ਇਟਲੀ ‘ਚ ਸਿੱਖ ਸੇਵਾਦਾਰਾਂ ਦਾ ਕਤਲ ਕਰਨ ਵਾਲਾ ਨੌਜਵਾਨ ਬਰਮਿੰਘਮ ਤੋਂ ਗ੍ਰਿਫ਼ਤਾਰ
ਇਹ ਨੌਜਵਾਨ ਘਟਨਾ ਦੇ ਤੁਰਤ ਬਾਅਦ ਇਟਲੀ ਛੱਡ ਪਹਿਲਾਂ ਫ਼ਰਾਂਸ ਅਤੇ ਬਾਅਦ ਵਿਚ ਯੂ.ਕੇ ਫ਼ਰਾਰ ਹੋ ਗਿਆ ਸੀ
17 ਅਪ੍ਰੈਲ ਨੂੰ ਇਟਲੀ ਦੇ ਜ਼ਿਲ੍ਹਾ ਬੈਰਗਮੋ ਦੇ ਗੁਰਦੁਆਰਾ ਮਾਤਾ ਸਾਹਿਬ ਕੌਰ ਕੋਵੋ ਵਿਖੇ ਖ਼ਾਲਸਾ ਸਾਜਨਾ ਦਿਵਸ ਨੂੰ ਸਮਰਪਿਤ ਸਜਾਏ ਜਾ ਰਹੇ ਨਗਰ ਕੀਰਤਨ ਦੀਆਂ ਤਿਆਰੀਆਂ ਕਰ ਰਹੇ ਸਿੱਖ ਸੇਵਾਦਾਰਾਂ ਨੂੰ ਗੋਲੀਆਂ ਮਾਰ ਕੇ ਕਤਲ ਕਰ ਦਿਤਾ ਸੀ।ਬੀਤੇ ਦਿਨ ਉਸ ਡਬਲ ਕਤਲ ਕਾਂਡ ਦੇ ਕਥਿਤ ਦੋਸ਼ੀ 29 ਸਾਲਾਂ ਭਾਰਤੀ ਨੌਜਵਾਨ ਐਸ.ਜੇ. ਨੂੰ ਇੰਗਲੈਂਡ ਦੇ ਬਰਮਿੰਘਮ ਤੋਂ ਪੁਲਿਸ ਨੇ ਗ੍ਰਿਫ਼ਤਾਰ ਕਰ ਲਿਆ। ਇਟਾਲੀਅਨ ਮੀਡੀਏ ਵਿਚ ਛਪੀ ਖ਼ਬਰ ਅਨੁਸਾਰ 29 ਸਾਲਾਂ ਇਹ ਨੌਜਵਾਨ ਘਟਨਾ ਦੇ ਤੁਰਤ ਬਾਅਦ ਇਟਲੀ ਛੱਡ ਪਹਿਲਾਂ ਫ਼ਰਾਂਸ ਅਤੇ ਬਾਅਦ ਵਿਚ ਯੂ.ਕੇ ਫ਼ਰਾਰ ਹੋ ਗਿਆ ਸੀ।22 ਜੁਲਾਈ ਨੂੰ ਇਟਾਲੀਆਂ ਜਾਂਚ ਏਜੰਸੀਆਂ ਅਤੇ ਇੰਗਲੈਂਡ ਦੀ ਪੁਲਿਸ ਦੇ ਸਾਂਝੇ ਯਤਨਾਂ ਸਦਕਾ ਇੰਗਲੈਂਡ ਦੇ ਬਰਮਿੰਘਮ ਤੋਂ ਗ੍ਰਿਫ਼ਤਾਰ ਕਰ ਲਿਆ ਗਿਆ ਹੈ ਜੋ ਕਿ ਫ਼ਿਲਹਾਲ ਹਾਲੇ ਇੰਗਲੈਂਡ ਦੀ ਪੁਲਿਸ ਦੀ ਹਿਰਾਸਤ ਵਿਚ ਹੈ।
Post Disclaimer
Opinion/facts in this article are author\'s own and punjabi.newsd5.in does not assume any responsibility or liability for the same.If You Have Problem With This Article Plz Contact Our Team At Contact Us Page.
