੀ ਮੰਗੀ ਹੈ, ਜਿਸ ਤੋਂ ਬਾਅਦ ਪੁਲਿਸ ਵਿੱਚ ਦਿੱਤੀ ਗਈ ਸ਼ਿਕਾਇਤ ਵਾਪਸ ਲੈ ਲਈ ਗਈ ਹੈ।
ਮਾਮਲਾ ਉਸ ਵੇਲੇ ਸਾਹਮਣੇ ਆਇਆ ਜਦੋਂ ਗੀਤਾ ਜੈਲਦਾਰ ਆਪਣੇ ਕੁਝ ਸਾਥੀਆਂ ਨਾਲ ਲਾਡੀ ਦੀ ਹੱਟੀ ਦੁਕਾਨ ‘ਤੇ ਪਹੁੰਚੇ। ਦੱਸਿਆ ਗਿਆ ਕਿ ਕੁਝ ਸਮਾਂ ਪਹਿਲਾਂ ਉਨ੍ਹਾਂ ਵੱਲੋਂ ਖਰੀਦਿਆ ਗਿਆ ਕਰੀਬ 2000 ਰੁਪਏ ਦਾ ਕੁੜਤਾ-ਚਾਦਰਾ ਵਾਪਸ ਕਰਨ ਲਈ ਉਹ ਦੁਕਾਨ ‘ਤੇ ਆਏ ਸਨ। ਵਾਪਸੀ ਨੂੰ ਲੈ ਕੇ ਕਹਾਸੁਨੀ ਹੋਈ, ਜੋ ਤਕਰਾਰ ਵਿੱਚ ਬਦਲ ਗਈ।