ਨਵੇਂ ਵੈਰੀਐਂਟ ਨੂੰ ਲੈ ਕੇ ਤਾਮਿਲਨਾਡੂ ਹੋਇਆ ਅਲਰਟ

ਚੇਨਈ: ਕਰਨਾਟਕ ਵਿੱਚ ਓਮੀਕਰੋਨ ਦੇ 2 ਮਾਮਲੇ ਮਿਲਣ ਮਗਰੋਂ ਦੇਸ਼ ਭਰ ਵਿੱਚ ਇੱਕ ਵਾਰ ਫਿਰ ਤੋਂ ਮਹਾਂਮਾਰੀ ਦਾ ਡਰ ਫੈਲਣਾ ਸ਼ੁਰੂ ਹੋ ਗਿਆ ਹੈ। ਇਸ ਲੜੀ ਵਿੱਚ, ਤਾਮਿਲਨਾਡੂ ਸਰਕਾਰ ਨੇ ਰਾਜ ਦੇ ਤਿੰਨ ਹਵਾਈ ਅੱਡਿਆਂ ‘ਤੇ ਦੂਜੇ ਦੇਸ਼ਾਂ ਤੋਂ ਆਉਣ ਵਾਲੇ ਯਾਤਰੀਆਂ ਲਈ ਟੈਸਟਿੰਗ ਲਾਜ਼ਮੀ ਕਰ ਦਿੱਤੀ ਹੈ। ਰਾਜ ਸਰਕਾਰ ਨੇ ਭਾਰਤ ਸਰਕਾਰ ਵੱਲੋਂ ਐਲਾਨੇ ਜੋਖਮ ਵਾਲੇ 11 ਦੇਸ਼ਾਂ ਲਈ ਵਿਸ਼ੇਸ਼ ਨਿਰਦੇਸ਼ ਦਿੱਤੇ ਗਏ ਹਨ।

Kisan Bill 2020 : ਕੇਂਦਰ ਦੇ ਬਦਲੇ ਰੰਗ, Tomar ਦਾ ਬਿਆਨ, ਜਥੇਬੰਦੀਆਂ ਨੂੰ ਦਿੱਤਾ ਝਟਕਾ || D5 Channel Punjabi

ਤਾਮਿਲਨਾਡੂ ਦੇ ਸਿਹਤ ਮੰਤਰੀ ਸੁਬਰਾਮਨੀਅਨ ਨੇ ਕਿਹਾ, ‘ਚੇਨਈ, ਮਦੁਰਾਈ ਅਤੇ ਕੋਇੰਬਟੂਰ ਹਵਾਈ ਅੱਡਿਆਂ ‘ਤੇ 11 ਜੋਖਮ ਵਾਲੇ ਦੇਸ਼ਾਂ ਤੋਂ ਆਉਣ ਵਾਲੇ ਯਾਤਰੀਆਂ ਲਈ ਕੋਵਿਡ ਟੈਸਟਿੰਗ ਲਾਜ਼ਮੀ ਕਰ ਦਿੱਤੀ ਗਈ ਹੈ।’ ਕੇਂਦਰੀ ਸ਼ਹਿਰੀ ਹਵਾਬਾਜ਼ੀ ਮੰਤਰੀ ਜਯੋਤੀਰਾਦਿੱਤਿਆ ਸਿੰਧੀਆ ਨੇ ਸੰਸਦ ਨੂੰ ਦੱਸਿਆ ਕਿ 11 ਦੇਸ਼ਾਂ – ਬ੍ਰਿਟੇਨ, ਦੱਖਣੀ ਅਫਰੀਕਾ, ਬ੍ਰਾਜ਼ੀਲ, ਬੋਤਸਵਾਨਾ, ਚੀਨ, ਜ਼ਿੰਬਾਬਵੇ, ਮਾਰੀਸ਼ਸ, ਨਿਊਜ਼ੀਲੈਂਡ, ਹਾਂਗਕਾਂਗ, ਸਿੰਗਾਪੁਰ ਅਤੇ ਇਜ਼ਰਾਈਲ ਨੂੰ ਖਤਰੇ ‘ਚ ਘੋਸ਼ਿਤ ਕੀਤਾ ਗਿਆ ਹੈ, ਜਿੱਥੇ ਓਮਿਕਰੋਨ ਦੀ ਲਾਗ ਹੈ।