ਕਾਮਨਵੈਲਥ ਜਾਂ ਰਾਸ਼ਟਰਮੰਡਲ ਖੇਡਾਂ ਚੋਂ ਹਟਾਈਆਂ ਗਈਆਂ ਕਈ ਖੇਡਾਂ

ਕਾਮਨਵੈਲਥ ਜਾਂ ਰਾਸ਼ਟਰਮੰਡਲ ਖੇਡਾਂ ਦਾ ਅਗਲਾ ਐਡੀਸ਼ਨ 2026 ਵਿੱਚ ਗਲਾਸਗੋ ਵਿੱਚ ਹੋਣਾ ਹੈ। ਇਸ ਇਵੈਂਟ ਦੇ ਪ੍ਰੋਗਰਾਮ ਦਾ ਐਲਾਨ ਮੰਗਲਵਾਰ ਨੂੰ ਕੀਤਾ ਗਿਆ। ਇਸਦਾ ਆਯੋਜਨ 23 ਜੁਲਾਈ ਤੋਂ 2 ਅਗਸਤ ਤੱਕ ਸਕਾਟਲੈਂਡ ਵਿੱਚ ਕੀਤਾ ਜਾਵੇਗਾ। ਇਸ ਐਡੀਸ਼ਨ ਨੂੰ ਲੈ ਕੇ ਵੱਡਾ ਫੈਸਲਾ ਲਿਆ ਗਿਆ ਹੈ, ਜਿਸ ਕਾਰਨ ਭਾਰਤ ਨੂੰ ਵੱਡਾ ਝਟਕਾ ਲੱਗ ਸਕਦਾ ਹੈ। ਗਲਾਸਗੋ ਐਡੀਸ਼ਨ ਤੋਂ ਕਈ ਅਜਿਹੀਆਂ ਖੇਡਾਂ ਨੂੰ ਹਟਾ ਦਿੱਤਾ ਗਿਆ ਹੈ, ਜਿਸ ਵਿੱਚ ਭਾਰਤ ਨੇ ਚੰਗਾ ਪ੍ਰਦਰਸ਼ਨ ਕੀਤਾ ਹੈ।ਰਾਸ਼ਟਰਮੰਡਲ ਖੇਡਾਂ ਦਾ ਪਿਛਲਾ ਐਡੀਸ਼ਨ ਬਰਮਿੰਘਮ ਵਿੱਚ ਹੋਇਆ ਸੀ, ਜਿਸ ਵਿੱਚ 19 ਖੇਡਾਂ ਦਾ ਆਯੋਜਨ ਕੀਤਾ ਗਿਆ ਸੀ। ਹੁਣ ਹਾਕੀ, ਕ੍ਰਿਕਟ, ਕੁਸ਼ਤੀ, ਸ਼ੂਟਿੰਗ, ਬੈਡਮਿੰਟਨ, ਗੋਤਾਖੋਰੀ, ਬੀਚ ਵਾਲੀਬਾਲ, ਰੋਡ ਸਾਈਕਲਿੰਗ, ਮਾਉਂਟੇਨ ਬਾਈਕਿੰਗ, ਰਿਦਮਿਕ ਜਿਮਨਾਸਟਿਕ, ਰਗਬੀ ਸੇਵਨ, ਸਕੁਐਸ਼, ਟੇਬਲ ਟੈਨਿਸ, ਪੈਰਾ ਟੇਬਲ ਟੈਨਿਸ, ਟ੍ਰਾਈਥਲੌਨ ਅਤੇ ਪੈਰਾ ਟ੍ਰਾਇਥਲਨ ਨੂੰ ਸੂਚੀ ਤੋਂ ਹਟਾ ਦਿੱਤਾ ਗਿਆ ਹੈ। ਘੱਟੋ-ਘੱਟ 5 ਖੇਡਾਂ ਅਜਿਹੀਆਂ ਹਨ, ਜਿਨ੍ਹਾਂ ਵਿੱਚ ਭਾਰਤ ਨੇ ਚੰਗਾ ਪ੍ਰਦਰਸ਼ਨ ਕੀਤਾ ਹੈ। ਭਾਰਤੀ ਅਥਲੀਟ ਇਨ੍ਹਾਂ ਖੇਡਾਂ ਵਿੱਚ ਤਗਮੇ ਲੈ ਕੇ ਆਉਂਦੇ ਰਹੇ ਹਨ। ਹੁਣ ਉਨ੍ਹਾਂ ਦੇ ਹਟਾਉਣ ਨਾਲ ਕਈ ਮੈਡਲ ਗੁਆ ਸਕਦੇ ਹਨ।

ਇੱਕ ਪਾਸੇ ਕਈ ਖੇਡਾਂ ਨੂੰ ਹਟਾ ਦਿੱਤਾ ਗਿਆ ਹੈ। ਇਸ ਐਡੀਸ਼ਨ ਵਿੱਚ ਕੁਝ ਗੇਮਜ਼ ਸ਼ਾਮਲ ਵੀ ਕੀਤੀਆਂ ਗਈਆਂ ਹਨ। ਗਲਾਸਗੋ ਰਾਸ਼ਟਰਮੰਡਲ ਖੇਡਾਂ ਦੇ ਪ੍ਰਬੰਧਕਾਂ ਅਨੁਸਾਰ ਇਸ ਵਾਰ ਐਥਲੈਟਿਕਸ, ਪੈਰਾ ਐਥਲੈਟਿਕਸ, ਬਾਕਸਿੰਗ, ਬਾਊਲਜ਼, ਪੈਰਾ ਬਾਊਲ, ਤੈਰਾਕੀ, ਪੈਰਾ ਤੈਰਾਕੀ, ਆਰਟਿਸਟਿਕ ਜਿਮਨਾਸਟਿਕ, ਟਰੈਕ ਸਾਈਕਲਿੰਗ, ਪੈਰਾ ਟਰੈਕ ਸਾਈਕਲਿੰਗ, ਨੈੱਟ ਬਾਲ, ਵੇਟ ਲਿਫਟਿੰਗ ਅਤੇ ਪੈਰਾ ਪਾਵਰਲਿਫਟਿੰਗ, ਜੂਡੋ, 3*3 ਬਾਸਕਟਬਾਲ ਅਤੇ 3×3 ਵ੍ਹੀਲਚੇਅਰ ਬਾਸਕਟਬਾਲ ਨੂੰ ਸ਼ਾਮਲ ਕੀਤਾ ਗਿਆ ਹੈ।