ਕੈਨੇਡਾ ਤੇ ਅਮਰੀਕਾ ਨੇ ਘੜੀਆਂ ਨੂੰ ਸਰਕਾਇਆ ਇਕ ਘੰਟਾ ਅੱਗੇ
ਕੈਨੇਡਾ: ਡੇਅ ਲਾਈਟ ਸੇਵਿੰਗ ਸਕੀਮ ਅਧੀਨ ਕੁਦਰਤੀ ਰੌਸ਼ਨੀ ਦੀ ਵੱਧ ਤੋਂ ਵੱਧ ਵਰਤੋਂ ਕਰਕੇ ਐਨਰਜੀ ਬਚਾਉਣ ਦੇ ਇਰਾਦੇ ਨਾਲ ਅਮਰੀਕਾ ਤੇ ਕੈਨੇਡਾ ਵਲੋਂ ਐਤਵਾਰ ਆਪੋ-ਆਪਣੇ ਦੇਸ਼ਾਂ ਦੇ ਸਮੇਂ ਨੂੰ ਇਕ-ਇਕ ਘੰਟਾ ਅੱਗੇ ਸਰਕਾ ਦਿੱਤਾ ਗਿਆ।
Read Also ਕਰਜ਼ ਉਤਾਰਨ ਲਈ ਕੈਨੇਡਾ ਨੂੰ ਆਪਣਾ ਇੱਕ ਰਾਜ ਵੇਚੇਗਾ ਅਮਰੀਕਾ
ਯੂਨਾਈਟਿਡ ਸਟੇਟਸ ਆਫ ਅਮਰੀਕਾ ਦੇ 50 ਸੂਬਿਆਂ ਵਿਚੋਂ ਕੇਂਦਰੀ ਅਮਰੀਕਾ ਅਤੇ ਕੈਨੇਡਾ ਦਰਮਿਆਨ ਪੈਂਦੇ 48 ਸੂਬਿਆਂ ਵਿਚ ਕਈ ਸਾਲਾਂ ਤੋਂ ਚੱਲ ਰਹੀ ਇਸ ਯੋਜਨਾ ਅਧੀਨ ਮਾਰਚ ਦੇ ਦੂਜੇ ਸ਼ਨੀਵਾਰ-ਐਤਵਾਰ ਦੀ ਦਰਮਿਆਨੀ ਰਾਤ ਪਿੱਛੋਂ ਦੇਸ਼ ਦੀਆਂ ਸਭ ਘੜੀਆਂ ਨੂੰ ਇਕ-ਇਕ ਘੰਟਾ ਅੱਗੇ ਸਰਕਾ ਦਿੱਤਾ ਜਾਂਦਾ ਹੈ ਤਾਂ ਜੋ ਦਿਨ ਦੀ ਰੌਸ਼ਨੀ ਦਾ ਲਾਭ ਉਠਾ ਕੇ ਵੱਧ ਤੋਂ ਵੱਧ ਸਮੇਂ ਤਕ ਕੰਮ ਕਰਦੇ ਹੋਏ ਐਨਰਜੀ ਦੀ ਬੱਚਤ ਕੀਤੀ ਜਾ ਸਕੇ।
ਭੂਗੋਲਿਕ ਸਥਿਤੀ ਮੁਤਾਬਕ ਦੁਨੀਆ ਵਿਚ ਸਮੇਂ ਦੇ ਕੇਂਦਰ ਬਿੰਦੂ ਯੂ. ਕੇ. ਸਥਿਤ ਗਰੀਨਵਿਚ ਟਾਈਮ (ਜੀ. ਐੱਮ. ਟੀ.) ਤੋਂ ਭਾਰਤੀ ਸਮਾਂ ਸਾਢੇ 5 ਘੰਟੇ ਅੱਗੇ ਚਲਦਾ ਹੈ ਜਦਕਿ ਅਮਰੀਕਾ ਦੇ ਵੱਖ-ਵੱਖ ਸੂਬੇ ਜੀ. ਐੱਮ. ਟੀ. ਤੋਂ 4 ਤੋਂ 7 ਘੰਟੇ ਪਿੱਛੇ ਚਲਦੇ ਹਨ।
Post Disclaimer
Opinion/facts in this article are author\'s own and punjabi.newsd5.in does not assume any responsibility or liability for the same.If You Have Problem With This Article Plz Contact Our Team At Contact Us Page.
