ਮੌਤ ਨੂੰ ਮਾਤ! ਜਿਉਂਦੀ ਪਤਨੀ ਨੂੰ ਦਫਨਾ ਆਇਆ ਪਤੀ, ਐਪਲ ਵਾਚ ਨੇ ਬਚਾ ਲਈ ਜਾਨ

ਅਮਰੀਕੀ ਨਿਊਜ਼ ਚੈਨਲ NBC ਮੁਤਾਬਕ ਮਹਿਲਾ ਦਾ ਪਤੀ ਉਸ ਨੂੰ ਘਰੋਂ ਅਗਵਾ ਕਰਕੇ ਜੰਗਲ ਵਿਚ ਲੈ ਗਿਆ। ਇਸ ਤੋਂ ਬਾਅਦ ਉਸ ਉਤੇ ਚਾਕੂ ਨਾਲ ਹਮਲਾ ਕੀਤਾ ਗਿਆ ਅਤੇ ਫਿਰ ਉਸ ਨੂੰ ਜ਼ਿੰਦਾ ਦਫ਼ਨਾ ਦਿੱਤਾ।
ਔਰਤ ਨੇ ਅਦਾਲਤ ਵਿਚ ਦੱਸਿਆ ਕਿ ਇਸ ਨੂੰ ਜ਼ਮੀਨ ਵਿਚ ਦੱਬਣ ਤੋਂ ਬਾਅਦ ਪਤੀ ਇੱਧਰ-ਉੱਧਰ ਘੁੰਮ ਰਿਹਾ ਸੀ ਅਤੇ ਉਸ ਉਤੇ ਮਿੱਟੀ ਸੁੱਟ ਰਿਹਾ ਸੀ। ਇੰਨਾ ਹੀ ਨਹੀਂ ਔਰਤ ਦੇ ਚਿਹਰੇ ਉਤੇ ਟੇਪ ਵੀ ਲਗਾਈ ਗਈ।
ਔਰਤ ਨੇ ਜਾਂਚਕਾਰਾਂ ਨੂੰ ਦੱਸਿਆ ਕਿ ਉਹ ਆਪਣੀ ਐਪਲ ਵਾਚ ਤੋਂ 911 ਉਤੇ ਕਾਲ ਕਰਨ ‘ਚ ਕਾਮਯਾਬ ਰਹੀ। ਜਦੋਂ ਉਸ ਨੂੰ ਘਰ ਤੋਂ ਬਾਹਰ ਕੱਢਿਆ ਜਾ ਰਿਹਾ ਸੀ, ਉਸ ਨੇ ਆਪਣੀ ਘੜੀ ਤੋਂ ਪੁਲਿਸ ਦਾ ਐਮਰਜੈਂਸੀ ਨੰਬਰ ਡਾਇਲ ਕੀਤਾ। ਰਿਪੋਰਟ ਵਿਚ ਕਿਹਾ ਗਿਆ ਹੈ ਕਿ ਉਹ ਉਸ ਨੂੰ ਗੈਰਾਜ ਵਿਚ ਖਿੱਚ ਕੇ ਲੈ ਗਿਆ, ਪਰ ਉਦੋਂ ਤੱਕ ਪੁਲਿਸ ਚੌਕਸ ਹੋ ਚੁੱਕੀ ਸੀ।
ਔਰਤ ਨੇ ਦੱਸਿਆ ਕਿ ਉਹ ਘੰਟਿਆਂ ਤੱਕ ਕਬਰ ਵਿੱਚ ਪਈ ਰਹੀ। ਉਸ ਨੇ ਬੜੀ ਮੁਸ਼ਕਲ ਨਾਲ ਹਵਾ ਦੇ ਆਉਣ ਲਈ ਥੋੜ੍ਹੀ ਜਿਹੀ ਜਗ੍ਹਾ ਬਣਾਈ ਹੈ। ਬਾਅਦ ‘ਚ ਪੁਲਿਸ ਉਥੇ ਪਹੁੰਚ ਗਈ ਤੇ ਉਸ ਨੂੰ ਬਚਾ ਲਿਆ ਗਿਆ।