ਕੋਚੀ ਤੋਂ ਅਬੂ ਧਾਬੀ ਲਈ ਰਵਾਨਾ ਹੋਈ ਇੰਡੀਗੋ ਦੇ ਇੱਕ ਜਹਾਜ਼ ਵਿੱਚ ਤਕਨੀਕੀ ਖਰਾਬੀ,

ਦੇਰ ਰਾਤ ਇੰਡੀਗੋ ਦੇ ਇੱਕ ਜਹਾਜ਼ ਵਿੱਚ ਤਕਨੀਕੀ ਖਰਾਬੀ ਦੇਖੀ ਗਈ। ਇਹ ਉਡਾਣ ਕੋਚੀ ਤੋਂ ਅਬੂ ਧਾਬੀ ਲਈ ਰਵਾਨਾ ਹੋਈ ਸੀ, ਪਰ ਸਮੱਸਿਆ ਆਉਣ ਤੋਂ ਬਾਅਦ ਇਸਨੂੰ ਵਾਪਸ ਕੋਚੀ ਵੱਲ ਮੋੜ ਦਿੱਤਾ ਗਿਆ। ਇਸ ਤੋਂ ਬਾਅਦ, ਯਾਤਰੀਆਂ ਨੂੰ ਇੱਕ ਹੋਰ ਉਡਾਣ ਰਾਹੀਂ ਅਬੂ ਧਾਬੀ ਭੇਜ ਦਿੱਤਾ ਗਿਆ।

ਦੱਸਿਆ ਜਾ ਰਿਹਾ ਹੈ ਕਿ ਫਲਾਈਟ ਵਿੱਚ 180 ਤੋਂ ਵੱਧ ਯਾਤਰੀ ਸਨ। ਇਸ ਤੋਂ ਇਲਾਵਾ 6 ਚਾਲਕ ਦਲ ਦੇ ਮੈਂਬਰ ਵੀ ਫਲਾਈਟ ਵਿੱਚ ਮੌਜੂਦ ਸਨ। ਜਹਾਜ਼ ਲਗਪਗ ਦੋ ਘੰਟੇ ਤੱਕ ਹਵਾ ਵਿੱਚ ਰਿਹਾ। ਸੂਤਰਾਂ ਨੇ ਦੱਸਿਆ ਕਿ ਫਲਾਈਟ ਨੰਬਰ 6E-1403 ਸ਼ੁੱਕਰਵਾਰ ਰਾਤ ਲਗਪਗ 11.10 ਵਜੇ ਕੋਚੀ ਤੋਂ ਰਵਾਨਾ ਹੋਈ।

ਜਹਾਜ਼ ਦੋ ਘੰਟੇ ਤੋਂ ਵੱਧ ਸਮੇਂ ਲਈ ਹਵਾ ਵਿੱਚ ਸੀ ਜਦੋਂ ਚਾਲਕ ਦਲ ਦੇ ਮੈਂਬਰਾਂ ਨੂੰ ਤਕਨੀਕੀ ਖਰਾਬੀ ਦਾ ਅਹਿਸਾਸ ਹੋਇਆ। ਇਸ ਤੋਂ ਬਾਅਦ, ਸ਼ਨੀਵਾਰ ਰਾਤ ਨੂੰ 1.44 ਵਜੇ ਜਹਾਜ਼ ਨੂੰ ਕੋਚੀ ਭੇਜ ਦਿੱਤਾ ਗਿਆ। ਜਹਾਜ਼ ਦੇ ਚਾਲਕ ਦਲ ਦੇ ਮੈਂਬਰਾਂ ਨੂੰ ਵੀ ਬਦਲ ਦਿੱਤਾ ਗਿਆ ਕਿਉਂਕਿ ਉਨ੍ਹਾਂ ਦੇ ਡਿਊਟੀ ਘੰਟੇ ਖਤਮ ਹੋ ਗਏ ਸਨ ਅਤੇ ਇੱਕ ਨਵੀਂ ਟੀਮ ਨਾਲ ਇੱਕ ਹੋਰ ਜਹਾਜ਼ ਭੇਜਿਆ ਗਿਆ।ਇੰਡੀਗੋ ਨੇ ਇੱਕ ਬਿਆਨ ਵਿੱਚ ਕਿਹਾ, ‘6 ਸਤੰਬਰ 2025 ਨੂੰ ਕੋਚੀ ਤੋਂ ਅਬੂ ਧਾਬੀ ਜਾ ਰਹੀ ਇੰਡੀਗੋ ਫਲਾਈਟ ਨੰਬਰ 6E 1403 ਵਿੱਚ ਇੱਕ ਤਕਨੀਕੀ ਖਰਾਬੀ ਦਾ ਪਤਾ ਲੱਗਿਆ। ਸਾਵਧਾਨੀ ਵਰਤਦੇ ਹੋਏ, ਪਾਇਲਟਾਂ ਨੇ ਜਹਾਜ਼ ਨੂੰ ਵਾਪਸ ਮੋੜਨ ਦਾ ਫੈਸਲਾ ਕੀਤਾ ਅਤੇ ਜਹਾਜ਼ ਕੋਚੀਨ ਅੰਤਰਰਾਸ਼ਟਰੀ ਹਵਾਈ ਅੱਡੇ ‘ਤੇ ਸੁਰੱਖਿਅਤ ਉਤਰ ਗਿਆ।’ਏਅਰਲਾਈਨ ਨੇ ਕਿਹਾ ਕਿ ਯਾਤਰੀਆਂ ਨੂੰ ਖਾਣਾ ਮੁਹੱਈਆ ਕਰਵਾਇਆ ਗਿਆ ਸੀ ਅਤੇ ਉਨ੍ਹਾਂ ਨੂੰ ਦੁਪਹਿਰ 3.30 ਵਜੇ ਇੱਕ ਹੋਰ ਉਡਾਣ ਰਾਹੀਂ ਅਬੂ ਧਾਬੀ ਭੇਜਿਆ ਗਿਆ। ਉਡਾਣ ਨੂੰ ਮੁੜ ਸ਼ੁਰੂ ਕਰਨ ਤੋਂ ਪਹਿਲਾਂ ਰੱਖ-ਰਖਾਅ ਲਈ ਭੇਜਿਆ ਗਿਆ ਹੈ।