ਜਿਲ੍ਹੇ ਦੇ ਨੌਜਵਾਨਾਂ ਨੂੰ ਫੌਜ ਵਿੱਚ ਭਰਤੀ ਲਈ ਉਤਸਾਹਿਤ ਕਰਨ ਲਈ ਬਣੀ ਵਿਸ਼ੇਸ਼ ਕਮੇਟੀ
ਜਿਲ੍ਹੇ ਦੇ ਨੌਜਵਾਨਾਂ ਨੂੰ ਫੌਜ ਵਿੱਚ ਭਰਤੀ ਲਈ ਉਤਸਾਹਿਤ ਕਰਨ ਲਈ ਬਣੀ ਵਿਸ਼ੇਸ਼ ਕਮੇਟੀ
-ਪਿੰਡਾਂ ਵਿੱਚ ਬੀ ਡੀ ਪੀ ਓ ਅਤੇ ਪੁਲਿਸ, ਸਕੂਲਾਂ ਵਿੱਚ ਡੀ ਈ ਓ ਰਾਹੀਂ ਦਿੱਤੀ ਜਾਵੇਗੀ ਜਾਣਕਾਰੀ : ਡੀ ਸੀ
-ਸ਼ੋਸ਼ਲ ਮੀਡੀਆ ਰਾਹੀਂ ਲਗਾਤਾਰ ਹੋਵੇਗਾ ਪ੍ਰਚਾਰ, ਕਿ ਕਿਸ ਤਰ੍ਹਾਂ ਫੌਜ ਵਿੱਚ ਨੌਕਰੀ ਲਈ ਜਾ ਸਕਦੀ ਹੈ ਅਤੇ ਤਰੱਕੀ,ਤਨਖਾਹ ਜਾਂ ਕਿਸ ਤਰ੍ਹਾਂ ਦੀਆਂ ਸੁਵੀਧਾਵਾਂ ਫੌਜ ਆਪਣੇ ਸੈਨਿਕਾਂ ਨੂੰ ਦਿੰਦੀ ਹੈ: ਸੁਰਭੀ ਮਲਿਕ
ਫਤਹਿਗੜ੍ਹ ਸਾਹਿਬ 12 ਅਗਸਤ
ਜਿਲ੍ਹੇ ਦੇ ਨੌਜਵਾਨਾਂ ਨੂੰ ਫੌਜ ਵਿੱਚ ਭਰਤੀ ਲਈ ਉਤਸਾਹਿਤ ਕਰਨ ਲਈ ਇਕ ਵਿਸ਼ੇਸ਼ ਕਮੇਟੀ ਦਾ ਗਠਨ ਕੀਤਾ ਗਿਆ ਹੈ।ਇਸ ਕਮੇਟੀ ਦੀ ਚੇਅਰਪਰਸਨ ਡਿਪਟੀ ਕਮਿਸ਼ਨਰ ਨੂੰ ਲਗਾਇਆ ਗਿਆ ਹੈ ਜਦਕਿ ਇਸਦੇ ਮੈਂਬਰਾਂ ਦੇ ਤੌਰ ਤੇ ਭਾਰਤੀ ਫੌਜ ਦੇ ਡਾਇਰੈਕਟਰ ਭਰਤੀ (ਏ ਆਰ ਓ), ਐਸ ਐਸ ਪੀ, ਡੀ ਈ ਓ, ਡੀ ਪੀ ਆਰ ਓ, ਕੈਂਪ ਕਮਾਂਡੈਟ ਜਿਲ੍ਹਾ ਸੈਨਿਕ ਭਲਾਈ ਅਫਸਰ ਹੋਣਗੇ।
ਅੱਜ ਜਿਲ੍ਹਾ ਪ੍ਰਬੰਧਕੀ ਕੰਪਲੈਕਸ ਵਿਖੇ ਹੋਈ ਇਸ ਕਮੇਟੀ ਦੀ ਪਹਿਲੀ ਮੀਟਿੰਗ ਵਿੱਚ ਡਿਪਟੀ ਕਮਿਸ਼ਨਰ ਅਤੇ ਕਮੇਟੀ ਦੀ ਚੇਅਰਪਰਸਨ ਸ੍ਰੀਮਤੀ ਸੁਰਭੀ ਮਲਿਕ ਨੇ ਦੱਸਿਆ ਕਿ ਜਿਲ੍ਹੇ ਦੇ ਪਿੰਡਾਂ ਵਿੱਚ ਨੌਜਵਾਨਾਂ ਨੂੰ ਫੌਜ ਅਤੇ ਹੋਰ ਸੁਰੱਖਿਆ ਬਲਾਂ ਚ ਭਰਤੀ ਹੋਣ ਲਈ ਉਤਸਾਹਿਤ ਕਰਨ ਲਈ ਅਤੇ ਸਮੇਂ ਸਿਰ ਢੁੱਕਵੀਂ ਜਾਣਕਾਰੀ ਦੇਣ ਲਈ ਬੀ ਡੀ ਪੀ ਓ ਰਾਹੀਂ ਪ੍ਰਚਾਰ ਕੀਤਾ ਜਾਵੇਗਾ ਇਸਦੇ ਨਾਲ ਹੀ ਇਲਾਕੇ ਚ ਪੈਂਦੇ ਪੁਲਿਸ ਥਾਣੇ ਅਤੇ ਚੋਂਕਿਆਂ ਚ ਤੈਨਾਤ ਅਧਿਕਾਰੀਆਂ ਰਾਹੀਂ ਵੀ ਲੋਕਾਂ ਨੂੰ ਦੱਸਿਆ ਜਾਵੇਗਾ ਕਿ ਫੌਜ ਵਿੱਚ ਕਦੋ ਭਰਤੀ ਹੋਣੀ ਹੈ ਅਤੇ ਇਸ ਭਰਤੀ ਨਾਲ ਆਨਲਾਇਨ ਕੀਵੇਂ ਅਪਲਾਈ ਕੀਤਾ ਜਾ ਸਕਦਾ ਹੈ। ਉਨ੍ਹਾਂ ਕਿਹਾ ਕਿ ਇਸੇ ਤਰ੍ਹਾਂ ਸਕੂਲਾਂ ਵਿੱਚ 11ਵੀਂ ਅਤੇ 12ਵੀਂ ਜਮਾਤ ਦੇ ਵਿਦਿਆਰਥੀਆਂ ਨੂੰ ਵੀ ਜਾਣਕਾਰੀ ਦਿੱਤੀ ਜਾਵੇਗੀ। ਇਸ ਲਈ ਉਨ੍ਹਾਂ ਨੇ ਜਿਲ੍ਹਾ ਸਿੱਖਿਆ ਅਧਿਕਾਰੀ ਨੂੰ ਨਿਰਦੇਸ ਦਿੱਤੇ ਹਨ।
ਡਿਪਟੀ ਕਮਿਸ਼ਨਰ ਨੇ ਕਿਹਾ ਕਿ ਸ਼ੋਸ਼ਲ ਮੀਡੀਆ ਰਾਹੀਂ ਲਗਾਤਾਰ ਪ੍ਰਚਾਰ ਕੀਤਾ ਜਾਵੇਗਾ, ਕਿ ਕਿਸ ਤਰ੍ਹਾਂ ਫੌਜ ਵਿੱਚ ਨੌਕਰੀ ਲਈ ਜਾ ਸਕਦੀ ਹੈ ਅਤੇ ਫੌਜ ਵਿੱਚ ਭਰਤੀ ਹੋਣ ਵਾਲੇ ਨੌਜਵਾਨ ਨੂੰ ਕਦੋ ਤਰੱਕੀ ਮਿਲਦੀ ਹੈ ਅਤੇ ਤਨਖਾਹ ਜਾਂ ਕਿਸ ਤਰ੍ਹਾਂ ਦੀਆਂ ਸੁਵੀਧਾਵਾਂ ਫੌਜ ਆਪਣੇ ਸੈਨਿਕਾਂ ਨੂੰ ਦਿੰਦੀ ਹੈ ਆਦਿ ਦੀ ਜਾਣਕਾਰੀ ਦਿੱਤੀ ਜਾਵੇਗੀ।
ਸ਼੍ਰੀਮਤੀ ਸੁਰਭੀ ਮਲਿਕ ਨੇ ਦੱਸਿਆ ਕਿ ਫੌਜ ਦੇ ਭਰਤੀ ਦਫਤਰ ਵੱਲੋਂ ਪ੍ਰਾਪਤ ਜਾਣਕਾਰੀ ਨੂੰ ਪੰਜਾਬੀ ਵਿੱਚ ਪ੍ਰਕਾਸ਼ਿਤ ਕਰਕੇ ਉਸਨੂੰ ਵਟਸਐਪ ਗਰੁੱਪਾਂ ਰਾਹੀਂ ਦੱਸਿਆ ਜਾਵੇਗਾ ਇਨ੍ਹਾਂ ਗਰੁੱਪਾਂ ਵਿੱਚ ਯੂਥ ਕਲੱਬ ਅਤੇ ਰੁਜਗਾਰ ਸਬੰਧੀ ਬਣਾਏ ਗਏ ਗਰੁੱਪ ਸ਼ਾਮਲ ਹਨ। ਇਸੇ ਤਰ੍ਹਾਂ ਰੁਜਗਾਰ ਮੇਲਿਆਂ ਅਤੇ 18 ਸਾਲ ਦੀ ਉਮਰ ਪੂਰੀ ਹੋਣ ਤੇ ਜਿਨ੍ਹਾਂ ਨੌਜਵਾਨਾਂ ਦੇ ਨਵੇ ਵੋਟ ਬਨਣੇ ਹਨ ਉਨ੍ਹਾਂ ਨੂੰ ਵੀ ਭਰਤੀ ਬਾਰੇ ਦੱਸਿਆ ਜਾਵੇਗਾ।
ਇਸ ਮੀਟਿੰਗ ਵਿੱਚ ਭਾਰਤੀ ਫੌਜ ਵੱਲੋਂ ਡਾਇਰੈਕਟਰ ਭਰਤੀ (ਏ ਆਰ ਓ) ਕਰਨਲ ਰਾਜੇਸ ਚੰਦੇਲ, ਵਧੀਕ ਡਿਪਟੀ ਕਮਿਸ਼ਨਰ (ਜਨਰਲ) ਸ਼੍ਰੀ ਰਾਜੇਸ਼ ਧੀਮਾਨ, ਐਸ ਪੀ ਨਵਰੀਤ ਸਿੰਘ ਵਿਰਕ, ਜਿਲ੍ਹਾ ਸਿੱਖਿਆ ਅਫਸਰ ਸ਼੍ਰੀਮਤੀ ਪ੍ਰਭਸਿਮਰਨ ਕੌਰ, ਜਿਲ੍ਹਾ ਰੁਜਗਾਰ ਅਫਸਰ ਰੁਪਿੰਦਰ ਕੌਰ, ਸੀ ਪਾਈਟ ਇੰਚਾਰਜ ਸ਼੍ਰੀ ਗੁਰਿੰਦਰ ਸਿੰਘ ਸਮੇਤ ਵੱਖ ਵੱਖ ਵਿਭਾਗਾਂ ਦੇ ਹੋਰ ਅਧਿਕਾਰੀ ਵੀ ਮੌਜੂਦ ਸਨ।
Post Disclaimer
Opinion/facts in this article are author\'s own and punjabi.newsd5.in does not assume any responsibility or liability for the same.If You Have Problem With This Article Plz Contact Our Team At Contact Us Page.
