ਜਾਰੀ ਸਰਕਾਰੀ ਅੰਕੜਿਆਂ ਅਨੁਸਾਰ, ਘਰੇਲੂ ਗਤੀਵਿਧੀਆਂ ਅਤੇ ਦਰਾਮਦਾਂ ਤੋਂ ਹੋਈ ਮਜ਼ਬੂਤ ਕਮਾਈ ਦੇ ਚਲਦਿਆਂ, ਅਕਤੂਬਰ ਮਹੀਨੇ ਵਿਚ ਕੁੱਲ ਜੀ.ਐਸ.ਟੀ. ਉਗਰਾਹੀ 23 ਫੀਸਦੀ ਵਧ ਕੇ 2.31 ਲੱਖ ਕਰੋੜ ਰੁਪਏ ਤੋਂ ਵੱਧ ਹੋ ਗਈ ਹੈ। ਘਰੇਲੂ ਵਿਕਰੀ ਤੋਂ ਪ੍ਰਾਪਤ ਕੁੱਲ ਜੀ.ਐਸ.ਟੀ. ਉਗਰਾਹੀ 16 ਫੀਸਦੀ ਵਧ ਕੇ 1.59 ਲੱਖ ਕਰੋੜ ਰੁਪਏ ਤੋਂ ਪਾਰ ਪਹੁੰਚ ਗਈ, ਜਦਕਿ ਦਰਾਮਦਾਂ ਤੋਂ ਪ੍ਰਾਪਤ ਮਾਲੀਆ 42 ਫੀਸਦੀ ਵਧ ਕੇ 72,246 ਕਰੋੜ ਰੁਪਏ ਹੋ ਗਿਆ। ਅੰਕੜਿਆਂ ਮੁਤਾਬਕ, 2.31 ਲੱਖ ਕਰੋੜ ਰੁਪਏ ਦੀ ਇਸ ਉਗਰਾਹੀ ਵਿਚ ਕੇਂਦਰੀ ਜੀ.ਐਸ.ਟੀ. ਵਜੋਂ 42,935 ਕਰੋੜ ਰੁਪਏ, ਸੂਬਾ ਜੀ.ਐਸ.ਟੀ. ਵਜੋਂ 51,340 ਕਰੋੜ ਰੁਪਏ ਅਤੇ ਏਕੀਕ੍ਰਿਤ ਜੀ.ਐਸ.ਟੀ. ਵਜੋਂ 1.37 ਲੱਖ ਕਰੋੜ ਰੁਪਏ ਤੋਂ ਵੱਧ ਦੀ ਰਕਮ ਸ਼ਾਮਲ ਹੈ।
ਅਕਤੂਬਰ ਵਿਚ ਵਸਤੂ ਅਤੇ ਸੇਵਾ ਕਰ ਦੇ ਰਿਫੰਡ (ਵਾਪਸੀ) ਪਿਛਲੇ ਸਾਲ ਦੇ ਮੁਕਾਬਲੇ 6.5 ਫੀਸਦੀ ਵਧ ਕੇ 27,934 ਕਰੋੜ ਰੁਪਏ ਹੋ ਗਏ। ਰਿਫੰਡਾਂ ਨੂੰ ਘਟਾਉਣ ਤੋਂ ਬਾਅਦ, ਅਕਤੂਬਰ ਵਿਚ ਸ਼ੁੱਧ ਜੀ.ਐਸ.ਟੀ. ਉਗਰਾਹੀ 26 ਫੀਸਦੀ ਵਧ ਕੇ 2.03 ਲੱਖ ਕਰੋੜ ਰੁਪਏ ਤੋਂ ਪਾਰ ਪਹੁੰਚ ਗਈ। ਅਪ੍ਰੈਲ ਤੋਂ ਅਕਤੂਬਰ ਦੌਰਾਨ, ਕੁੱਲ ਜੀ.ਐਸ.ਟੀ. ਉਗਰਾਹੀ 13.2 ਫੀਸਦੀ ਵਧ ਕੇ 14.77 ਲੱਖ ਕਰੋੜ ਰੁਪਏ ਤੋਂ ਵੱਧ ਹੋ ਗਈ। ਇਸੇ ਤਰ੍ਹਾਂ, ਸ਼ੁੱਧ ਉਗਰਾਹੀ 13 ਫੀਸਦੀ ਵਧ ਕੇ 12.69 ਲੱਖ ਕਰੋੜ ਰੁਪਏ ਤੋਂ ਪਾਰ ਪਹੁੰਚ ਗਈ।
Post Disclaimer
Opinion/facts in this article are author\'s own and punjabi.newsd5.in does not assume any responsibility or liability for the same.If You Have Problem With This Article Plz Contact Our Team At Contact Us Page.
