ਪਾਕਿਸਤਾਨ ‘ਚ 27000 ਫੁੱਟ ਦੀ ਉਚਾਈ, 171 ਯਾਤਰੀਆਂ ਦੀ ਜਾਨ ਫਸੀ, ਫਲਾਈਟ ਦੀ ਐਮਰਜੈਂਸੀ ਲੈਂਡਿੰਗ

ਪਾਕਿਸਤਾਨ ਵਿੱਚ ਇੱਕ ਫਲਾਈਟ ਦੀ ਐਮਰਜੈਂਸੀ ਲੈਂਡਿੰਗ ਕੀਤੀ ਗਈ ਹੈ। ਲਾਹੌਰ ਹਵਾਈ ਅੱਡੇ ‘ਤੇ ਲੈਂਡਿੰਗ ਕੀਤੀ ਗਈ ਅਤੇ ਯਾਤਰੀਆਂ ਨੂੰ ਹਵਾਈ ਅੱਡੇ ਦੇ ਕਰਮਚਾਰੀਆਂ ਨੇ ਬਚਾ ਲਿਆ ਅਤੇ ਸੁਰੱਖਿਅਤ ਖੇਤਰ ‘ਚ ਪਹੁੰਚਾਇਆ। ਇਸ ਤੋਂ ਬਾਅਦ ਜਹਾਜ਼ ਨੂੰ ਆਈਸੋਲੇਸ਼ਨ ਬੇ ‘ਤੇ ਲਿਜਾ ਕੇ ਜਾਂਚ ਕੀਤੀ ਗਈ। ਇਸ ਤੋਂ ਪਹਿਲਾਂ ਜਹਾਜ਼ ਦੇ ਕਾਰਗੋ ‘ਚੋਂ ਉੱਠ ਰਿਹਾ ਧੂੰਆਂ ਰਨਵੇ ‘ਤੇ ਹੀ ਬੁਝ ਗਿਆ ਸੀ। ਜੀ ਹਾਂ, ਲਗਭਗ 27,000 ਫੁੱਟ ਦੀ ਉਚਾਈ ‘ਤੇ ਉੱਡ ਰਹੇ ਜਹਾਜ਼ ਦੇ ਕਾਰਗੋ ਵਿੰਗ ‘ਚ ਅਚਾਨਕ ਧੂੰਆਂ ਉੱਠਿਆ ਅਤੇ ਫਿਰ ਚੰਗਿਆੜੀਆਂ ਨਿਕਲ ਗਈਆਂ। ਕਿਸੇ ਵੱਡੇ ਹਾਦਸੇ ਦੇ ਡਰੋਂ ਪਾਇਲਟ ਨੇ ਮੇਡੇ ਕਾਲ ਕਰ ਦਿੱਤੀ ਅਤੇ ਲਾਹੌਰ ਏਅਰਪੋਰਟ ਦੇ ਏਟੀਸੀ ਅਧਿਕਾਰੀਆਂ ਨੇ ਫਲਾਈਟ ਦੀ ਐਮਰਜੈਂਸੀ ਲੈਂਡਿੰਗ ਕਰਵਾਈ। ਪਾਇਲਟ ਨੇ ਸਮੇਂ ਸਿਰ ਫੈਸਲਾ ਲਿਆ ਅਤੇ ਆਪਣੇ 171 ਯਾਤਰੀਆਂ ਦੀ ਜਾਨ ਬਚਾਈ। ਜਹਾਜ਼ ਨੂੰ ਹਾਦਸਾਗ੍ਰਸਤ ਹੋਣ ਤੋਂ ਬਚਾਇਆ।