Press ReleaseBreaking NewsD5 specialNewsPunjab
ਜਲ ਸਪਲਾਈ ਤੇ ਸੈਨੀਟੇਸ਼ਨ ਵਿਭਾਗ ਨੇ ਪੇਂਡੂ ਖੇਤਰਾਂ ‘ਚ ਠੋਸ ਕੂੜਾ ਪ੍ਰਬੰਧਨ ‘ਤੇ ਵਰਕਸ਼ਾਪ ਕਰਵਾਈ
ਵਿਵਹਾਰਿਕ ਤਬਦੀਲੀ ਦੇ ਢੰਗਾਂ ਅਤੇ ਸਾਧਨਾਂ ਨਾਲ ਪਿੰਡ ਨੂੰ ਕੂੜੇ ਤੋਂ ਮੁਕਤ ਬਣਾਉਣ ਦੇ ਸਿਧਾਂਤਾਂ ਬਾਰੇ ਕੀਤਾ ਵਿਚਾਰ ਵਟਾਂਦਰਾ
ਕੂੜੇ ਨੂੰ ਵੱਖ ਕਰਨ ਅਤੇ ਘਟਾਉਣ ਵਾਲੇ ਸਾਧਨਾਂ ਅਤੇ ਉਪਾਵਾਂ ਬਾਰੇ ਦਿੱਤੀ ਜਾਣਕਾਰੀ
ਪਲਾਸਟਿਕ ਵੇਸਟ ਪ੍ਰਬੰਧਨ, ਇਲੈਕਟ੍ਰੋਨਿਕ ਕੂੜਾ ਪ੍ਰਬੰਧਨ, ਬਾਇਓਮੈਡੀਕਲ ਵੇਸਟ ਪ੍ਰਬੰਧਨ, ਸੀ ਐਂਡ ਡੀ ਵੇਸਟ ਪ੍ਰਬੰਧਨ, ਫੀਕਲ ਸਲੱਜ ਅਤੇ ਸੈਪਟੇਜ ਪ੍ਰਬੰਧਨ ਲਾਗੂ ਕਰਨ ਸਬੰਧੀ ਕੀਤਾ ਵਿਚਾਰ ਵਟਾਂਦਰਾ
ਚੰਡੀਗੜ:ਜਲ ਸਪਲਾਈ ਅਤੇ ਸੈਨੀਟੇਸ਼ਨ ਵਿਭਾਗ, ਪੰਜਾਬ ਵੱਲੋਂ ਮੈਗਸੀਪਾ, ਚੰਡੀਗੜ ਵਿਖੇ ਵੱਖ-ਵੱਖ ਜਿਿਲਆਂ ਦੇ ਅਧਿਕਾਰੀਆਂ ਅਤੇ ਸ਼ੋਸ਼ਲ ਸਟਾਫ਼ ਲਈ ਪੇਂਡੂ ਖੇਤਰਾਂ ਵਿਚ ਠੋਸ ਕੂੜਾ ਪ੍ਰਬੰਧਨ ‘ਤੇ ਇਕ ਰੋਜਾ ਵਰਕਸਾਪ ਕਰਵਾਈ ਗਈ।ਸ੍ਰੀਮਤੀ ਪਰਨੀਤ ਸੇਰਗਿੱਲ ਆਈ.ਏ.ਐਸ, ਵਧੀਕ ਸੱਕਤਰ ਕਮ ਮਿਸਨ ਡਾਇਰੈਕਟਰ ਸਵੱਛ ਭਾਰਤ ਮਿਸਨ (ਗ੍ਰਾਮੀਣ) ਨੇ ਭਾਗੀਦਾਰਾਂ ਨੂੰ ਸੰਬੋਧਨ ਕਰਦਿਆਂ ਪੇਂਡੂ ਖੇਤਰਾਂ ਵਿੱਚ ਠੋਸ ਕੂੜਾ ਪ੍ਰਬੰਧਨ ਦੀ ਮਹੱਤਤਾ ਬਾਰੇ ਚਾਨਣਾ ਪਾਇਆ ਅਤੇ ਸਵੱਛ ਭਾਰਤ ਮਿਸਨ (ਗ੍ਰਾਮੀਣ) ਫੇਜ -2 ਲਈ ਸਰਗਰਮੀ ਨਾਲ ਕੰਮ ਕਰਨ ਲਈ ਉਤਸਾਹਤ ਕੀਤਾ। ਉਹਨਾਂ ਅੱਗੇ ਭਾਗੀਦਾਰਾਂ ਨੂੰ ਵਰਕਸਾਪ ਦੀਆਂ ਪ੍ਰਮੁੱਖ ਸਿੱਖਿਆਵਾਂ ਨੂੰ ਆਪਣੇ ਜਿਿਲਆਂ ਲਾਗੂ ਕਰਨ ਲਈ ਪ੍ਰੇਰਿਆ।
ਵਰਕਸਾਪ ਦਾ ਉਦੇਸ ਜਲ ਸਪਲਾਈ ਅਤੇ ਸੈਨੀਟੇਸ਼ਨ ਵਿਭਾਗ ਦੇ ਜ਼ਿਲਿਆਂ ਵਿੱਚ ਕੰਮ ਕਰ ਰਹੇ ਸ਼ੋਸ਼ਲ ਸਟਾਫ਼ ਦੀ ਠੋਸ ਕੂੜਾ ਪ੍ਰਬੰਧਨ, ਪਲਾਸਟਿਕ ਵੇਸਟ ਪ੍ਰਬੰਧਨ, ਇਲੈਕਟ੍ਰੋਨਿਕ ਕੂੜਾ ਪ੍ਰਬੰਧਨ, ਬਾਇਓਮੈਡੀਕਲ ਵੇਸਟ ਪ੍ਰਬੰਧਨ, ਕੰਸਟਰੱਕਸ਼ਨ ਐਂਡ ਡੀਮੋਲੀਸ਼ਨ ( ਸੀ ਐਂਡ ਡੀ) ਵੇਸਟ ਪ੍ਰਬੰਧਨ, ਫੀਕਲ ਸਲੱਜ ਅਤੇ ਸੈਪਟੇਜ ਪ੍ਰਬੰਧਨ ਦੇ ਨਿਯਮਾਂ ਪ੍ਰਤੀ ਸਮਰੱਥਾ ਨੂੰ ਵਧਾਉਣਾ ਹੈ। ਇਸ ਵਰਕਸਾਪ ਦਾ ਆਯੋਜਨ ਮੈਸਰਜ ਫੀਡਬੈਕ ਫਾਉਂਡੇਸਨ ਵੱਲੋਂ ਕੀਤਾ ਗਿਆ।ਵਰਕਸ਼ਾਪ ਦੇ ਸਹਾਇਕ ਸ਼੍ਰੀ ਅਜੇ ਸਿਨਹਾ ਵੱਲੋਂ ਭਾਗੀਦਾਰਾਂ ਨੂੰ ਵਿਵਹਾਰਿਕ ਤਬਦੀਲੀ ਲਿਆਉਣ ਅਤੇ ਤਜ਼ਰਬਿਆਂ ਤੋਂ ਸਿੱਖਣ ਸਬੰਧੀ ਪਹੁੰਚ ਬਾਰੇ ਦੱਸਿਆ ਗਿਆ।
ਵਰਕਸਾਪ ਵਿਚ ਠੋਸ ਕੂੜੇ-ਕਰਕਟ ਨੂੰ ਸਮਝਣ, ਠੋਸ ਰਹਿੰਦ-ਖੂੰਹਦ ਦਾ ਪ੍ਰਬੰਧਨ ਕਰਨ, ਸਾਧਨ ਅਤੇ ਤਕਨੀਕਾਂ ਨਾਲ ਵਿਵਹਾਰਿਕ ਤਬਦੀਲੀ ਲਿਆਕੇ ਪਿੰਡ ਨੂੰ ਕੂੜੇ ਤੋਂ ਮੁਕਤ ਬਣਾਉਣ ਦੇ ਸਿਧਾਂਤਾਂ ਬਾਰੇ ਵਿਸਥਾਰਪੂਰਵਕ ਸਮਝਾਇਆ ਗਿਆ। ਕੂੜਾ ਪ੍ਰਬੰਧਨ ਦੇ ਤਕਨੀਕੀ ਪਹਿਲੂਆਂ ਬਾਰੇ ਜਾਣਕਾਰੀ ਦੇਣ ਦੇ ਨਾਲ-ਨਾਲ ਵੱਖ-ਵੱਖ ਸਾਧਨਾਂ ਅਤੇ ਉਪਾਅ ਬਾਰੇ ਵਿਚਾਰ ਵਟਾਂਦਰਾ ਕੀਤਾ ਗਿਆ ਜੋ ਕਿ ਕੂੜੇ ਦੀ ਵੰਡ ਅਤੇ ਪ੍ਰਬੰਧਨ ਵਿੱਚ ਸਹਾਈ ਹੋਣਗੇ। ਕੂੜੇ ਦੀਆਂ ਕਿਸਮਾਂ, ਮੂਲ ਅਤੇ ਪ੍ਰਬੰਧਨ ਲਈ ਚੁੱਕੇ ਜਾਣ ਵਾਲੇ ਉਪਰਾਲਿਆਂ ਵੱਲ ਵਿਸੇਸ ਧਿਆਨ ਦਿੱਤਾ ਗਿਆ।
ਭਾਗੀਦਾਰਾਂ ਨੂੰ ਜਮੀਨੀ ਚੁਣੌਤੀਆਂ, ਸਮਾਜਿਕ ਅਤੇ ਵਿਵਹਾਰ ਬਦਲਾਅ ਸੰਚਾਰ ਦੀਆਂ ਵੱਖ-ਵੱਖ ਤਰੀਕਿਆਂ ਦੁਆਰਾ ਹੱਲ ਕਰਨ ਬਾਰੇ ਵੀ ਦੱਸਿਆ ਗਿਆ। ਸੰਚਾਲਨ ਅਤੇ ਪ੍ਰਬੰਧਨ, ਵਿੱਤੀ ਰੱਖ-ਰਖਾਅ, ਕੂੜੇ ਦੀ ਰੀਸਾਈਕਲਿੰਗ ਅਤੇ ਸੈਪਟੇਜ਼ ਪ੍ਰਬੰਧਨ ਬਾਰੇ ਸੰਖੇਪ ਜਾਣਕਾਰੀ ਦਿੱਤੀ ਗਈ।ਸਮੁੱਚੇ ਸੈਸ਼ਨ ਵਿੱਚ ਭਾਗੀਦਾਰੀਆਂ ਨੇ ਵਧ-ਚੜ ਕੇ ਹਿੱਸਾ ਲਿਆ, ਸੈਸ਼ਨ ਉਨਾਂ ਦੀ ਉਮੀਦ ‘ਤੇ ਖਰਾ ਉਤਰਨ ਵਾਲਾ ਸਾਬਿਤ ਹੋਇਆ ਅਤੇ ਉਨਾਂ ਨੇ ਸਿੱਖਿਆ ਕਿ ਪੇਂਡੂ ਖੇਤਰਾਂ ਵਿੱਚ ਠੋਸ ਕੂੜੇ ਪ੍ਰਬੰਧਨ ਦੇ ਪ੍ਰਾਜੈਕਟ ਨੂੰ ਸਹੀ ਢੰਗ ਨਾਲ ਕਿਸ ਤਰਾਂ ਲਾਗੂ ਕੀਤਾ ਜਾ ਸਕਦਾ ਹੈ।
ਇਸ ਉਪਰੰਤ ਭਾਗੀਦਾਰੀਆਂ ਵੱਲੋਂ ਪ੍ਰੈਜਨਟੇਸ਼ਨ ਦਿੱਤੀ ਗਈ ਅਤੇ ਵਿਚਾਰ ਵਟਾਂਦਰੇ ਰਾਹੀਂ ਸਾਰੇ ਭਾਗੀਦਾਰਾਂ ਦੁਆਰਾ ਪੁੱਛੇ ਗਏ ਸਵਾਲਾਂ ਦੇ ਜਵਾਬ ਦਿੱਤੇ ਗਏ। ਵਰਕਸਾਪ ਦੇ ਅੰਤ ਵਿਚ ਭਾਗੀਦਾਰਾਂ ਨੂੰ ਕਰਾਸ ਲਰਨਿੰਗ ਰਾਹੀਂ ਉਤਸਾਹਤ ਕੀਤਾ ਗਿਆ।ਵਰਕਸ਼ਾਪ ਦੇ ਅੰਤ ਵਿੱਚ ਸ੍ਰੀ ਆਰ ਕੇ ਸਰਮਾ, ਸਟੇਟ ਕੋਆਰਡੀਨੇਟਰ ਸਵੱਛ ਭਾਰਤ ਮਿਸਨ (ਗ੍ਰਾਮੀਣ) ਦੁਆਰਾ ਫੀਡਬੈਕ ਫਾਉਂਡੇਸਨ ਅਤੇ ਮਾਹਰ ਸਹਾਇਕ ਸ਼੍ਰੀ ਅਜੇ ਸਿਨਹਾ, ਸੀਈਓ ਫੀਡਬੈਕ ਫਾਉਂਡੇਸਨ ਦਾ ਵਰਕਸ਼ਾਪ ਨੂੰ ਸੁਚੱਜੇ ਢੰਗ ਨਾਲ ਕਰਨ ਲਈ ਅਤੇ ਟੀਮ ਨੂੰ ਜਾਣਕਾਰੀ ਦੇਣ ਲਈ ਧੰਨਵਾਦ ਕੀਤਾ ਗਿਆ।
Post Disclaimer
Opinion/facts in this article are author\'s own and punjabi.newsd5.in does not assume any responsibility or liability for the same.If You Have Problem With This Article Plz Contact Our Team At Contact Us Page.
