ਉਮੇਸ਼ ਪਾਲ ਕਤਲ ਕਾਂਡ ਵਿੱਚ ਲੋੜੀਂਦੇ ਗੈਂਗਸਟਰ ਅਸਦ ਤੇ ਗੁਲਾਮ ਮੁਹੰਮਦ ਦਾ ਯੂਪੀ ਪੁਲਸ ਨੇ ਕੀਤਾ ਇਨਕਾਉਂਟਰ

ਉਮੇਸ਼ ਪਾਲ ਕਤਲ ਕਾਂਡ ਵਿੱਚ ਲੋੜੀਂਦੇ ਗੈਂਗਸਟਰ ਅਸਦ ਅਤੇ ਸ਼ੂਟਰ ਗੁਲਾਮ ਮੁਹੰਮਦ ਨੂੰ ਯੂਪੀ ਪੁਲਿਸ ਨੇ ਮਾਰ ਦਿੱਤਾ ਸੀ। STF ਨੇ ਝਾਂਸੀ ‘ਚ ਕੀਤਾ ਐਨਕਾਊਂਟਰ। ਦੋਵਾਂ ‘ਤੇ ਪੰਜ-ਪੰਜ ਲੱਖ ਰੁਪਏ ਦਾ ਇਨਾਮ ਸੀ। ਪੁਲਿਸ ਮੁਤਾਬਕ ਉਨ੍ਹਾਂ ਕੋਲ ਵਿਦੇਸ਼ੀ ਹਥਿਆਰ ਵੀ ਮਿਲੇ ਹਨ।ਉਮੇਸ਼ ਪਾਲ ਦੀ 24 ਫਰਵਰੀ ਨੂੰ ਹੱਤਿਆ ਕਰਨ ਤੋਂ ਬਾਅਦ ਹੀ ਉਹ ਫਰਾਰ ਹੋ ਗਏ ਸਨ। STF ਲਗਾਤਾਰ ਉਨ੍ਹਾਂ ਨੂੰ ਟਰੇਸ ਕਰ ਰਹੀ ਸੀ ਅਤੇ ਝਾਂਸੀ ‘ਚ ਉਨ੍ਹਾਂ ਦੀ ਲੋਕੇਸ਼ਨ ਮਿਲਣ ਤੋਂ ਬਾਅਦ ਪੁਲਸ ਨੇ ਉਨ੍ਹਾਂ ਨੂੰ ਮਾਰ ਦਿੱਤਾ।ਮੁੱਠਭੇੜ ਦੀ ਖਬਰ ਉਸ ਸਮੇਂ ਸਾਹਮਣੇ ਆਈ ਜਦੋਂ ਪ੍ਰਯਾਗਰਾਜ ਦੀ ਅਦਾਲਤ ‘ਚ ਅਤੀਕ ਅਹਿਮਦ ਦੇ ਰਿਮਾਂਡ ‘ਤੇ ਸੁਣਵਾਈ ਚੱਲ ਰਹੀ ਸੀ। ਅਤੀਕ ਅਹਿਮਦ ਨੂੰ ਮੰਗਲਵਾਰ ਨੂੰ ਸਾਬਰਮਤੀ ਜੇਲ੍ਹ ਤੋਂ ਪ੍ਰਯਾਗਰਾਜ ਦੀ ਅਦਾਲਤ ਵਿੱਚ ਲਿਆਂਦਾ ਗਿਆ। ਉਸ ਦੇ ਭਰਾ ਅਸ਼ਰਫ਼ ਨੂੰ ਵੀ ਅਦਾਲਤ ਵਿੱਚ ਪੇਸ਼ ਕੀਤਾ ਗਿਆ। ਉਮੇਸ਼ ਪਾਲ ਕਤਲ ਕੇਸ ਵਿੱਚ ਪੁਲੀਸ ਨੇ ਦੋਵਾਂ ਤੋਂ ਪੁੱਛਗਿੱਛ ਕਰਨੀ ਹੈ। ਉਸ ਕੋਲ 200 ਸਵਾਲਾਂ ਦੀ ਸੂਚੀ ਹੈ।