ਕੇਜਰੀਵਾਲ ਸਰਕਾਰ ਨੂੰ SC ਦੀ ਫਟਕਾਰ, ‘ਲਾਸ਼ਾਂ ਨਾਲ ਕਿਉਂ ਹੋ ਰਿਹੈ ਅਜਿਹਾ ਵਿਵਹਾਰ’?

ਨਵੀਂ ਦਿੱਲੀ : ਦਿੱਲੀ ‘ਚ ਕੋਰੋਨਾ ਵਾਇਰਸ ਨੂੰ ਲੈ ਕੇ ਹਾਲਾਤ ਵਿਗੜਦੇ ਜਾ ਰਹੇ ਹਨ। ਇੱਥੇ ਹਾਲਤ ਇੰਨੀ ਭਿਆਨਕ ਹੈ ਕਿ ਹਰ 25 ਮਿੰਟ ‘ਚ ਇੱਕ ਮਰੀਜ਼ ਦੀ ਮੌਤ ਹੋ ਰਹੀ ਹੈ, ਜਿਸਨੂੰ ਲੈ ਕੇ SC ਨੇ ਚਿੰਤਾ ਪ੍ਰਗਟ ਕੀਤੀ ਹੈ। ਕੋਰਟ ਨੇ ਕੇਜਰੀਵਾਲ ਸਰਕਾਰ ਨੂੰ ਫਟਕਾਰ ਲਗਾਉਂਦੇ ਹੋਏ ਪੁੱਛਿਆ ਕਿ ਦਿੱਲੀ ‘ਚ ਟੈਸਟਿੰਗ ਘੱਟ ਕਿਉਂ ਹੋ ਗਈ ਹੈ। ਕੋਰਟ ਨੇ ਲਾਸ਼ਾਂ ਦੀ ਹੋ ਰਹੀ ਦੁਰਗਤੀ ਨੂੰ ਲੈ ਕੇ ਸਵਾਲ ਕੀਤਾ ਕਿ ਇਹ ਦੇਸ਼ ‘ਚ ਕੀ ਹੋ ਰਿਹਾ ਹੈ।

Singer Nirvair Pannu Exclusive | ਰਾਤੋ ਰਾਤ ਸਟਾਰ ਬਣੇ ਗਾਇਕ ਨਿਰਵੈਰ ਪੰਨੂ ਦੀ ਪਹਿਲੀ ਧਮਾਕੇਦਾਰ ਇੰਟਰਵਿਊ

ਕੋਰਟ ਨੇ ਕਿਹਾ ਕਿ ਦਿੱਲੀ ‘ਚ ਕੋਰੋਨਾ ਦੇ ਮਾਮਲੇ ਲਗਾਤਾਰ ਵੱਧਦੇ ਜਾ ਰਹੇ ਹਨ, ਬਾਵਜੂਦ ਇਸਦੇ ਇੱਥੇ ਟੈਸਟ ਘੱਟ ਕਿਉਂ ਹੋ ਰਹੇ ਹਨ। ਸਰਕਾਰੀ ਹਸਪਤਾਲਾਂ ‘ਚ ਕੋਰੋਨਾ ਮਰੀਜਾਂ ਦੇ ਨਾਲ ਜਿਸ ਤਰ੍ਹਾਂ ਦਾ ਵਿਵਹਾਰ ਹੋ ਰਿਹਾ ਹੈ, ਉਹ ਦੁਖਦਾਈ ਹੈ। ਸੁਣਵਾਈ ਦੌਰਾਨ ਸਾਲੀਸਿਟਰ ਜਨਰਲ ਨੇ ਸੁਪ੍ਰੀਮ ਕੋਰਟ ਨੂੰ ਦੱਸਿਆ ਕਿ ਕੇਂਦਰ ਸਰਕਾਰ ਵੱਲੋਂ ਲਾਸ਼ਾਂ ਨੂੰ ਲੈ ਕੇ ਗਾਇਡਲਾਇਨਾਂ ਜਾਰੀ ਕੀਤੀਆਂ ਗਈਆਂ ਹਨ। ਮਰੀਜਾਂ ਦੇ ਇਲਾਜ਼ ਨੂੰ ਲੈ ਕੇ ਸਰਕਾਰਾਂ ਦੇ ਵੱਲੋਂ ਕੰਮ ਕੀਤਾ ਜਾ ਰਿਹਾ ਹੈ ਪਰ ਕੱਲ੍ਹ ਜੋ ਦੇਖਿਆ ਗਿਆ ਉਹ ਕਾਫ਼ੀ ਭਿਆਨਕ ਸੀ।

ਕਰੋਨਾ ਨੇ ਮਚਾਈ ਹਾਹਾਕਾਰ, ਆਹ ਵੇਖੋ ਲਾਸ਼ਾਂ ਦੇ ਢੇਰ, ਸਿਫਾਰਿਸ਼ ਬਿਨਾਂ ਸਸਕਾਰ ਨਹੀਂ ਹੁੰਦਾ

ਕੋਰਟ ਨੇ ਕਿਹਾ ਕਿ ਚੇਂਨਈ ਅਤੇ ਮੁੰਬਈ ‘ਚ ਟੈਸਟਿੰਗ ਵਧਾ ਦਿੱਤੀ ਗਈ ਹੈ ਪਰ ਦਿੱਲੀ ‘ਚ ਇਸਨੂੰ ਕਿਉਂ ਨਹੀਂ ਵਧਾਇਆ ਗਿਆ ਹੈ।ਅਦਾਲਤ ਨੇ ਉਨ੍ਹਾਂ ਵੀਡੀਓ ਦਾ ਵੀ ਜ਼ਿਕਰ ਕੀਤਾ ਜਿਸ ‘ਚ ਮਰੀਜ਼ ਰੋ ਰਹੇ ਹਨ ਅਤੇ ਕੋਈ ਉਨ੍ਹਾਂ ਨੂੰ ਦੇਖਣ ਵਾਲਾ ਨਹੀਂ ਹੈ। ਅਦਾਲਤ ਨੇ ਕਿਹਾ ਕਿ ਇਹ ਬਹੁਤ ਹੀ ਦੁਖਦਾਈ ਹਾਲਤ ਹੈ। ਇਹ ਸਵਾਲ ਹੈ ਕਿ ਦਿੱਲੀ ਸਰਕਾਰ ਕੋਰੋਨਾ ਟੈਸਟ ਨੂੰ ਘੱਟ ਕਰ ਰਹੀ ਹੈ। ਕੀ ਸਰਕਾਰ ਬਨਾਵਟੀ ਫਿਗਰ ਚਾਹੁੰਦੀ ਹੈ। ਕਿਵੇਂ ਟੈਸਟਾਂ ਨੂੰ ਘੱਟ ਕੀਤਾ ਗਿਆ? ਰਾਜ ਦੀ ਡਿਊਟੀ ਹੈ ਕਿ ਉਹ ਟੈਸਟਿੰਗ ਨੂੰ ਵਧਾਵੇ। ਇਸਦੇ ਇਲਾਵਾ ਸੁਪ੍ਰੀਮ ਕੋਰਟ ਨੇ ਦਿੱਲੀ, ਮਹਾਰਾਸ਼ਟਰ, ਤਾਮਿਲਨਾਡੂ ਅਤੇ ਬੰਗਾਲ ਨੂੰ ਨੋਟਿਸ ਜਾਰੀ ਕਰ ਦਿੱਤਾ ਹੈ।