‘ਨਟੂ-ਨਟੂ’ ਨੇ ਇਨ੍ਹਾਂ ਗੀਤਾਂ ਨੂੰ ਪਛਾੜ ਕੇ ਜਿੱਤਿਆ ਮਾਣ, ਲੇਡੀ ਗਾਗਾ-ਰਿਹਾਨਾ ਵੀ ਪਿੱਛੇ

ਆਸਕਰ 2023 ਦੇ ਜੇਤੂਆਂ ਦੀ ਪੂਰੀ ਸੂਚੀ ਸਾਹਮਣੇ ਆ ਗਈ ਹੈ। ਹਾਲੀਵੁੱਡ ਦੇ ਸਭ ਤੋਂ ਵੱਡੇ ਐਵਾਰਡ ਸ਼ੋਅ ‘ਚ ਭਾਰਤ ਨੇ ਆਪਣਾ ਜਲਵਾ ਬਿਖੇਰਿਆ ਹੈ। ਸਾਊਥ ਦੀ ਫਿਲਮ RRR ਦੇ ਗੀਤ ਨਟੂ-ਨਟੂ ਨੇ ਇਤਿਹਾਸ ਰਚਦੇ ਹੋਏ ਇਹ ਸਨਮਾਨ ਹਾਸਲ ਕੀਤਾ ਹੈ। ਐੱਮ.ਐੱਮ.ਕੀਰਵਾਨੀ ਨੇ ਇਹ ਐਵਾਰਡ ਹਾਸਲ ਕਰਦੇ ਹੋਏ ਆਪਣੇ ਭਾਸ਼ਣ ਨਾਲ ਸਾਰਿਆਂ ਦਾ ਦਿਲ ਜਿੱਤ ਲਿਆ ਹੈ। ਇੰਨਾ ਹੀ ਨਹੀਂ ਨਟੂ-ਨਟੂ ਨੇ ਇਸ ਜਿੱਤ ਨਾਲ ਮਸ਼ਹੂਰ ਗਾਇਕਾ ਰਿਹਾਨਾ ਅਤੇ ਲੇਡੀ ਗਾਗਾ ਦੇ ਗੀਤਾਂ ਨੂੰ ਵੀ ਪਿੱਛੇ ਛੱਡ ਦਿੱਤਾ ਹੈ।  ਨਟੂ-ਨਟੂ ਨੇ ਆਸਕਰ 2023 ਦੇ ‘ਬੈਸਟ ਓਰੀਜਨਲ ਗੀਤ’ ਦਾ ਖਿਤਾਬ ਜਿੱਤਿਆ ਹੈ। ਇਸ ਨੇ ਟੇਲ ਇਟ ਲਾਈਕ ਏ ਵੂਮੈਨਜ਼ ਐਪਲੌਜ਼, ਟੌਪ ਗਨ: ਮੈਵਰਿਕਜ਼ ਹੋਲਡ ਮਾਈ ਹੈਂਡ, ਬਲੈਕ ਪੈਂਥਰ: ਵਾਕਾਂਡਾ ਫਾਰਐਵਰਜ਼ ਲਿਫਟ ਮਾਈ ਅੱਪ, ਅਤੇ ਏਵਰੀਥਿੰਗ ਏਵਰੀਵੇਅਰ ਔਲ ਐਟ ਵੈਂਸ ਇਜ਼ ਏ ਲਾਈਫ਼ ਨੂੰ ਵੀ ਹਰਾਇਆ। ਇਸ ਤਰ੍ਹਾਂ ਇਹ ਅੰਤਰਰਾਸ਼ਟਰੀ ਪੱਧਰ ‘ਤੇ ਭਾਰਤ ਦੀ ਸਭ ਤੋਂ ਵੱਡੀ ਜਿੱਤ ਬਣ ਗਈ ਹੈ। ਗੀਤ ਸੰਗੀਤਕਾਰ ਐਮਐਮ ਕੀਰਵਾਨੀ ਆਸਕਰ 2023 ਪੁਰਸਕਾਰ ਲੈਣ ਲਈ ਸਟੇਜ ‘ਤੇ ਪਹੁੰਚੇ। ਸਨਮਾਨ ਮਿਲਣ ਤੋਂ ਬਾਅਦ ਉਨ੍ਹਾਂ ਨੇ ਗੀਤ ਗਾ ਕੇ ਭਾਸ਼ਣ ਦਿੱਤਾ। ਐਮਐਮ ਕੀਰਵਾਨੀ ਨੇ ਇਸ ਨੂੰ ਸੰਭਵ ਬਣਾਉਣ ਲਈ ਸਾਰਿਆਂ ਦਾ ਧੰਨਵਾਦ ਕੀਤਾ। ਉਨ੍ਹਾਂ ਆਪਣੇ ਸ਼ਬਦਾਂ ਵਿੱਚ ਸਾਰਿਆਂ ਦਾ ਧੰਨਵਾਦ ਕੀਤਾ। ਐਵਾਰਡ ਮਿਲਣ ਦੀ ਖੁਸ਼ੀ ਕੀਰਵਾਨੀ ਦੇ ਚਿਹਰੇ ‘ਤੇ ਸਾਫ ਦਿਖਾਈ ਦੇ ਰਹੀ ਸੀ। ਜ਼ਿਕਰਯੋਗ ਹੈ ਕਿ 95ਵਾਂ ਆਸਕਰ ਐਵਾਰਡ ਅਮਰੀਕਾ ਦੇ ਲਾਸ ਏਂਜਲਸ ਦੇ ਡੌਲਬੀ ਥੀਏਟਰ ‘ਚ ਆਯੋਜਿਤ ਕੀਤਾ ਗਿਆ ਸੀ।