‘ਆਪ’ ਨੂੰ 5 ਸਾਲ ਦੇ ਦਿਓ, ਹਿਮਾਚਲ ਦੇ ਸਕੂਲਾਂ ਦੀ ਤਸਵੀਰ ਬਦਲ ਦਿਆਂਗੇ’

ਸ਼ਿਮਲਾ : ਪੰਜਾਬ ਤੋਂ ਬਾਅਦ ਹੁਣ ਆਮ ਆਦਮੀ ਪਾਰਟੀ ਹਿਮਾਚਲ ‘ਚ ਜ਼ਮੀਨ ਤਲਾਸ਼ਣ ਲੱਗੀ ਹੈ। ਹਿਮਾਚਲ ‘ਚ ਸਿਹਤ, ਸਿੱਖਿਆ, ਬੇਰੁਜ਼ਗਾਰੀ ਨੂੰ ਮੁੱਖ ਮੁੱਦਾ ਬਣਾਕੇ ਆਮ ਆਦਮੀ ਪਾਰਟੀ ਲੋਕਾਂ ਦੇ ਵਿੱਚ ਜਾ ਰਹੀ ਹੈ। ਆਮ ਆਦਮੀ ਪਾਰਟੀ ਦੇ ਕੌਮੀ ਕਨਵੀਨਰ ਅਤੇ ਦਿੱਲੀ ਦੇ ਮੁੱਖ ਮੰਤਰੀ ਅਰਵਿੰਦ ਕੇਜਰੀਵਾਲ ਮੰਡੀ ਅਤੇ ਕਾਂਗੜਾ ‘ਚ ਜਿੱਥੇ ਰੈਲੀਆਂ ਕਰ ਚੁੱਕੇ ਹਨ ਉਥੇ ਹੀ ਹੁਣ ਦਿੱਲੀ ਦੇ ਉਪ ਮੁੱਖ ਮੰਤਰੀ ਮਨੀਸ਼ ਸਿਸੋਦੀਆ ਵੀ ਸ਼ਿਮਲਾ ਪੁੱਜੇ। ਉਨ੍ਹਾਂ ਨੇ ਸ਼ਿਮਲਾ ਵਿਖੇ ਜਨਤਾ ਨਾਲ ਸਿੱਖਿਆ ਦੇ ਮੁੱਦੇ ’ਤੇ ਸੰਵਾਦ ਕੀਤਾ।

SKM Protest : Chandigarh ‘ਚ ਬਣਿਆ Delhi ਵਾਲਾ ਮਾਹੌਲ, ਕਿਸਾਨਾਂ ਨੇ ਗੱਡਲੇ ਪੱਕੇ ਤੰਬੂ! | D5 Channel Punjabi

ਇਸ ਸੰਵਾਦ ’ਚ ਅਧਿਆਪਕ ਅਤੇ ਬੱਚਿਆਂ ਦੇ ਮਾਪੇ ਸ਼ਾਮਲ ਹੋਏ। ਇਸ ਦੌਰਾਨ ਉਨ੍ਹਾਂ ਨੇ ਮਾਪਿਆਂ ਦੀਆਂ ਤਕਲੀਫ਼ਾ ਸੁਣੀਆਂ। ਇਸ ਮੌਕੇ ਸੰਬੋਧਿਤ ਕਰਦੇ ਹੋਏ ਉਨ੍ਹਾਂ ਕਿਹਾ ਕਿ ਇਸ ਦੇਸ਼ ’ਚ ਚੋਣਾਂ ਤੋਂ ਪਹਿਲਾਂ ਸਿੱਖਿਆ ’ਤੇ ਚਰਚਾ ਹੋਣੀ ਚਾਹੀਦੀ ਹੈ, ਉਹ ਅੱਜ ਹੋ ਰਹੀ ਹੈ। ਉਨ੍ਹਾਂ ਕਿਹਾ ਕਿ ਆਉਣ ਵਾਲੇ ਸਮੇਂ ’ਚ ਇਸ ਬੈਠਕ ਨੂੰ ਦੇਸ਼ ਦੇ ਇਤਿਹਾਸ ’ਚ ਯਾਦ ਕੀਤਾ ਜਾਵੇਗਾ। ਜਨਤਾ ਬਹੁਤ ਸੰਜੀਦਗੀ ਨਾਲ ਸਿੱਖਿਆ ’ਤੇ ਗੱਲ ਕਰ ਰਹੀ ਹੈ, ਇਹ ਵੱਡਾ ਬਦਲਾਅ ਹੈ। ਇਹ ਹਿਮਾਚਲ ਹੀ ਨਹੀਂ ਸਗੋਂ ਦੇਸ਼ ਦੇ ਇਤਿਹਾਸ ’ਚ ਪਹਿਲੀ ਵਾਰ ਹੋ ਰਿਹਾ ਹੋਵੇਗਾ। ਇਸ ਦੇ ਨਾਲ ਹੀ ਉਨ੍ਹਾਂ ਨੇ ਹਿਮਾਚਲ ਦੀ ਜਨਤਾ ਨੂੰ ਕਿਹਾ ਕਿ ਤੁਸੀਂ ਆਮ ਆਦਮੀ ਪਾਰਟੀ (ਆਪ) ਨੂੰ 5 ਸਾਲ ਦੇ ਦਿਓ, ਅਗਲੇ 5 ਸਾਲ ਮੰਗਣ ਨਹੀਂ ਆਵਾਂਗੇ, ਹਿਮਾਚਲ ਦੇ ਸਕੂਲਾਂ ਦੀ ਤਸਵੀਰ ਬਦਲ ਦਿਆਂਗੇ।

Mohali Protest : ਹੋ ਗਿਆ ਉਹੀ ਕੰਮ, ਜਿਸਦਾ ਸੀ ਡਰ, ਕਿਸਾਨਾਂ ਨੇ ਚੱਕਤਾ ਕੰਮ, ਸਿੱਧੇ ਟਾਕਰੇ | D5 Channel Punjabi

ਸਿਸੋਦੀਆ ਨੇ ਅਧਿਆਪਕਾਂ ਅਤੇ ਮਾਪਿਆਂ ਨੂੰ ਕਿਹਾ ਕਿ ਤੁਸੀਂ ਸਿੱਖਿਆ ਦੇ ਮੁੱਦੇ ਨੂੰ ਸੰਜੀਦਗੀ ਨਾਲ ਚੁੱਕਿਆ, ਜਿਸ ਤੋਂ ਸਿਆਸੀ ਪਾਰਟੀਆਂ ਦੌੜਦੀਆਂ ਰਹੀਆਂ ਹਨ। ਭਾਜਪਾ ਨੇ ਹਿਮਾਚਲ ’ਚ ਸਿੱਖਿਆ ਦਾ ਬੇੜਾ ਗਰਕ ਕਰ ਕੇ ਰੱਖਿਆ ਹੈ। ਭਾਜਪਾ ਵਾਲਿਆਂ ਨੇ ਇਹ ਕੰਮ ਪੂਰੇ ਦੇਸ਼ ’ਚ ਕਰ ਰੱਖਿਆ ਹੈ। ਤੁਸੀਂ ਲੋਕ ਸਿੱਖਿਆ ਨੂੰ ਮੁੱਦਾ ਬਣਾ ਰਹੇ ਹੋ, ਇਹ ਖੁਸ਼ੀ ਦੀ ਗੱਲ ਹੈ। ਮੈਂ ਇਹ ਕਹਿਣਾ ਚਾਹਾਂਗਾ ਕਿ ਤੁਸੀਂ ਇਸ ਬਾਰੇ ਗੱਲ ਤਾਂ ਕੀਤੀ। ਹਿਮਾਚਲ ਨਾਲ ਭਾਜਪਾ ਪਾਰਟੀ ਕੀ ਕਰ ਰਹੀ ਹੈ, ਇਹ ਮੈਂ ਨਹੀਂ ਬਲਕਿ ਤੁਸੀਂ ਲੋਕਾਂ ਨੇ ਮੈਨੂੰ ਦੱਸਿਆ। ਇਕ ਪਾਸੇ ਭਾਜਪਾ ਅਤੇ ਕਾਂਗਰਸ ਹੈ, ਇਨ੍ਹਾਂ ਨੇ ਪਿਛਲੇ 40-50 ਸਾਲਾਂ ’ਚ ਜੋ ਕੀਤਾ, ਉਹ ਤੁਸੀਂ ਬਿਆਨ ਕੀਤਾ।