PunjabTop News

ਪੈਸੇ ਨਾ ਮੋੜਨ ਦੇ ਦੋਸ਼ ‘ਚ ਸਾਬਕਾ ਕੈਬਨਿਟ ਮੰਤਰੀ ਸਰਾਰੀ ਫਿਰ ਮੁਸੀਬਤ ‘ਚ, ਅਦਾਲਤ ਨੇ 12 ਅਪ੍ਰੈਲ ਨੂੰ ਪੇਸ਼ ਹੋਣ ਲਈ ਭੇਜਿਆ ਨੋਟਿਸ

ਪੰਜਾਬ ਦੇ ਸਾਬਕਾ ਕੈਬਨਿਟ ਮੰਤਰੀ ਅਤੇ ਗੁਰੂਹਰਸਹਾਏ ਤੋਂ ਆਮ ਆਦਮੀ ਪਾਰਟੀ ਦੇ ਵਿਧਾਇਕ ਫੌਜਾ ਸਿੰਘ ਸਰਾਰੀ ਦੀਆਂ ਮੁਸ਼ਕਲਾਂ ਵਧਦੀਆਂ ਜਾ ਰਹੀਆਂ ਹਨ। ਮੰਤਰੀ ਦਾ ਅਹੁਦਾ ਖੁੱਸਣ ਤੋਂ ਬਾਅਦ ਹੁਣ ਉਹ ਨਵੀਂ ਮੁਸੀਬਤ ਵਿੱਚ ਫਸ ਗਏ ਹਨ। ਗੁਰੂਹਰਸਹਾਏ ਦੀ ਸਬ-ਡਵੀਜ਼ਨ ਸਿਵਲ ਅਦਾਲਤ ਨੇ ਉਨ੍ਹਾਂ ਨੂੰ ਕਰਜ਼ੇ ਦੀ ਰਕਮ ਨਾ ਮੋੜਨ ਦੇ ਮਾਮਲੇ ਵਿੱਚ 12 ਅਪ੍ਰੈਲ ਨੂੰ ਪੇਸ਼ ਹੋਣ ਲਈ ਨੋਟਿਸ ਦਿੱਤਾ ਹੈ।ਜਾਣਕਾਰੀ ਅਨੁਸਾਰ ਸਾਬਕਾ ਮੰਤਰੀ ਨਰੇਸ਼ ਕਪੂਰ ਜੋ ਕਿ ਕਿਸੇ ਸਮੇਂ ਉਨ੍ਹਾਂ ਦੇ ਕਰੀਬੀ ਰਹੇ ਹਨ, ਉਨ੍ਹਾਂ ਨੂੰ 12 ਅਪ੍ਰੈਲ ਨੂੰ ਪੇਸ਼ ਹੋਣ ਦਾ ਨੋਟਿਸ ਦਿੱਤਾ ਹੈ। ਸਰਾਰੀ ਦੇ ਖਿਲਾਫ ਅਦਾਲਤ ਨੋਟਿਸ ਅਨੁਸਾਰ ਨਰੇਸ਼ ਕਪੂਰ ਐਂਡ ਸੰਨਜ਼ ਫਰੀਦਕੋਟ-ਗੁਰੂਹਰਸਹਾਏ ਦੇ ਮਾਲਕ ਕਪੂਰ ਸਰਾਰੀ ਦੇ ਜਾਣੇ-ਪਛਾਣੇ ਹਨ। ਸਰਾਰੀ ਨੇ ਉਸ ਤੋਂ ਕਈ ਵਾਰ ਪੈਸੇ ਉਧਾਰ ਲਏ ਸਨ। ਇਹ ਰਕਮ ਕਰੀਬ 10 ਲੱਖ 32 ਹਜ਼ਾਰ 340 ਰੁਪਏ ਬਣਦੀ ਹੈ।ਕਪੂਰ ਨੇ ਕਈ ਵਾਰ ਪੈਸੇ ਮੰਗੇ ਪਰ ਸਰਾਰੀ ਇਨਕਾਰ ਕਰਦਾ ਰਹੇ। ਵਕੀਲ ਰਾਹੀਂ ਨੋਟਿਸ ਵੀ ਭੇਜਿਆ ਗਿਆ ਪਰ ਕੋਈ ਜਵਾਬ ਨਹੀਂ ਆਇਆ। ਉਸ ਨੂੰ ਅਦਾਲਤ ਦਾ ਰਾਹ ਅਪਣਾਉਣ ਲਈ ਮਜਬੂਰ ਹੋਣਾ ਪਿਆ। ਇਸ ਸਬੰਧੀ ਸਰਾਰੀ ਨਾਲ ਸੰਪਰਕ ਕਰਨ ਦੀ ਕੋਸ਼ਿਸ਼ ਕੀਤੀ ਗਈ ਪਰ ਉਨ੍ਹਾਂ ਨਾਲ ਸੰਪਰਕ ਨਹੀਂ ਹੋ ਸਕਿਆ। ਉਸ ਦੇ ਮੋਬਾਈਲ ’ਤੇ ਵੀ ਸੁਨੇਹਾ ਭੇਜਿਆ ਗਿਆ ਪਰ ਉਸ ਨੇ ਕੋਈ ਜਵਾਬ ਨਹੀਂ ਦਿੱਤਾ।

Post Disclaimer

Opinion/facts in this article are author\'s own and punjabi.newsd5.in does not assume any responsibility or liability for the same.If You Have Problem With This Article Plz Contact Our Team At Contact Us Page.

Related Articles

Back to top button