ਐਲੋਨ ਮਸਕ ਨੇ ਫਿਰ ਬਦਲਿਆ ਟਵਿੱਟਰ ਲੋਗੋ, ਨੀਲੀ ਚਿੱੜੀ ਦੀ ਹੋਈ ਮੁੜ ਵਾਪਸੀ

ਦੁਨੀਆ ਦੇ ਦੂਜੇ ਸਭ ਤੋਂ ਅਮੀਰ ਕਾਰੋਬਾਰੀ ਐਲੋਨ ਮਸਕ ਨੇ ਇਕ ਵਾਰ ਫਿਰ ਮਾਈਕ੍ਰੋ ਬਲਾਗਿੰਗ ਸਾਈਟ ਟਵਿਟਰ ਦਾ ਲੋਗੋ ਬਦਲ ਦਿੱਤਾ ਹੈ। ਹਾਲ ਹੀ ‘ਚ ਮਸਕ ਨੇ ਟਵਿਟਰ ਤੋਂ ਬਲੂ ਬਰਡ ਲੋਗੋ ਹਟਾ ਕੇ ਕੁੱਤੇ ਦਾ ਲੋਗੋ ਬਣਾਇਆ ਹੈ। ਹਾਲਾਂਕਿ, ਇਹ ਬਦਲਾਅ ਸਿਰਫ ਵੈਬ ਵਰਜ਼ਨ ‘ਤੇ ਕੀਤਾ ਗਿਆ ਸੀ, ਐਪ ‘ਤੇ ਨਹੀਂ। ਟਵਿੱਟਰ ‘ਤੇ ਹੁਣ ਫਿਰ ਤੋਂ ਨੀਲੇ ਪੰਛੀ ਦਾ ਲੋਗੋ ਹੈ। ਤਿੰਨ ਦਿਨ ਪਹਿਲਾਂ ਲਗਾਇਆ ਗਿਆ ਕੁੱਤੇ ਦਾ ਲੋਗੋ ਹਟਾ ਦਿੱਤਾ ਗਿਆ ਹੈ।

ਜਦੋਂ ਤੋਂ ਐਲੋਨ ਮਸਕ ਨੇ ਟਵਿਟਰ ਨੂੰ ਹਾਸਲ ਕੀਤਾ ਹੈ, ਉਸ ਨੇ ਇਸ ਵਿੱਚ ਕਈ ਬਦਲਾਅ ਕੀਤੇ ਹਨ।ਕਈ ਵਾਰ ਅਜਿਹਾ ਲਗਦਾ ਹੈ ਕਿ ਮਸਕ ਟਵਿੱਟਰ ਦੇ ਨਾਲ ਕੁਝ ਪ੍ਰਯੋਗ ਕਰ ਰਿਹਾ ਹੈ. ਮਸਕ ਨੇ ਸ਼ੁਰੂ ਵਿੱਚ ਟਵਿੱਟਰ ਦੇ ਨਵੇਂ ਉਪਭੋਗਤਾਵਾਂ ਨੂੰ ਭੁਗਤਾਨ ਕੀਤੇ ਬਲੂ ਟਿੱਕ ਸਬਸਕ੍ਰਿਪਸ਼ਨ ਦੀ ਪੇਸ਼ਕਸ਼ ਕੀਤੀ ਸੀ। ਇਸ ਤੋਂ ਬਾਅਦ ਮੁਫਤ ਬਲੂ ਟਿੱਕ ਦੀ ਸਹੂਲਤ ਵੀ ਖਤਮ ਕਰਨ ਦਾ ਐਲਾਨ ਕੀਤਾ ਗਿਆ। ਇੰਨਾ ਹੀ ਨਹੀਂ ਮਸਕ ਨੇ ਤਿੰਨ ਦਿਨ ਪਹਿਲਾਂ ਟਵਿਟਰ ਦਾ ਲੋਗੋ ਵੀ ਬਦਲ ਦਿੱਤਾ ਸੀ। ਇਸ ਤੋਂ ਬਾਅਦ ਟਵਿੱਟਰ ਦੇ ਲੋਗੋ ‘ਚ ਕੁੱਤੇ ਨੂੰ ਲੋਗੋ ਬਣਾ ਦਿੱਤਾ ਗਿਆ। ਯੂਜ਼ਰਸ ਕੁੱਤੇ ਦਾ ਲੋਗੋ ਦੇਖ ਕੇ ਕਾਫੀ ਹੈਰਾਨ ਹੋਏ ਅਤੇ ਉਨ੍ਹਾਂ ਨੇ ਇਸ ‘ਤੇ ਵੱਖ-ਵੱਖ ਪ੍ਰਤੀਕਿਰਿਆਵਾਂ ਦਿੱਤੀਆਂ।ਇਲੋਨ ਮਸਕ ਨੇ ਤਿੰਨ ਦਿਨਾਂ ਬਾਅਦ ਆਪਣਾ ਫੈਸਲਾ ਵਾਪਸ ਲੈ ਲਿਆ ਹੈ। ਹੁਣ ਨੀਲਾ ਪੰਛੀ ਟਵਿੱਟਰ ‘ਤੇ ਫਿਰ ਤੋਂ ਵਾਪਸ ਆ ਗਿਆ ਹੈ। ਇਸ ਤੋਂ ਬਾਅਦ ਯੂਜ਼ਰਸ ਨੂੰ ਕੁੱਤੇ ਦਾ ਲੋਗੋ ਨਹੀਂ ਦਿਖਾਈ ਦੇਵੇਗਾ।

 ਐਲੋਨ ਮਸਕ ਨੇ ਪਾਲਤੂ ਕੁੱਤੇ ਫਲੋਕੀ ਦੀ ਫੋਟੋ ਟਵਿੱਟਰ ‘ਤੇ ਸ਼ੇਅਰ ਕੀਤੀ ਸੀ ਅਤੇ ਨੀਲੇ ਪੰਛੀ ਨੂੰ ਕੁੱਤੇ ਦੇ ਲੋਗੋ ਨਾਲ ਬਦਲਣ ਦਾ ਐਲਾਨ ਕੀਤਾ ਸੀ। ਦਰਅਸਲ, ਪਿਛਲੇ ਮਹੀਨੇ ਟਵਿਟਰ ਨੇ ਘੋਸ਼ਣਾ ਕੀਤੀ ਸੀ ਕਿ ਉਹ 1 ਅਪ੍ਰੈਲ ਤੋਂ ਹਰ ਕਿਸੇ ਦੇ ਖਾਤੇ ਤੋਂ ਮੁਫਤ ਬਲੂ ਟਿੱਕ ਹਟਾ ਦੇਵੇਗਾ। ਇਸ ਦੇ ਲਈ ਯੂਜ਼ਰਸ ਨੂੰ ਟਵਿਟਰ ਬਲੂ ਟਿੱਕ ਨੂੰ ਸਬਸਕ੍ਰਾਈਬ ਕਰਨਾ ਹੋਵੇਗਾ। ਪਰ ਅੱਜ 7 ਅਪ੍ਰੈਲ ਹੋਣ ਦੇ ਬਾਵਜੂਦ ਟਵਿਟਰ ਨੇ ਬਲੂ ਟਿੱਕ ਨੂੰ ਨਹੀਂ ਹਟਾਇਆ ਹੈ। ਮਾਹਿਰਾਂ ਦਾ ਮੰਨਣਾ ਹੈ ਕਿ ਟਵਿਟਰ ਕੋਲ ਅਜਿਹੀ ਕੋਈ ਅੰਦਰੂਨੀ ਤਕਨੀਕ ਨਹੀਂ ਹੈ, ਜਿਸ ਨਾਲ 4.2 ਲੱਖ ਖਾਤਿਆਂ ਤੋਂ ਬਲੂ ਟਿੱਕ ਨੂੰ ਇੱਕੋ ਸਮੇਂ ਹਟਾਇਆ ਜਾ ਸਕੇ।