ਹਿਮਾਚਲ ਪ੍ਰਦੇਸ਼ ਦੇ ਸਿ਼ਮਲਾ ਸਥਿਤ ਇੰਦਰਾ ਗਾਂਧੀ ਮੈਡੀਕਲ ਕਾਲਜ ਅਤੇ ਹਸਪਤਾਲ) `ਚ ਡਾਕਟਰ ਨੇ ਮਰੀਜ਼ ਦੀ ਕੁੱਟਮਾਰ ਕਰ ਦਿੱਤੀ ।ਪ੍ਰਾਪਤ ਜਾਣਕਾਰੀ ਅਨੁਸਾਰ ਜਿਸ ਡਾਕਟਰ ਵਲੋਂ ਮਰੀਜ ਦੀ ਕੁੱਟਮਾਰ ਕੀਤੀ ਗਈ ਹੈ ਦਾ ਮੁੱਖ ਕਾਰਨ ਖਾਲੀ ਬੈਂਡ `ਤੇ ਲੇਟਣ ਤੋਂ ਇਕਦਮ ਗੁੱਸੇ `ਚ ਆਉਣਾ ਹੈ ਅਤੇ ਗੁੱਸੇ ਵਿਚ ਆਏ ਡਾਕਟਰ ਨੇ ਆਪਣੇ ਸਾਥੀਆਂ ਦੀ ਮਦਦ ਨਾਲ ਮਰੀਜ ਨੂੰ ਜੰਮ ਕੇ ਥੱਪੜ ਮਾਰੇ । ਇਸ ਨਾਲ ਮਰੀਜ਼ ਦੇ ਵਾਰਸ ਵੀ ਭੜਕ ਗਏ । ਉਨ੍ਹਾਂ ਨੇ ਡਾਕਟਰ ਨੂੰ ਬਰਖਾਸਤ ਕਰਨ ਦੀ ਮੰਗ ਨੂੰ ਲੈ ਨਾਅਰੇਬਾਜ਼ੀ ਸ਼ੁਰੂ ਕਰ ਦਿੱਤੀ । ਇਸ ਦੌਰਾਨ ਹਸਪਤਾਲ ਦੇ ਅਧਿਕਾਰੀ ਅਤੇ ਪੁਲਸ ਮੌਕੇ `ਤੇ ਪਹੁੰਚੀ, ਜਿਸ ਤੋਂ ਬਾਅਦ ਮਾਮਲੇ ਨੂੰ ਸ਼ਾਂਤ ਕਰਨ ਦੀ ਕੋਸਿ਼ਸ਼ ਕੀਤੀ । ਹਾਲਾਂਕਿ ਵਾਰਸਾਂ ਦੇ ਸਖ਼ਤ ਵਿਰੋਧ ਕਾਰਨ ਲੱਗਭਗ 6 ਘੰਟੇ ਬਾਅਦ ਮੁਲਜ਼ਮ ਡਾਕਟਰ ਨੂੰ ਸਸਪੈਂਡ ਕਰ ਦਿੱਤਾ ਗਿਆ ।
ਮਰੀਜ਼ ਦੇ ਪਰਿਵਾਰਕ ਮੈਂਬਰ ਨਰੇਸ਼ ਦਾਸਤਾਂ ਨੇ ਦੱਸਿਆ ਕਿ ਕੁਪੁਈ ਦੇ ਰਹਿਣ ਵਾਲਾ ਅਰਜੁਨ ਪੰਵਾਰ ਇੱਥੇ ਇਲਾਜ ਲਈ ਆਇਆ ਸੀ । ਡਾਕਟਰਾਂ ਨੇ ਉਸ ਦੀ ਐਂਡੋਸਕੋਪੀ ਕੀਤੀ। ਲਗਭਗ 11 ਵਜੇ ਐਂਡੋਸਕੋਪੀ ਖਤਮ ਹੋਣ ਤੋਂ ਬਾਅਦ ਉਨ੍ਹਾਂ ਨੂੰ ਕਿਹਾ ਕਿ ਤੁਹਾਡੀ ਐਂਡੋਸਕੋਪੀ ਹੋ ਗਈ ਹੈ, ਤੁਸੀਂ ਦੂਜੀ ਵਾਰਡ `ਚ ਜਾ ਕੇ ਆਰਾਮ ਕਰ ਲਓ। ਮਰੀਜ਼ ਦਾ ਦੋਸ਼ ਹੈ ਕਿ ਇਸ ਤੋਂ ਬਾਅਦ ਡਾਕਟਰ ਨੇ ਉਸ ਦੇ ਨਾਲ ਬਦਤਮੀਜ਼ ਕੀਤੀ, ਉਥੇ ਹੀ ਹਸਪਤਾਲ ਦੇ ਐੱਮ. ਐੱਸ. ਡਾ. ਰਾਹੁਲ ਰਾਓ ਦਾ ਕਹਿਣਾ ਹੈ ਕਿ ਮੁਢਲੀ ਜਾਂਚ ਦਾ ਹੁਕਮ ਦੇ ਦਿੱਤਾ ਹੈ ਅਤੇ ਡਾਕਟਰ ਖਿਲਾਫ ਮਾਮਲਾ ਦਰਜ ਕਰ ਲਿਆ ਗਿਆ ਹੈ ।
Post Disclaimer
Opinion/facts in this article are author\'s own and punjabi.newsd5.in does not assume any responsibility or liability for the same.If You Have Problem With This Article Plz Contact Our Team At Contact Us Page.
