ਅਰਵਿੰਦਰ ਕੇਜਰੀਵਾਲ ਨੇ ਮੂੰਹ ਬੋਲੀ ਭੈਣ ਤਾਂ ਬਣਾ ਲਿਆ ਪਰ ਰਿਸ਼ਤਾ ਸੰਭਾਲ ਨਹੀਂ ਸਕਿਆ – ਸਿੱਪੀ ਸ਼ਰਮਾ

ਸੰਗਰੂਰ – ਲੋਕ ਸਭਾ ਚੋਣਾਂ 2024 ਵਿੱਚ ਆਪਣੀ ਕਿਸਮਤ ਅਜ਼ਮਾ ਰਹੇ ਸਾਬਕਾ ਡੀ.ਐਸ.ਪੀ ਅਤੇ ਸੰਗਰੂਰ ਤੋਂ ਆਜ਼ਾਦ ਉਮੀਦਵਾਰ ਲੋਕ ਸਭਾ ਹਲਕਾ ਸੰਗਰੂਰ ਸ. ਬਲਵਿੰਦਰ ਸਿੰਘ ਸੇਖੋਂ ਦੇ ਦਫਤਰ ਦਾ ਉਦਘਾਟਨ ਅੱਜ ਸਿੱਪੀ ਸ਼ਰਮਾ ਜੋ ਕਿ ਅਰਵਿੰਦਰ ਕੇਜਰੀਵਾਲ ਦੀ ਮੂੰਹਬੋਲੀ ਭੈਣ ਹੈ ਆਪ ਦਾ ਪੱਲਾ ਛੱਡ ਕੇ ਆਜ਼ਾਦ ਉਮੀਦਵਾਰ ਦੀ ਟੀਮ ਵਿੱਚ ਸ਼ਾਮਲ ਵੀ ਹੋਏ ਅਤੇ ਭੈਣ ਦਾ ਭਰਾ ਦੇ ਪ੍ਰਤੀ ਫਰਜ਼ ਨਿਭਾਉਂਦਿਆਂ ਉਨ੍ਹਾਂ ਦੇ ਦਫ਼ਤਰ ਦਾ ਉਦਘਾਟਨ ਵੀ ਕੀਤਾ। ਉਦਘਾਟਨ ਕਰਨ ਤੋਂ ਬਾਅਦ ਸਿੱਪੀ ਸ਼ਰਮਾ ਨੇ ਬੜੇ ਵੀ ਭਾਵੁਕ ਤਰੀਕੇ ਨਾਲ ਆਪਣੀ ਹੱਢਬੀਤੀ ਬਿਆਨ ਕਰਦਿਆਂ ਕਿਹਾ ਕਿ ਆਮ ਆਦਮੀ ਪਾਰਟੀ ਲਈ ਉਨ੍ਹਾਂ ਨੇ ਦਿਨ-ਰਾਤ ਇੱਕ ਕਰ ਦਿੱਤਾ ਸੀ ਅਤੇ ਉਨ੍ਹਾਂ ਦੀ ਕਾਰਗੁਜਾਰੀ ਤੋਂ ਖੁਸ਼ ਕੇ ਅਰਵਿੰਦਰ ਕੇਜਰੀਵਾਲ ਨੇ ਸਿੱਪੀ ਸ਼ਰਮਾ ਨੂੰ ਆਪਣੀ ਮੂੰਹਬੋਲੀ ਭੈਣ ਦਾ ਦਰਜ਼ਾ ਵੀ ਦਿੱਤਾ ਸੀ ਪਰ ਜਿਉਂ ਹੀ ਸੱਤਾ ਵਿੱਚ ਪੰਜਾਬ ਦੀ ਆਮ ਆਦਮੀ ਪਾਰਟੀ ਦੀ ਸਰਕਾਰ ਆਈ ਉਹ ਤਾਂ ਆਮ ਵਿਅਕਤੀਆਂ ਨਾਲ ਬਣਾਏ ਹੋਏ ਰਿਸ਼ਤੇ ਹੀ ਭੁੱਲ ਗਏ, ਇਥੋਂ ਤੱਕ ਕਿ ਉਨ੍ਹਾਂ ਨੇ ਕੰਮ-ਕਾਜ ਜੋ ਕਿ ਉਨ੍ਹਾਂ ਨੇ ਸਮਾਜ ਸੇਵਾ ਦੇ ਤੌਰ ਤੇ ਲੋਕਾਂ ਦੇ ਕਰਵਾਉਣੇ ਹੁੰਦੇ ਸਨ ਉਹ ਵੀ ਕਰਵਾਉਣਾ ਬੰਦ ਕਰ ਦਿੱਤੇ ਜਿਸ ਤੋਂ ਖਫ਼ਾ ਹੋ ਕੇ ਸਿੱਪੀ ਸ਼ਰਮਾ ਨੇ ਇਕ ਨੇਕ ਅਤੇ ਇਮਾਨਦਾਰ ਅਤੇ ਜਾਬਾਂਜ਼ ਸਿਪਾਹੀ ਬਲਵਿੰਦਰ ਸਿੰਘ ਸੇਖੋਂ ਸਾਬਕਾ ਡੀ.ਐਸ.ਪੀ ਅਤੇ ਆਜ਼ਾਦ ਉਮੀਦਵਾਰ ਲੋਕ ਸਭਾ ਸੰਗਰੂਰ ਦਾ ਪੱਲਾ ਫੜਿਆ। ਸਿੱਪੀ ਸ਼ਰਮਾ ਨੇ ਦੱਸਿਆ ਕਿ ਉਨ੍ਹਾਂ ਨੇ ਜਦੋਂ ਇਸ ਸਬੰਧੀ ਸਾਰੀ ਗੱਲਬਾਤ ਬਲਵਿੰਦਰ ਸਿੰਘ ਸੇਖੋਂ ਆਜ਼ਾਦ ਉਮੀਦਵਾਰ ਨੂੰ ਦੱਸੀ ਤਾਂ ਉਹ ਵੀ ਇਹ ਗੱਲ ਸੁਣ ਕੇ ਭਾਵੁਕ ਹੋ ਗਏ। ਇਸ ਦੌਰਾਨ ਬਲਵਿੰਦਰ ਸਿੰਘ ਸੇਖੋਂ ਨੇ ਸਿੱਪੀ ਸ਼ਰਮਾ ਨੂੰ ਕਿਹਾ ਰਿਸ਼ਤਾ ਬਣਾਉਣਾ ਬੜਾ ਆਸਾਨ ਹੁੰਦੈ ਪਰ ਨਿਭਾਉਣਾ ਬਹੁਤ ਔਖਾ। ਉਨ੍ਹਾਂ ਕਿਹਾ ਕਿ ਮੈਂ ਬੇਸ਼ੱਕ ਜਿੰਨੀਆਂ ਮਰਜ਼ੀ ਬੁਲੰਦੀਆਂ ਨੂੰ ਛੂਹ ਲਵਾਂ ਪਰ ਸਿੱਪੀ ਸ਼ਰਮਾ ਅਤੇ ਬਲਵਿੰਦਰ ਸਿੰਘ ਸੇਖੋਂ ਵਿਚਕਾਰ ਜੋ ਅੱਜ ਤੋਂ ਭੈਣ-ਭਰਾ ਦਾ ਰਿਸ਼ਤਾ ਬਣ ਗਿਆ ਹੈ ਉਹ ਹਮੇਸ਼ਾ ਜਿਉਂਦਾ ਰਹੇਗਾ। ਉਨ੍ਹਾਂ ਕਿਹਾ ਕਿ ਧਰਮ ਦੀ ਭੈਣ ਬਣ ਕੇ ਮੇਰੇ ਨਾਲ ਆਈ ਹੈ ਤਾਂ ਮੇਰੇ ਦਫਤਰ ਦਾ ਉਦਘਾਟਨ ਵੀ ਮੇਰੀ ਭੈਣ ਹੀ ਕਰੇਗੀ, ਜਿਸ ਤੋਂ ਸਿੱਪੀ ਸ਼ਰਮਾ ਉਤਸਾਹਿਤ ਹੋਏ ਅਤੇ ਅੱਜ ਸੰਗਰੂਰ ਵਿਖੇ ਹਲਕਾ ਲੋਕ ਸਭਾ ਸੰਗਰੂਰ ਬਲਵਿੰਦਰ ਸਿੰਘ ਸੇਖੋਂ ਦੇ ਚੋਣਾਵੀਂ ਦਫਤਰ ਦਾ ਉਦਘਾਟਨ ਉਨ੍ਹਾਂ ਦੀ ਭੈਣ ਸਿੱਪੀ ਸ਼ਰਮਾ ਨੇ ਆਪਣੇ ਕਰ ਕਮਲਾਂ ਨਾਲ ਕੀਤਾ। ਇਸ ਮੌਕੇ।  ਇਸ ਮੌਕੇ ਕਿਸਾਨ ਆਗੂ ਕੁਲਦੀਪ ਜੋਸ਼ੀ ਦੁੱਗਾ, ਓਮ ਪ੍ਰਕਾਸ਼ ਗਰਗ, ਅਵਤਾਰ ਈਲਵਾਲ, ਰੌਮੀ ਸਿੱਧੂ ਸ਼ੇਰੋਂ, ਸੁਰਿੰਦਰ ਗੋਇਲ ਚੀਮਾ, ਰਾਜ ਕੁਮਾਰ ਸ਼ਰਮਾ, ਸਤਿੰਦਰ ਸੈਣੀ, ਭਰਤ ਭੂਸ਼ਣ ਸੰਗਰੂਰ  ਅਤੇ ਹੋਰ ਪਾਰਟੀ ਵਰਕਰ ਅਤੇ ਟੀਮ ਮੈਂਬਰ ਮੌਜੂਦ ਸਨ।