ਦੱਖਣੀ ਅਫਰੀਕਾ ਅਤੇ ਬੰਗਲਾਦੇਸ਼ ਵਿਚਾਲੇ ਖੇਡਿਆ ਜਾ ਰਿਹਾ ਹੈ ਟੀ-20 ਵਿਸ਼ਵ ਕੱਪ ਦਾ 22ਵਾਂ ਮੁਕਾਬਲਾ

ਸਿਡਨੀ ‘ਚ ਗਰੁੱਪ-2 ਦੇ ਇਸ ਮੈਚ ‘ਚ ਦੱਖਣੀ ਅਫਰੀਕਾ ਨੇ ਟਾਸ ਜਿੱਤ ਕੇ ਪਹਿਲਾਂ ਬੱਲੇਬਾਜ਼ੀ ਕਰਨ ਦਾ ਫ਼ੈਸਲਾ ਕੀਤਾ ਹੈ।ਦੱਖਣੀ ਅਫਰੀਕਾ ਨੇ ਤੇਜ਼ ਗੇਂਦਬਾਜ਼ ਲੁੰਗੀ ਅੰਗਿਡੀ ਦੀ ਜਗ੍ਹਾ ਸਪਿਨਰ ਤਬਰੇਜ਼ ਸ਼ਮਸੀ ਨੂੰ ਸ਼ਾਮਲ ਕੀਤਾ ਹੈ। ਦੂਜੇ ਪਾਸੇ ਬੰਗਲਾਦੇਸ਼ ਨੇ ਯਾਸਿਰ ਅਲੀ ਦੀ ਜਗ੍ਹਾ ਮਹਿੰਦੀ ਹਸਨ ਨੂੰ ਟੀਮ ‘ਚ ਲਿਆ। ਇਸ ਟੂਰਨਾਮੈਂਟ ‘ਚ ਦੋਵਾਂ ਟੀਮਾਂ ਦੇ ਪ੍ਰਦਰਸ਼ਨ ਦੀ ਗੱਲ ਕਰੀਏ ਤਾਂ ਜ਼ਿੰਬਾਬਵੇ ਖ਼ਿਲਾਫ਼ ਦੱਖਣੀ ਅਫਰੀਕਾ ਦਾ ਪਹਿਲਾ ਮੈਚ ਮੀਂਹ ਕਾਰਨ ਧੋਤਾ ਗਿਆ ਸੀ। ਉਸ ਨੂੰ ਇਕ ਅੰਕ ਨਾਲ ਸੰਤੋਸ਼ ਕਰਨਾ ਪਿਆ। ਉਧਰ, ਬੰਗਲਾਦੇਸ਼ ਨੇ ਆਪਣੇ ਪਿਛਲੇ ਮੈਚ ਵਿੱਚ ਨੀਦਰਲੈਂਡ ਨੂੰ ਨੌਂ ਵਿਕਟਾਂ ਨਾਲ ਹਰਾਇਆ ਸੀ। ਉਹ ਦੋ ਅੰਕਾਂ ਨਾਲ ਗਰੁੱਪ2 ਵਿੱਚ ਸਿਖਰ ’ਤੇ ਹੈ।ਸਪੋਰਟ ਡੈਸਕਟੀ20 ਵਿਸ਼ਵ ਕੱਪ ਦਾ 22ਵਾਂ ਮੁਕਾਬਲਾ ਦੱਖਣੀ ਅਫਰੀਕਾ ਅਤੇ ਬੰਗਲਾਦੇਸ਼ ਵਿਚਾਲੇ ਖੇਡਿਆ ਜਾ ਰਿਹਾ ਹੈ। ਕਵਿੰਟਨ ਡੀ ਕਾਕ ਅਤੇ ਰਿਲੇ ਰੋਸੋ ਕ੍ਰੀਜ਼ ‘ਤੇ ਹਨ। ਟੀਮ ਨੇ ਤੇਜ਼ ਬੱਲੇਬਾਜ਼ੀ ਕਰਦੇ ਹੋਏ ਟੀਮ ਦੀਆਂ 50 ਦੌੜਾਂ ਸਿਰਫ਼ 27 ਗੇਂਦਾਂ ‘ਚ ਪੂਰੀਆਂ ਕਰ ਲਈਆਂ। ਮੀਂਹ ਕਾਰਨ ਖੇਡ ਕੁਝ ਦੇਰ ਲਈ ਰੋਕ ਦਿੱਤੀ ਗਈ। ਹੁਣ ਫਿਰ ਤੋਂ ਸ਼ੁਰੂ ਹੋ ਗਿਆ ਹੈ।
ਪਹਿਲੇ ਹੀ ਓਵਰ ਵਿੱਚ ਲੱਗਾ ਝਟਕਾ
ਅਫਰੀਕੀ ਟੀਮ ਨੂੰ ਪਹਿਲਾ ਝਟਕਾ ਪਹਿਲੇ ਹੀ ਓਵਰ ‘ਚ ਲੱਗਾ। ਕਪਤਾਨ ਤੇਂਬਾ ਬਾਵੁਮਾ ਦੋ ਗੇਂਦਾਂ ਵਿੱਚ ਦੋ ਦੌੜਾਂ ਬਣਾ ਕੇ ਆਊਟ ਹੋ ਗਿਆ। ਉਸ ਨੂੰ ਤਸਕੀਨ ਅਹਿਮਦ ਨੇ ਵਿਕਟਕੀਪਰ ਲਿਟਨ ਦਾਸ ਹੱਥੋਂ ਕੈਚ ਕਰਵਾਇਆ।