ਸੱਤਾਧਾਰੀ ਆਮ ਆਦਮੀ ਪਾਰਟੀ (ਆਪ) ਨੇ ਪੰਜਾਬ ‘ਚ ਜ਼ਿਲ੍ਹਾ ਪ੍ਰੀਸ਼ਦ ਤੇ ਪੰਚਾਇਤ ਸੰਮਤੀ ਚੋਣਾਂ ‘ਚ ਸ਼ਾਨਦਾਰ ਜਿੱਤ ਦਰਜ ਕੀਤੀ। ਭਾਰੀ ਜਿੱਤ ਨਾਲ, ਆਪ ਇਨ੍ਹਾਂ ਚੋਣਾਂ ‘ਚ ਸਭ ਤੋਂ ਵੱਡੀ ਪਾਰਟੀ ਵਜੋਂ ਉੱਭਰੀ ਹੈ। ਕਾਂਗਰਸ ਨੇ ਨਤੀਜਿਆਂ ‘ਤੇ ਸਵਾਲ ਉਠਾਏ ਹਨ। ਪੰਜਾਬ ਕਾਂਗਰਸ ਪ੍ਰਧਾਨ ਅਮਰਿੰਦਰ ਸਿੰਘ ਰਾਜਾ ਵੜਿੰਗ ਨੇ ‘ਆਪ’ ਦੀ ਜਿੱਤ ਨੂੰ ਚੋਰੀ ਕੀਤਾ ਫਤਵਾ ਦੱਸਿਆ। ‘ਆਪ’ ਕਨਵੀਨਰ ਅਰਵਿੰਦ ਕੇਜਰੀਵਾਲ ਨੇ ਪਲਟਵਾਰ ਕੀਤਾ। ਉਨ੍ਹਾਂ ਵੀਰਵਾਰ ਨੂੰ ਕਿਹਾ ਕਿ ਸੂਬੇ ਨੇ ਸਾਫ਼-ਸੁਥਰੇ ਤੇ ਨਿਰਪੱਖ ਚੋਣਾਂ ਕਰਵਾਈਆਂ ਹਨ। ਕਾਂਗਰਸ ਨੇ ਕਈ ਥਾਵਾਂ ‘ਤੇ 3 ਜਾਂ 5 ਵੋਟਾਂ ਨਾਲ ਜਿੱਤ ਪ੍ਰਾਪਤ ਕੀਤੀ। ਜੇ ਅਸੀਂ ਚਾਹੁੰਦੇ ਹੁੰਦੇ, ਤਾਂ ਅਸੀਂ ਐਸਡੀਐਮ ਨੂੰ ਬੁਲਾ ਕੇ ਬਾਜ਼ੀ ਪਲਟ ਸਕਦੇ ਸੀ। ਸਾਫ਼-ਸੁਥਰੇ ਤੇ ਨਿਰਪੱਖ ਚੋਣਾਂ ਦਾ ਇਸ ਤੋਂ ਵਧੀਆ ਸਬੂਤ ਕੀ ਹੋ ਸਕਦਾ ਹੈ?
ਮੁੱਖ ਮੰਤਰੀ ਭਗਵੰਤ ਮਾਨ ਨੇ ਕਿਹਾ ਕਿ ਮੇਰੀ ਧੂਰੀ ਹਲਕੇ ਤੋਂ ਬਲਾਕ ਸੰਮਤੀ ਸੀਟ ਧੂਰਾ ਤੋਂ 9 ਵੋਟਾਂ ਤੋਂ ਕਾਂਗਰਸ ਜਿੱਤੀ ਹੈ। ਉਨ੍ਹਾਂ ਨੇ ਕਿਹਾ ਕਈ ਜਗ੍ਹਾ ‘ਤੇ ਕਾਂਗਰਸ 9, 10, 13, 30, 92 ‘ਤੇ ਇਸ ਤਰ੍ਹਾਂ ਕਈ ਇਲਾਕਿਆਂ ‘ਚ ਕਾਂਗਰਸ ਜਿੱਤੀ ਹੈ। ਉਨ੍ਹਾਂ ਨੇ ਕਿਹਾ ਕਿ ਵਿਰੋਧੀਆਂ ਵੱਲੋਂ ਬੈਲੇਟ ਪੇਪਰ ਤੇ ਉਸ ‘ਤੇ ਸਿਆਹੀ ਡੋਲਣ ਵਰਗੇ ਇਲਜ਼ਾਮ ਲਗਾਏ ਗਏ। ਸਭ ਤੋਂ ਵੱਧ ਇਲਜ਼ਾਮ ਚਰਨਜੀਤ ਸਿੰਘ ਚੰਨੀ ਨੇ ਲਗਾਏ। ਸੌਣ ਦੇ ਅੰਨ੍ਹੇ ਨੂੰ ਸਭ ਕੁੱਝ ਹਰਾ-ਹਰਾ ਹੀ ਨਜ਼ਰ ਆਉਂਦਾ ਹੈ, ਅਸਲ ‘ਚ ਇਹ ਸਭ ਕੁੱਝ ਕਰ ਚੁੱਕੇ ਹਨ। ਇਹ ਪਹਿਲਾਂ ਚੋਣਾਂ ‘ਚ ਧਾਂਦਲੀ ਕਰ ਚੁੱਕੀ ਹੈ, ਇਸ ਲਈ ਉਨ੍ਹਾਂ ਨੂੰ ਅਜਿਹਾ ਲੱਗਦਾ ਹੈ। ਇਹ ਪਹਿਲਾਂ ਬਾਹਰੋਂ ਹੀ ਕਹਿ ਦਿੰਦੇ ਸਨ ਕਿ 20 ਦੀਆਂ 20 ਸੀਟਾਂ ਜਿੱਤ ਲਈਆਂ ਹਨ ਤੇ ਕਹਿੰਦੇ ਸਨ ਕਿ ਹੁਣ ਘਰੇ ਜਾਓ। ਇਸ ਵਾਰ ਪਹਿਲੀ ਵਾਰ ਵੀਡੀਓਗ੍ਰਾਫੀ ਹੋਈ।
ਉਨ੍ਹਾਂ ਨੇ ਕਿਹਾ ਕਿ ਅਕਾਲੀ ਦਲ ਤੀਜੇ ਨੰਬਰ ‘ਤੇ ਰਿਹਾ। ਉਨ੍ਹਾਂ ਨੂੰ ਲੱਗ ਰਿਹਾ ਹੈ ਕਿ ਜੇਕਰ ਡਾਇਨਾਸੌਰ ਆ ਗਏ ਤਾਂ ਇਹ ਗਲਤ ਗੱਲ ਹੈ। ਭਗਵੰਤ ਮਾਨ ਕਈ ਵਾਰ ਕਹਿ ਚੁੱਕੇ ਹਨ ਕਿ ਜਿਵੇਂ ਡਾਇਨਾਸੌਰ ਗਾਇਬ ਹੋ ਗਏ ਹਨ, ਉਸੇ ਤਰ੍ਹਾਂ ਅਕਾਲੀ ਦਲ ਵੀ ਗਾਇਬ ਹੋ ਗਈ ਹੈ ਤੇ ਹੁਣ ਉਨ੍ਹਾਂ ਦੀ ਵਾਪਸੀ ਨਹੀਂ ਹੋ ਸਕਦੀ। ਸੀਐਮ ਮਾਨ ਨੂੰ ਸਵਾਲ ਪੁੱਛਿਆ ਗਿਆ ਕਿ ਤੁਹਾਡੇ ਪਿੰਡ ਤੋਂ ਭਾਜਪਾ ਨੂੰ ਇੱਕ ਵੋਟ ਪਈ ਹੈ, ਪਰ ਚੋਣਾਂ ਤੋਂ ਪਹਿਲਾਂ ਭਾਜਪਾ ਵੱਡੇ-ਵੱਡੇ ਦਾਅਵੇ ਕਰਦੀ ਸੀ। ਸੀਐਮ ਮਾਨ ਨੇ ਜਵਾਬ ਦਿੰਦੇ ਹੋਏ ਚੁਟਕੀ ਲਈ ਕਿ ਇਸ ਦੀ ਜਾਂਚ ਚੱਲ ਰਹੀ ਹੈ ਕਿ ਉਹ ਕੌਣ ਪਾ ਗਿਆ। ਪਿੰਡ ਦੇ ਲੋਕ ਦੋ-ਤਿੰਨ ਬੰਦੇ ਸ਼ੱਕ ਕਰ ਰਹੇ ਹਨ।
Post Disclaimer
Opinion/facts in this article are author\'s own and punjabi.newsd5.in does not assume any responsibility or liability for the same.If You Have Problem With This Article Plz Contact Our Team At Contact Us Page.
