ਅਭਿਨੰਦਨ ਨੂੰ ਲੈਣ ਜਾ ਰਹੇ ਮਾਤਾ – ਪਿਤਾ ਦਾ ਜ਼ੋਰਦਾਰ ਸਵਾਗਤ, ਤਾੜੀਆਂ ਨਾਲ ਗੂੰਜ ਉੱਠਿਆਂ ਜਹਾਜ਼( Video )
ਭਾਰਤੀ ਹਵਾਈ ਫੌਜ ਦੇ ਵਿੰਗ ਕਮਾਂਡਰ ਅਭਿਨੰਦਨ ਅੱਜ ਵਤਨ ਪਰਤ ਰਹੇ ਹਨ। ਜਿੱਥੇ ਪੂਰਾ ਦੇਸ਼ ਅਭਿਨੰਦਨਦਾ ਇੰਤਜਾਰ ਕਰ ਰਿਹਾ ਹੈ ਤਾਂ ਉਥੇ ਹੀ ਵਿੰਗ ਕਮਾਂਡਰ ਨੂੰ ਲੈਣ ਜਾ ਰਹੇ ਮਾਤਾ ਪਿਤਾ ਦਾ ਵੀ ਲੋਕਾਂ ਨੇ ਜੋਰਦਾਰ ਸਵਾਗਤ ਕੀਤਾ। ਚੇਨਈ ਤੋਂ ਦਿੱਲੀ ਏਅਰਪੋਰਟ ਪਹੁੰਚਣ ਤੇ ਲੋਕਾਂ ਨੇ ਉਨ੍ਹਾਂ ਦੇ ਸਵਾਗਤ ਵਿੱਚ ਖੜ੍ਹੇ ਹੋ ਕੇ ਤਾੜੀਆਂ ਮਾਰੀਆਂ।
Read Also ਅੱਜ ਵਤਨ ਵਾਪਸੀ ਕਰਨਗੇ ਅਭਿਨੰਦਨ, ਵਾਹਗਾ ਬਾਰਡਰ ‘ਤੇ ਸਵਾਗਤ ਲਈ ਲੋਕ ਤਿਆਰ
ਦਰਅਸਲ, ਅਭਿਨੰਦਨ ਦੇ ਪਿਤਾ ਏਅਰ ਮਾਰਸ਼ਲ ਐਸ. ਵਰਤਮਾਨ ਤੇ ਮਾਤਾ ਸ਼ੋਭਾ ਵਰਤਮਾਨ ਨੇ ਅੰਮ੍ਰਿਤਸਰ ਪਹੁੰਚਣ ਲਈ ਚੇਨਈ ਤੋਂ ਦਿੱਲੀ ਤਕ ਇੰਡੀਗੋ ਦੀ ਫਲਾਈਟ ਹਾਸਲ ਕੀਤੀ। ਦਿੱਲੀ ਪਹੁੰਚਣ ‘ਤੇ ਉਨ੍ਹਾਂ ਨੂੰ ਸੰਦੇਸ਼ ਮਿਲਿਆ ਕਿ ਉਹ ਹਵਾਈ ਫ਼ੌਜ ਦੇ ਅਧਿਕਾਰੀਆਂ ਨਾਲ ਜਾਣ ਲਈ ਜਹਾਜ਼ ਤੋਂ ਹੇਠਾਂ ਆ ਜਾਣ।
https://twitter.com/AruNSaSHa/status/1101342190112915456
ਇਸ ਨਾਲ ਜਹਾਜ਼ ਵਿੱਚ ਬੈਠੇ ਲੋਕਾਂ ਨੂੰ ਵੀ ਪਤਾ ਲੱਗ ਗਿਆ ਕਿ ਉਹ ਬਹਾਦੁਰ ਅਭਿਨੰਦਨ ਦੇ ਮਾਪੇ ਹਨ। ਮੁਸਾਫਰਾਂ ਨੇ ਦੋਵਾਂ ਜਣਿਆਂ ਲਈ ਰਾਹ ਛੱਡਦਿਆਂ ਖੜ੍ਹੇ ਹੋ ਕੇ ਤਾੜੀਆਂ ਮਾਰ ਕੇ ਉਨ੍ਹਾਂ ਦਾ ਸਨਮਾਣ ਕੀਤਾ। ਇਸ ਮੌਕੇ ਅਭਿਨੰਦਨ ਦੇ ਮਾਪੇ ਵੀ ਲੋਕਾਂ ਦਾ ਪਿਆਰ ਪਾ ਕੇ ਭਾਵੁਕ ਹੋ ਗਏ। ਜ਼ਿਕਰਯੋਗ ਹੈ ਕਿ ਵਿੰਗ ਕਮਾਂਡਰ ਅਭਿਨੰਦਨ ਵਰਤਮਾਨ ਨੇ ਬੀਤੀ 26 ਫਰਵਰੀ ਨੂੰ ਭਾਰਤੀ ਹਵਾਈ ਖੇਤਰ ‘ਚ ਦਾਖ਼ਲ ਹੋਏ ਪਾਕਿ ਜਹਾਜ਼ਾਂ ਦਾ ਪਿੱਛਾ ਕੀਤਾ ਤੇ ਉਨ੍ਹਾਂ ਦੇ ਐਫ-16 ਜਹਾਜ਼ ਨੂੰ ਤਬਾਹ ਵੀ ਕੀਤਾ। ਇਸ ਦੌਰਾਨ ਅਭਿਨੰਦਨ ਦਾ ਮਿੱਗ-21 ਵੀ ਹਾਦਸਾਗ੍ਰਸਤ ਹੋ ਗਿਆ ਤੇ ਪਾਕਿਸਤਾਨ ਦੇ ਕਬਜ਼ੇ ਹੇਠਲੇ ਕਸ਼ਮੀਰ ਵਿੱਚ ਜਾ ਡਿੱਗਾ। ਉਦੋਂ ਤੋਂ ਅਭਿਨੰਦਰ ਪਾਕਿਸਤਾਨ ਦੀ ਹਿਰਾਸਤ ਵਿੱਚ ਹੈ। ਸੋਸ਼ਲ ਮੀਡੀਆ ‘ਤੇ ਉਸ ਦੀ ਹਮਾਇਤ ਵਿੱਚ ਵੱਡੇ ਪੱਧਰ ‘ਤੇ ਮੁਹਿੰਮ ਜਾਰੀ ਹੈ ਤੇ ਅੱਜ ਉਹ ਭਾਰਤ ਵਾਪਸ ਆ ਰਿਹਾ ਹੈ।
Post Disclaimer
Opinion/facts in this article are author\'s own and punjabi.newsd5.in does not assume any responsibility or liability for the same.If You Have Problem With This Article Plz Contact Our Team At Contact Us Page.
