ਨਸ਼ਾ਼ ਤਸਕਰ ਨਾਲ ਪਾਰਟੀ ਚ ਨੱਚਣ ਟੱਪਣ ਵਾਲੇ ਮੁਲਸ ਮੁਲਾਜ਼ਮਾਂ ਨੂੰ ਭੇਜਿਆ ਗਿਆ ਹੋਰਨਾਂ ਜਿਲ੍ਹਿਆਂ ਚ

ਡੀਜੀਪੀ ਪੰਜਾਬ ਨੇ ਅੰਮ੍ਰਿਤਸਰ ਵਿੱਚ ਅਸਲਾ-ਐਨਡੀਪੀਐਸ ਕੇਸਾਂ ਦੇ ਮੁਲਜ਼ਮਾਂ ਨਾਲ ਪਾਰਟੀ ਵਿੱਚ ਗਾਉਂਦੇ ਅਤੇ ਨੱਚਦੇ ਦੇਖੇ ਗਏ ਪੁਲੀਸ ਅਧਿਕਾਰੀਆਂ ਖ਼ਿਲਾਫ਼ ਕਾਰਵਾਈ ਕੀਤੀ ਹੈ। ਡੀਜੀਪੀ ਗੌਰਵ ਯਾਦਵ ਨੇ ਅੰਮ੍ਰਿਤਸਰ ਦੇ 5 ਐਸਐਚਓਜ਼ ਦਾ ਤਬਾਦਲਾ ਕਰ ਦਿੱਤਾ ਹੈ, ਜੋ ਦੇਰ ਸ਼ਾਮ ਮੁਲਜ਼ਮਾਂ ਨਾਲ ਨਜ਼ਰ ਆਏ ਸਨ,

ਉਨ੍ਹਾਂ ਨੂੰ ਜਲਦੀ ਹੀ ਨਵੇਂ ਸਟੇਸ਼ਨ ’ਤੇ ਤਾਇਨਾਤ ਕਰਨ ਦੇ ਹੁਕਮ ਦਿੱਤੇ ਗਏ ਹਨ।ਅੰਮ੍ਰਿਤਸਰ ਦੇ ਇੰਸਪੈਕਟਰ ਗੁਰਵਿੰਦਰ ਸਿੰਘ, ਨੀਰਜ ਕੁਮਾਰ, ਗਗਨਦੀਪ ਸਿੰਘ, ਧਰਮਿੰਦਰ ਅਤੇ ਹਰਿੰਦਰ ਸਿੰਘ ਨੂੰ ਪਿਛਲੇ ਦਿਨੀਂ ਲਾਈਨ ਹਾਜ਼ਰ ਕਰ ਦਿੱਤਾ ਗਿਆ ਸੀ। ਇਸ ਦੇ ਨਾਲ ਹੀ ਦੇਰ ਸ਼ਾਮ ਡੀਜੀਪੀ ਗੌਰਵ ਯਾਦਵ ਵੱਲੋਂ ਇਨ੍ਹਾਂ ਸਾਰੇ ਇੰਸਪੈਕਟਰਾਂ ਨੂੰ ਕਿਸੇ ਹੋਰ ਜ਼ਿਲ੍ਹੇ ਵਿੱਚ ਤਬਦੀਲ ਕਰਨ ਦੇ ਹੁਕਮਦਿੱਤੇ ।

ਗੁਰਵਿੰਦਰ ਸਿੰਘ, ਨੀਰਜ ਕੁਮਾਰ ਅਤੇ ਗਗਨਦੀਪ ਸਿੰਘ ਨੂੰ ਪਟਿਆਲਾ ਰੇਂਜ ਦੇ ਮਾਲੇਰਕੋਟਲਾ ਅਤੇ ਧਰਮਿੰਦਰ ਅਤੇ ਹਰਿੰਦਰ ਸਿੰਘ ਨੂੰ ਮਾਨਸਾ ਵਿੱਚ ਭੇਜ ਦਿੱਤਾ ਗਿਆ ਹੈ।

ਕੇਸਾਂ ਦੀ ਗੰਭੀਰਤਾ ਦਾ ਅੰਦਾਜ਼ਾ ਇਸ ਗੱਲ ਤੋਂ ਲਗਾਇਆ ਜਾ ਸਕਦਾ ਹੈ ਕਿ ਬੋਰੀ ਖ਼ਿਲਾਫ਼ 2014 ਵਿੱਚ ਐਸਐਸਓਸੀ ਵਿੱਚ ਦਰਜ ਐਫਆਈਆਰ 18 ਵਿੱਚ ਗੈਂਗਸਟਰ ਜੱਗੂ ਭਗਵਾਨਪੁਰੀਆ ਦਾ ਨਾਂ ਵੀ ਸ਼ਾਮਲ ਹੈ।ਪਵਨ ਵਾਲਮੀਕਿ ਐਕਸ਼ਨ ਕਮੇਟੀ ਦੂਜੇ ਜ਼ਿਲ੍ਹਿਆਂ ਵਿੱਚ ਤਬਾਦਲੇ ਕੀਤੇ ਇੰਸਪੈਕਟਰਾਂ ਦੇ ਹੱਕ ਵਿੱਚ ਉਤਰ ਆਈ ਹੈ।  ਕਈ ਪੈਂਡਿੰਗ ਕੇਸਾਂ ਦੇ ਮੁਲਜ਼ਮ ਕਮਲ ਬੋਰੀ ਨੂੰ ਸਮਾਜ ਸੇਵੀ ਦੱਸਿਆ ਹੈ।

ਕਮੇਟੀ ਦੇ ਪ੍ਰਧਾਨ ਕੁਮਾਰ ਦਰਸ਼ਨ ਅਤੇ ਮੁਖੀ ਸ਼ਸ਼ੀ ਗਿੱਲ ਨੇ ਦੱਸਿਆ ਕਿ ਇਹ ਇਕ ਪ੍ਰਾਈਵੇਟ ਪਾਰਟੀ ਸੀ, ਜਿਸ ਦਾ ਆਯੋਜਨ ਕੁਮਾਰ ਦਰਸ਼ਨ ਨੇ ਕੀਤਾ ਸੀ।ਉਨ੍ਹਾਂ ਦਾ ਕਹਿਣਾ ਹੈ ਕਿ ਕਮਲ ਬੋਰੀ ‘ਤੇ ਪਹਿਲਾਂ ਵੀ ਕੁਝ ਕੇਸ ਹੋਏ ਹਨ ਪਰ ਉਹ ਉਸ ਵਿਚ ਬਰੀ ਹੋ ਗਿਆ ਹੈ। ਪ੍ਰੋਗਰਾਮ ਸਾਦਾ ਅਤੇ ਸਮਾਜਿਕ ਸੀ। ਲੋਕ ਆਪਣੇ ਸਮਾਜ ਦਾ ਪ੍ਰੋਗਰਾਮ ਚੰਗੀ ਥਾਂ ‘ਤੇ ਹੋਣਾ ਪਸੰਦ ਨਹੀਂ ਕਰ ਰਹੇ ਹਨ। ਇਸ ਦਾ ਸਿਆਸੀਕਰਨ ਕੀਤਾ ਜਾ ਰਿਹਾ ਹੈ।ਉਨ੍ਹਾਂ ਮੰਗ ਕੀਤੀ ਹੈ ਕਿ ਇਹ ਵੀਡੀਓ ਵਾਇਰਲ ਕਰਨ ਵਾਲੇ ਵਿਅਕਤੀਆਂ ਖ਼ਿਲਾਫ਼ ਕਾਰਵਾਈ ਕੀਤੀ ਜਾਵੇ ਨਹੀਂ ਤਾਂ ਉਹ ਪੂਰੇ ਪੰਜਾਬ ਵਿੱਚ ਅੰਦੋਲਨ ਕਰਨਗੇ। ਮੌਕੇ ‘ਤੇ ਪਹੁੰਚੇ ਐਡਵੋਕੇਟ ਰਣਜੀਤ ਸਿੰਘ ਸ਼ੇਰਗਿੱਲ ਨੇ ਕਿਹਾ ਕਿ ਵੀਡੀਓ ਵਾਇਰਲ ਕਰਨ ਵਾਲਿਆਂ ਖਿਲਾਫ ਅਦਾਲਤ ‘ਚ ਮਾਣਹਾਨੀ ਦਾ ਦਾਅਵਾ ਕੀਤਾ ਜਾਵੇਗਾ |