ਕਈ ਦਿਨਾਂ ਦੀ ਲੜਾਈ ਤੋਂ ਬਾਅਦ  ਥਾਈਲੈਂਡ ਅਤੇ ਕੰਬੋਡੀਆ ਨੇ ਕੀਤੀ ਜੰਗਬੰਦੀ

 ਥਾਈਲੈਂਡ ਅਤੇ ਕੰਬੋਡੀਆ ਨੇ ਅਪਣੀ ਸਰਹੱਦ ਉਤੇ ਕਈ ਦਿਨਾਂ ਦੀ ਲੜਾਈ ਤੋਂ ਬਾਅਦ ਜੰਗਬੰਦੀ ਦੀ ਉਲੰਘਣਾ ਦੀ ਪੁਸ਼ਟੀ ਕੀਤੀ ਹੈ। ਮਲੇਸ਼ੀਆ ’ਚ ਹੋਈ ਗੱਲਬਾਤ ਮਗਰੋਂ ਜੰਗਬੰਦੀ ਸੋਮਵਾਰ ਅੱਧੀ ਰਾਤ ਤੋਂ ਲਾਗੂ ਹੋਣੀ ਸੀ ਪਰ ਅਜਿਹਾ ਨਾ ਹੋ ਸਕਿਆ। ਥਾਈਲੈਂਡ ਦੀ ਫੌਜ ਨੇ ਕੰਬੋਡੀਆ ਉਤੇ ਮੰਗਲਵਾਰ ਤੜਕੇ ਕਈ ਇਲਾਕਿਆਂ ’ਚ ਹਮਲੇ ਕਰਨ ਦਾ ਦੋਸ਼ ਲਾਇਆ ਪਰ ਕੰਬੋਡੀਆ ਨੇ ਕਿਹਾ ਕਿ ਕਿਸੇ ਵੀ ਸਥਾਨ ਉਤੇ ਗੋਲੀਬਾਰੀ ਨਹੀਂ ਹੋਈ। ਇਸ ਤੋਂ ਬਾਅਦ ਥਾਈ ਫੌਜ ਨੇ ਬੁਧਵਾਰ ਸਵੇਰੇ ਗੋਲੀਬਾਰੀ ਦੀ ਸੂਚਨਾ ਦਿਤੀ ਪਰ ਕਿਹਾ ਕਿ ਭਾਰੀ ਤੋਪਖਾਨੇ ਦੀ ਕੋਈ ਵਰਤੋਂ ਨਹੀਂ ਕੀਤੀ ਗਈ।

ਥਾਈਲੈਂਡ ਦੇ ਵਿਦੇਸ਼ ਮੰਤਰਾਲੇ ਨੇ ਬੁਧਵਾਰ ਸਵੇਰੇ ਇਕ ਬਿਆਨ ਵਿਚ ਕਿਹਾ ਕਿ ਇਸ ਤਰ੍ਹਾਂ ਦੀ ਹਮਲਾਵਰ ਕਾਰਵਾਈ ਇਕ ਵਾਰ ਫਿਰ ਕੰਬੋਡੀਆ ਦੀਆਂ ਫੌਜਾਂ ਵਲੋਂ ਜੰਗਬੰਦੀ ਸਮਝੌਤੇ ਦੀ ਸਪੱਸ਼ਟ ਉਲੰਘਣਾ ਹੈ ਅਤੇ ਉਨ੍ਹਾਂ ਦੇ ਚੰਗੇ ਵਿਸ਼ਵਾਸ ਦੀ ਘਾਟ ਹੈ।

ਹਾਲਾਂਕਿ, ਬੁਧਵਾਰ ਦੁਪਹਿਰ ਤਕ ਦੋਹਾਂ ਧਿਰਾਂ ਨੇ ਜੰਗਬੰਦੀ ਪ੍ਰਤੀ ਅਪਣੀ ਵਚਨਬੱਧਤਾ ਦੁਹਰਾਈ ਅਤੇ ਪ੍ਰਤੀਨਿਧੀ ਸ਼ੰਘਾਈ ਵਿਚ ਇਕ ਬੈਠਕ ਵਿਚ ਚੀਨੀ ਉਪ ਮੰਤਰੀ ਸੁਨ ਵੀਡੋਂਗ ਨਾਲ ਇਕ ਤਸਵੀਰ ਵਿਚ ਮੁਸਕਰਾਉਂਦੇ ਵਿਖਾਈ ਦਿਤੇ। ਚੀਨ ਦੇ ਵਿਦੇਸ਼ ਮੰਤਰਾਲੇ ਨੇ ਇਕ ਬਿਆਨ ਵਿਚ ਕਿਹਾ ਕਿ ਕੰਬੋਡੀਆ ਅਤੇ ਥਾਈਲੈਂਡ ਨੇ ਚੀਨ ਨੂੰ ਜੰਗਬੰਦੀ ਸਹਿਮਤੀ ਪ੍ਰਤੀ ਅਪਣੀ ਵਚਨਬੱਧਤਾ ਦੁਹਰਾਈ ਅਤੇ ਸਥਿਤੀ ਨੂੰ ਘੱਟ ਕਰਨ ਵਿਚ ਚੀਨ ਦੀ ਸਕਾਰਾਤਮਕ ਭੂਮਿਕਾ ਦੀ ਸ਼ਲਾਘਾ ਕੀਤੀ। ਚੀਨ ਨੇ ਕਿਹਾ ਕਿ ਗੈਰ ਰਸਮੀ ਬੈਠਕ ਉਸ ਦੀ ਤਾਜ਼ਾ ਕੂਟਨੀਤਕ ਕੋਸ਼ਿਸ਼ ਹੈ ਅਤੇ ਉਹ ਅਪਣੇ ਸਰਹੱਦੀ ਵਿਵਾਦ ਨੂੰ ਸੁਲਝਾਉਣ ਵਿਚ ਰਚਨਾਤਮਕ ਭੂਮਿਕਾ ਨਿਭਾ ਰਿਹਾ ਹੈ।