ਪਟਿਆਲਾ ਦੇ ਪਿੰਡ ਜਾਹਲਾ ਵਿਖੇ ਅੱਜ ਪੁਲਿਸ ਅਤੇ ਕਿਸਾਨਾਂ ਦੇ ਵਿਚਕਾਰ ਮਾਹੌਲ ਉਸ ਸਮੇਂ ਭੱਖ ਗਿਆ ਜਦੋਂ ਪ੍ਰਸ਼ਾਸਨ ਪਿੰਡ ਦੀ 18 ਏਕੜ ਜਮੀਨ ਨੂੰ ਅਕੁਾਇਰ ਕਰਨ ਦੇ ਲਈ ਵੱਡੇ ਸੰਦ ਸਾਧਨਾਂ ਦੇ ਨਾਲ ਪਿੰਡ ਦੇ ਵਿੱਚ ਪਹੁੰਚੇ।
ਪਿੰਡ ਦੇ ਲੋਕਾਂ ਦੇ ਦੱਸਣ ਦੇ ਮੁਤਾਬਿਕ ਤਿੰਨ ਪੀੜੀਆਂ ਤੋਂ ਇਹ ਜਮੀਨ ਪਿੰਡ ਦੇ ਕਿਸਾਨ ਵਾਹ ਰਹੇ ਸਨ ਅਤੇ ਇਹ ਜਮੀਨ ਪਹਿਲਾਂ ਡੇਰੇ ਦੇ ਮਹੰਤਾਂ ਦੀ ਸੀ ਜਿਨਾਂ ਤੋਂ ਪਿੰਡ ਵਾਲੇ ਇਹ ਜਮੀਨ ਖੇਤੀ ਦੇ ਲਈ ਲੈਂਦੇ ਸਨ ਅਤੇ ਹੁਣ ਪਟਿਆਲਾ ਤੋਂ ਸਰਹੰਦ ਬਾਈਪਾਸ ਇਸ ਜਮੀਨ ਦੇ ਵਿੱਚੋਂ ਦੀ ਨਿਕਲਣ ਤੋਂ ਬਾਅਦ ਨਾ ਤਾਂ ਸਾਨੂੰ ਮੁਆਵਜ਼ਾ ਦਿੱਤਾ ਜਾ ਰਿਹਾ ਹੈ ਅਤੇ ਨਾ ਹੀ ਇਸ ਜਮੀਨ ਨੂੰ ਪ੍ਰਸ਼ਾਸਨ ਮਹੰਤ ਦੀ ਮੰਨ ਰਿਹਾ ਹੈ ਪਿੰਡ ਵਾਲਿਆਂ ਦੇ ਮੁਤਾਬਕ ਪ੍ਰਸ਼ਾਸਨ ਦੇ ਦੁਆਰਾ ਇਹ ਗੱਲ ਕਹੀ ਜਾ ਰਹੀ ਹੈ ਕਿ ਸਰਕਾਰ ਦੇ ਦੁਆਰਾ ਡੇਰੇ ਖਤਮ ਕਰਕੇ ਇਹ ਜਮੀਨ ਆਪਣੇ ਅਧੀਨ ਕਰ ਲਈ ਸੀ ਅਤੇ ਕਿਸੇ ਨੂੰ ਵੀ ਕਿਸੇ ਤਰ੍ਹਾਂ ਦਾ ਮੁਆਵਜ਼ਾ ਨਹੀਂ ਦਿੱਤਾ ਜਾਵੇਗਾ ਅਤੇ ਕਿਸਾਨਾਂ ਦੇ ਦੁਆਰਾ ਇਸ ਜਮੀਨ ਦੇ ਵਿੱਚ ਲਗਾਈ ਗਈ ਫਸਲ ਨੂੰ ਵੀ ਅੱਜ ਸਵੇਰੇ ਜੇਸੀਵੀਆਂ ਦੇ ਨਾਲ ਪੱਟ ਦਿੱਤਾ ਗਿਆ।
ਸਵੇਰੇ ਪ੍ਰਸ਼ਾਸਨ ਦੇ ਦੁਆਰਾ ਤੜਕਸਰ ਜਦੋਂ ਇਹ ਕਾਰਵਾਈ ਕੀਤੀ ਗਈ ਤਾਂ ਵੱਡੀ ਗਿਣਤੀ ਦੇ ਵਿੱਚ ਕਿਸਾਨਾਂ ਨੂੰ ਗ੍ਰਿਫਤਾਰ ਵੀ ਕੀਤਾ ਗਿਆ ਅਤੇ ਕਿਸਾਨਾਂ ਅਤੇ ਪੁਲਿਸ ਦੇ ਵਿਚਕਾਰ ਧੱਕਾ ਮੁੱਕੀ ਵੀ ਹੋਈ।
ਦੱਸ ਦੀਏ ਕਿ ਤਕਰੀਬਨ ਤਿੰਨ ਬੱਸਾਂ ਦੇ ਕਰੀਬ ਪੁਲਿਸ ਦੇ ਦੁਆਰਾ ਕਿਸਾਨ ਗ੍ਰਿਫਤਾਰ ਕੀਤੇ ਗਏ ਹਨ ਜਿਨਾਂ ਨੂੰ ਵੱਖ-ਵੱਖ ਥਾਣਿਆਂ ਦੇ ਵਿੱਚ ਰੱਖਿਆ ਗਿਆ ਹੈ।। ਹੁਣ ਵੀ ਜਮੀਨ ਨੂੰ ਜਾਂਦੀ ਦੋਨਾਂ ਪਾਸੋਂ ਤੋਂ ਸੜਕ ਨੂੰ ਰੋਕ ਕੇ ਪਿੰਡ ਨੂੰ ਛਾਉਣੀ ਦੇ ਵਿੱਚ ਤਬਦੀਲ ਕੀਤਾ ਗਿਆ ਹੈ।
ਅਤੇ ਪਿੰਡ ਦੇ ਵਿੱਚ ਇਸ ਸਮੇਂ ਮਾਹੌਲ ਤਣਾਅਪੂਰਨ ਹੈ।
Post Disclaimer
Opinion/facts in this article are author\'s own and punjabi.newsd5.in does not assume any responsibility or liability for the same.If You Have Problem With This Article Plz Contact Our Team At Contact Us Page.
