ਦਹੀ ਦੇ ਭੁਲੇਖੇ ਅੱਧਾ ਡੱਬਾ ਪੇਂਟ ਪੀ ਗਿਆ 90 ਸਾਲਾ ਬਾਬਾ, ਟਵਿਟਰ ‘ਤੇ ਪੋਸਟ ਵਾਇਰਲ
ਸੋਸ਼ਲ ਮੀਡੀਆ ਦੇ ਦੌਰ ‘ਚ ਆਏ ਦਿਨ ਕੁਝ ਨਾ ਕੁਝ ਵਾਇਰਲ ਹੁੰਦਾ ਰਹਿੰਦਾ ਹੈ। ਬੀਤੇ ਸ਼ੁੱਕਰਵਾਰ ਨੂੰ ਇੱਕ ਬਜ਼ੁਰਗ ਸੋਸ਼ਲ ਮੀਡੀਆ ‘ਤੇ ਉਸ ਸਮੇਂ ਛਾ ਗਿਆ ਜਦੋਂ ਉਨ੍ਹਾਂ ਦੀ ਪੋਤੀ ਨੇ ਸ਼ੇਅਰ ਕੀਤਾ ਕਿ ਉਸਦੇ ਦਾਦੇ ਨੇ ਗਲਤੀ ਨਾਲ ਦਹੀ ਸਮਝਕੇ ਲੱਗਭੱਗ ਅੱਧਾ ਡੱਬਾ ਪੇਂਟ ਹੀ ਪੀ ਲਿਆ।
Read Also 55 ਸਾਲ ਦਾ ਬੁੱਢਾ ‘ਬਲਾਤਕਾਰੀ ਬਾਬਾ’
ਨਿਊਯਾਰਕ ਦੀ ਰਹਿਣ ਵਾਲੀ ਏਲੈਕਸ ਸਟਿਨ ਨੇ ਟਵਿੱਟਰ ‘ਤੇ ਆਪਣੇ 90 ਸਾਲ ਦੇ ਦਾਦਾ ਬੌਬੀ ਦੀ ਤਸਵੀਰ ਸਾਂਝੀ ਕਰ ਲਿਖਿਆ ਕਿ ਅੱਜ ਸਵੇਰੇ ਗ੍ਰੈਂਡ ਪਾ ਪੇਂਟ ਨੂੰ ਦਹੀਂ ਸਮਝ ਕੇ ਖਾ ਗਏ। ਏਲੈਕਸ ਨੇ ਆਪਣੇ ਦਾਦਾ ਦੀ ਤਸਵੀਰ ਨਾਲ ਰੰਗ ਦੇ ਖਾਲੀ ਡੱਬਿਆਂ ਦੀ ਤਸਵੀਰ ਵੀ ਪੋਸਟ ਕੀਤੀ। ਉਸ ਨੇ ਦੱਸਿਆ ਕਿ ਦਾਦਾ ਜੀ ਨੂੰ ਹਾਲੇ ਤਕ ਇਸ ਦਾ ਕੋਈ ਵੀ ਸਾਈਡ ਇਫੈਕਟ ਦੇਖਣ ਨੂੰ ਨਹੀਂ ਮਿਲਿਆ।
ਹਾਲਾਂਕਿ, ਬੌਬੀ ਦੀਆਂ ਅੱਖਾਂ ‘ਚ ਧੁੰਦਲਾਪਨ ਆ ਗਿਆ ਪਰ ਪੇਟ ਦੀ ਕੋਈ ਸਮੱਸਿਆ ਨਹੀਂ ਹੋਈ। ਬੌਬੀ ਨੇ ਮਿੰਟ ਗ੍ਰੀਨ ਪੇਂਟ ਖਾਇਆ ਜੋ ਕਿ ਯੋਗਰਟ ਵਿੱਚ ਉਨ੍ਹਾਂ ਦਾ ਮਨਪਸੰਦ ਖਾਣਾ ਹੈ। ਏਲੈਕਸ ਨੇ ਦੱਸਿਆ ਕਿ ਹਰ ਹਫ਼ਤੇ ਉਸ ਦੀ ਮਾਂ ਸੱਤ ਡੱਬਿਆਂ ਵਾਲਾ ਵਨੀਲਾ ਡੇਨਨ ਯੋਗਰਟ ਦਾਦਾ ਜੀ ਲਈ ਲਿਆਂਦੀ ਹੈ।
ਏਲੈਕਸ ਦਾ ਕਹਿਣਾ ਹੈ ਕਿ ਦਾਦਾ ਜੀ ਹਮੇਸ਼ਾ ਲੋਕਾਂ ਦਾ ਮਨੋਰੰਜਨ ਕਰਦੇ ਰਹਿੰਦੇ ਹਨ। ਉਨ੍ਹਾਂ ਨੂੰ ਇਸ ਗੱਲ ਨਾਲ ਕੋਈ ਫਰਕ ਨਹੀਂ ਪੈਂਦਾ ਕਿ ਲੋਕ ਉਨ੍ਹਾਂ ਬਾਰੇ ਕੀ ਸੋਚਦੇ ਹਨ। ਏਲੈਕਸ ਦੇ ਦਾਦਾਜੀ ਨੇ ਵੀ ਇੰਸਟਾਗ੍ਰਾਮ ‘ਤੇ ਲਿਖਿਆ ਕਿ ਮੈਂ ਯੋਗਰਟ ਦੇ ਬਜਾਇ ਗ਼ਲਤੀ ਨਾਲ ਪੇਂਟ ਖਾ ਲਿਆ। ਪੇਂਟ ਦਾ ਟੇਸਟ ਵਧੀਆ ਹੈ ਤੇ ਮੈਨੂੰ ਇਸ ਗੱਲ ‘ਤੇ ਪਛਤਾਵਾ ਨਹੀਂ ਹੈ ਕਿ ਮੈਂ ਅਜਿਹਾ ਕੀਤਾ।
Post Disclaimer
Opinion/facts in this article are author\'s own and punjabi.newsd5.in does not assume any responsibility or liability for the same.If You Have Problem With This Article Plz Contact Our Team At Contact Us Page.
