ਸਵਰਾ ਭਾਸਕਰ ਦੇ ਵਿਆਹ ‘ਤੇ ਗੁੱਸੇ ‘ਚ ਆਈ ਸਾਧਵੀ ਪ੍ਰਾਚੀ, ਕਿਹਾ- ਯਾਦ ਕਰੋ ਸ਼ਰਧਾ ਦੇ 35 ਟੁਕੜੇ! ਜਲਦ ਹੀ ਹੋਵੇਗਾ ਤਲਾਕ

ਬਾਲੀਵੁੱਡ ਦੀ ਮਸ਼ਹੂਰ ਅਦਾਕਾਰਾ ਸਵਰਾ ਭਾਸਕਰ ਨੇ ਹਾਲ ਹੀ ‘ਚ ਸਮਾਜਵਾਦੀ ਪਾਰਟੀ ਦੇ ਨੇਤਾ ਫਹਾਦ ਅਹਿਮਦ ਨਾਲ ਕੋਰਟ ਮੈਰਿਜ ਕੀਤੀ ਹੈ। ਪਰ ਫਹਾਦ ਨਾਲ ਵਿਆਹ ਕਰਨ ਤੋਂ ਤੁਰੰਤ ਬਾਅਦ ਹੀ ਅਭਿਨੇਤਰੀ ਟ੍ਰੋਲਸ ਦੇ ਨਿਸ਼ਾਨੇ ‘ਤੇ ਆ ਗਈ ਹੈ। ਦਰਅਸਲ, ਅਦਾਕਾਰਾ ਸਵਰਾ ਦੇ ਪਤੀ ਫਹਾਦ ਅਹਿਮਦ ਮੁਸਲਮਾਨ ਹਨ ਅਤੇ ਉਹ ਹਿੰਦੂ ਹਨ, ਉਨ੍ਹਾਂ ਨੇ ਅੰਤਰ-ਧਰਮ ਵਿਆਹ ਕੀਤਾ ਹੈ, ਜਿਸ ਕਾਰਨ ਯੂਜ਼ਰਸ ਉਨ੍ਹਾਂ ਨੂੰ ਟ੍ਰੋਲ ਕਰ ਰਹੇ ਹਨ। ਹਾਲ ਹੀ ‘ਚ ਸਾਧਵੀ ਪ੍ਰਾਚੀ ਨੇ ਵੀ ਉਨ੍ਹਾਂ ‘ਤੇ ਨਿਸ਼ਾਨਾ ਸਾਧਿਆ ਹੈ।ਵਿਸ਼ਵ ਹਿੰਦੂ ਪ੍ਰੀਸ਼ਦ ਦੀ ਨੇਤਾ ਸਾਧਵੀ ਪ੍ਰਾਚੀ ਨੇ ਸਵਰਾ ਭਾਸਕਰ ਲਈ ਕਿਹਾ ਕਿ ਜਾਂ ਤਾਂ ਉਹ ਜਲਦੀ ਘਰ ਪਰਤੇਗੀ ਜਾਂ ਫਿਰ ਉਨ੍ਹਾਂ ਦੀ ਹਾਲਤ ਸ਼ਰਧਾ ਵਰਗੀ ਹੋਵੇਗੀ। ਉਹ ਸੂਟਕੇਸ ਜਾਂ ਫਰਿੱਜ ਵਿੱਚ ਪਾਏ ਜਾਣਗੇ। ਉਸ ਨੇ ਅੱਗੇ ਕਿਹਾ, “ਸਵਰਾ ਪਹਿਲਾਂ ਹੀ ਹਿੰਦੂ ਵਿਰੋਧੀ ਬਿਆਨ ਦਿੰਦੀ ਰਹੀ ਹੈ। ਹੁਣ ਫਹਾਦ ਅਹਿਮਦ ਨਾਲ ਵਿਆਹ ਕਰਕੇ ਉਸ ਨੇ ਸਾਬਤ ਕਰ ਦਿੱਤਾ ਹੈ ਕਿ ਉਹ ਹਿੰਦੂ ਵਿਰੋਧੀ ਹੈ। ਹੋ ਸਕਦਾ ਹੈ ਕਿ ਉਸ ਨੇ ਸ਼ਰਧਾ ਦੀ ਲਾਸ਼ ਨੂੰ ਫਰਿੱਜ ਅਤੇ ਸੂਟਕੇਸ ‘ਚ ਨਹੀਂ ਦੇਖਿਆ ਹੋਵੇ।’ ਸਾਧਵੀ ਪ੍ਰਾਚੀ ਨੇ ਕਿਹਾ ਕਿ ਜਲਦ ਹੀ ਮੀਡੀਆ ਨੂੰ ਉਨ੍ਹਾਂ ਦੇ ਤਲਾਕ ਦੀ ਖਬਰ ਮਿਲੇਗੀ।