ਕਲਜੁਗੀ ਨੂੰਹ-ਪੁੱਤ ਦਾ ਕਾਰਨਾਮਾ, ਬਜ਼ੁਰਗ ਮਾਪਿਆਂ ਦੀ ਬੇਤਹਾਸ਼ਾ ਕੁੱਟਮਾਰ , ਲੂੰ-ਕੰਢੇ ਖੜ੍ਹੇ ਹੁੰਦੇ ਨੇ ਆਹ ਸੁਣਕੇ (ਵੀਡੀਓ)
ਇਹ ਉਹ ਬਦਨਸੀਬ ਮਾਪੇ ਨੇ, ਜਿੰਨਾਂ ਦੀਆਂ ਅੱਖਾਂ ‘ਚ ਹੰਝੂ ਖ਼ੁਸ਼ੀ ਦੇ ਨਹੀਂ ਬਲਕਿ ਗ਼ਮੀ ਦੇ ਵਗ ਰਹੇ ਹਨ। ਜਿੰਨਾਂ ਨੂੰ ਪੁੱਤਰ ਮੋਹ ਨੇ ਦਰ ਦਰ ਦੀਆਂ ਠੋਕਰਾਂ ਖਾਣ ਲਈ ਮਜਬੂਰ ਕਰ ਦਿੱਤਾ। ਇਲਜ਼ਾਮ ਨੇ ਕਿ ਨੂੰਹ ਪੁੱਤ ਨੇ ਮਾਪਿਆਂ ਦੀ ਸੇਵਾ ਕਰਨ ਦੀ ਬਜਾਏ ਬੇਤਹਾਸ਼ਾ ਕੁੱਟਮਾਰ ਕੀਤੀ, ਗੁਰਾਇਆ ਦੇ ਰਹਿਣ ਵਾਲ਼ੇ ਇੱਕ ਬਜੁਰਗ ਜੋੜੇ ਨੂੰ ਉਸ ਦੇ ਨੂੰਹ ਪੁੱਤ ਵਲੋਂ ਮਾਰਕੁੱਟ ਕਰਕੇ ਘਰੋਂ ਬਾਹਰ ਕੱਢਣ ਤੇ ਬਜੁਰਗ ਜੋੜੇ ਨੂੰ ਮਾਣਯੋਜ ਅਦਾਲਤ ਨੇ ਦੁਬਾਰਾ ਉਸੇ ਘਰ ਵਿੱਚ ਰਹਿਣ ਦੇ ਹੁੱਕਮ ਸੁਣਾ ਕੇ ਸਮਾਜ ਅੰਦਰ ਕਲ਼ਯੁਗੀ ਔਲਾਦ ਦੇ ਮੂੰਹ ਤੇ ਚਪੇੜ ਦਾ ਸ਼ਲਾਘਾਯੋਗ ਕੰਮ ਕੀਤਾ ਹੈ। ਜੋ ਬੱਚੇ ਆਪਣੇ ਮਾਪਿਆਂ ਦੀ ਜਾਇਦਾਦ ਤੇ ਕਬਜਾ ਕਰਕੇ ਬੁੱਢੇ ਮਾਪਿਆਂ ਨੂੰ ਦਰ ਦਰ ਦੀਆਂ ਠੋਕਰਾਂ ਖਾਣ ਲਈ ਮਜਬੂਰ ਕਰ ਦਿੰਦੇ ਹਨ। ਗੁਰਾਇਆ ਦੇ ਰਹਿਣ ਵਾਲ਼ੇ ਰਤਨ ਸਿੰਘ ਅਤੇ ਪਤਨੀ ਬਲਵਿੰਦਰ ਕੌਰ ਨੇ ਭੁੱਬਾਂ ਮਾਰ ਕੇ ਦੱਸਿਆ ਕਿ ਉਹ ਪਿੰਡ ਬੰਡਾਲ਼ਾ ਵਿਖੇ ਰਹਿੰਦੇ ਸਨ।
Read Also ਅਮਰੀਕਾ ‘ਚ ਸਿੱਖ ‘ਤੇ ਨਸਲੀ ਹਮਲਾ, ਗੋਰੇ ਨੇ ਕੁੱਟਮਾਰ ਕਰਕੇ ਪੱਟੀ ਦਾੜ੍ਹੀ
ਉਥੋਂ ਦੇ ਜੱਦੀ ਘਰ ਨੂੰ ਵੇਚ ਕੇ ਸੰਨ 2008 ਵਿੱਚ ਗੁਰਾਇਆ ਵਿਖੇ 7 ਮਰਲੇ ਦਾ ਪਲਾਟ ਖ੍ਰੀਦਿਆ, ਜਿਥੇ ਮਕਾਨ ਵੀ ਬਣਾਏ, ਜੋ ਉਹਨਾਂ ਨੇ ਔਲਾਦ ਮੋਹ ਵਿੱਚ ਆ ਕੇ ਉਹ ਘਰ ਨੂੰਹ ਪੁੱਤ ਦੇ ਨਾਮ ਲਿਖਾ ਦਿਤਾ। ਜਦੋਂ ਉਸ ਨਵੇਂ ਘਰ ਵਿੱਚ ਗ੍ਰਹਿ ਪ੍ਰਵੇਸ਼ ਕਰਨਾ ਸੀ ਤਾਂ ਉਦਘਾਟਨ ਦੇ ਦਿਨ ਤੋਂ 2 ਦਿੰਨ ਪਹਿਲਾਂ ਉਹਨਾਂ ਦਾ ਕੰਵਲਦੀਪ ਸਿੰਘ ਅਤੇ ਨੂੰਹ ਬਲਵਿੰਦਰ ਕੌਰ ਉਰਫ ਰੇਨੂੰ ਨੇ ਬੁਰੀ ਤਾਂ ਮਾਰਕੁੱਟ ਕਰਕੇ ਧੱਕੇ ਮਾਰ ਕੇ ਘਰੋਂ ਬਾਹਰ ਕੱਢ ਦਿੱਤਾ। ਬਜੁਰਗ ਜੋੜੇ ਨੇ ਦੱਸਿਆ ਕਿ ਉਹਨਾਂ ਨੇ ਐਡਵੋਕੇਟ ਇੰਦਰਜੀਤ ਵਰਮਾ ਦੇ ਰਾਹੀਂ ਮਾਣਯੋਗ ਅਦਾਲਤ ਫਿਲੌਰ ਵਿਖੇ ਕੇਸ ਦਾਇਰ ਕਰਕੇ ਫਰਿਆਦ ਕੀਤੀ। ਉਹਨਾਂ ਅੱਗੇ ਦੱਸਿਆ ਕਿ ਕੇਸ ਚਲਦੇ ਹੋਏ ਉਹਨਾਂ ਦੇ ਨੂੰਹ ਪੁੱਤ ਨੇ ਉਹ ਮਹਿੰਗਾ ਘਰ ਕਿਸੇ ਨੂੰ ਸਸਤੇ ਭਾਅ ਵਿੱਚ ਵੇਚ ਦਿਤਾ। ਬਜੁਰਗ ਜੋੜੇ ਨੇ ਦੱਸਿਆ ਕਿ ਮਾਣਯੋਗ ਅਦਾਲਤ ਨੇ ਫੈਸਲੇ ‘ਚ ਉਹਨਾਂ ਦਾ ਘਰ ਵਾਪਿਸ ਉਹਨਾਂ ਦੇ ਨਾਮ ਤੇ ਕਰਨ ਅਤੇ ਜਿਸ ਵਿਆਕਤੀ ਨੂੰ ਵੇਚਿਆ ਉਸ ਦੀ ਰਜਿਸਟਰੀ ਕੈਂਸਲ ਕਰਨ ਦੇ ਆਦੇਸ਼ ਦਿਤੇ ਹਨ।
ਇਸ ਮੌਕੇ ਐਡਵੋਕੇਟ ਇੰਦਰਜੀਤ ਵਰਮਾ ਨੇ ਦੱਸਿਆ ਕਿ ਸਾਡੇ ਸਮਾਜ ਅੰਦਰ ਬੱਚਿਆਂ ਨੂੰ ਭਗਵਾਨ ਰਾਮ ਅਤੇ ਸਰਬਣ ਪੁੱਤਰ ਵਰਗੀਆਂ ਕਹਾਣੀਆਂ ਸੁਣਾਈਆਂ ਜਾਂਦੀਆਂ ਹਨ, ਪਰ ਫਿਰ ਵੀ ਸਮਾਜ ਵਿੱਚ ਬਹੁਤ ਸਾਰੇ ਕਲ਼ਯੁਗੀ ਔਲਾਦ ਮਾਪਿਆਂ ਦੀ ਜਾਇਦਾਦ ਤੇ ਕਬਜਾ ਕਰਕੇ ਘਰੋਂ ਬਾਹਰ ਕੱਢ ਦਿੰਦੇ ਹਨ ਤੇ ਉਹਨਾਂ ਨੂੰ ਠੋਕਰਾਂ ਖਾਣ ਲਈ ਮਜਬੂਰ ਕਰ ਦਿੰਦੇ ਹਨ। ਇਹ ਜੋ ਮਾਣਯੋਗ ਅਦਾਲਤ ਨੇ ਬੇਘਰੇ ਬਜੁਰਗ ਜੋੜੇ ਦੇ ਹੱਕ ਵਿੱਚ ਫੈਸਲਾ ਸੁਣਇਆ ਹੈ, ਇਸ ਨਾਲ਼ ਸਮਾਜ ਨੂੰ ਬਹੁਤ ਸੇਧ ਮਿਲੇਗੀ। ਮਾਪਿਆਂ ਨੂੰ ਬੜਾ ਚਾਅ ਹੁੰਦੇ ਕਿ ਔਲਾਦ ਹੋਣ ਤੋਂ ਬਾਅਦ ਉਸ ਦਾ ਘਰ ਵਸਾਇਆ ਜਾਵੇ ਪਰ ਇਸ ਗੱਲ ਦਾ ਬਿਲਕੁਲ ਵੀ ਅੰਦਾਜ਼ਾ ਨਹੀਂ ਹੁੰਦਾ ਕਿ ਉਹੀ ਔਲਾਦ ਉਹਨਾਂ ਦਾ ਘਰ ਉਜਾੜ ਦੇਵੇਗੀ। ਜਿਸ ਲਈ ਖ਼ੂਨ ਪਸੀਨਾ ਇਕ ਕੀਤਾ ਹੁੰਦਾ ਹੈ ਹੰਝੂਆਂ ਨਾਲ ਦਿਨ ਬਿਤਾ ਰਹੇ ਇਹਨਾਂ ਮਾਪਿਆਂ ਨੂੰ ਓਸੇ ਘਰ ਵਿੱਚ ਵਾਪਸੀ ਦੀ ਉਮੀਦ ਬੱਝੀ ਹੈ। ਜਿਸ ਨੂੰ ਮਹਿਲਨੁਮਾ ਬਣਾ ਕੇ ਸੁਫਨੇ ਸਜਾਏ ਸੀ ਖ਼ੈਰ ਇਹ ਫ਼ੈਸਲਾ ਮਾਪਿਆਂ ਨੂੰ ਜਾਂਦੀ ਉਮਰੇ ਠੁੱਢੇ ਮਾਰਨ ਵਾਲੀ ਔਲਾਦ ਲਈ ਵੱਡਾ ਸਬਕ ਹੈ।
Post Disclaimer
Opinion/facts in this article are author\'s own and punjabi.newsd5.in does not assume any responsibility or liability for the same.If You Have Problem With This Article Plz Contact Our Team At Contact Us Page.
