ਬੰਗਾਲ ‘ਚ 2 ਕਰੋੜ ਲੋਕਾਂ ਨੂੰ ਲੱਗ ਚੁੱਕੀ ਹੈ ਕੋਰੋਨਾ ਵੈਕਸੀਨ : ਮਮਤਾ ਬੈਨਰਜੀ

ਕੋਲਕਾਤਾ : ਪੱਛਮੀ ਬੰਗਾਲ ਦੀ ਮੁੱਖ ਮੰਤਰੀ ਮਮਤਾ ਬੈਨਰਜੀ ਨੇ ਸੋਮਵਾਰ ਨੂੰ ਕਿਹਾ ਕਿ ਰਾਜ ‘ਚ ਹੁਣ ਤੱਕ ਘੱਟ ਤੋਂ ਘੱਟ ਦੋ ਕਰੋੜ ਲੋਕਾਂ ਨੂੰ ਕੋਵਿਡ – 19 ਰੋਧੀ ਟੀਕਾ ਲੱਗ ਚੁੱਕਿਆ ਹੈ। ਉਨ੍ਹਾਂ ਨੇ ਇੱਕ ਰਿਪੋਰਟ ਦਾ ਹਵਾਲਾ ਦਿੱਤਾ ਜਿਸ ਦੇ ਮੁਤਾਬਕ ਵਿਧਾਨ ਸਭਾ ਚੋਣਾਂ ਦੌਰਾਨ ਰਾਜ ‘ਚ ਸੰਕਰਮਣ ਦੀ ਦਰ ਵਧ ਕੇ 32 ਫ਼ੀਸਦੀ ਹੋ ਗਈ ਸੀ। ਬੈਨਰਜੀ ਨੇ ਕਿਹਾ ਕਿ ਹੁਣ ਸੰਕਰਮਣ ਦੀ ਦਰ ਘੱਟ ਕੇ ਛੇ ਫ਼ੀਸਦੀ ਰਹਿ ਗਈ ਹੈ।

ਬਸਪਾ ਨੂੰ ਟਿਕਟ ਦੇਣ ਪਿੱਛੇ ਲੜਪੇ ਅਕਾਲੀ!ਸ਼ੁਰੂ ਕਰਤੀ ਬਗਾਵਤ!ਪਾਰਟੀ ’ਚ ਪਈ ਫੁੱਟ

ਉਨ੍ਹਾਂ ਨੇ ਰਾਜ ਸਕੱਤਰੇਤ ‘ਚ ਪੱਤਰਕਾਰਾਂ ਨਾਲ ਗੱਲਬਾਤ ਦੌਰਾਨ ਕਿਹਾ, ‘ਅਸੀਂ ਨਿੱਜੀ ਅਤੇ ਸਰਕਾਰੀ ਖੇਤਰਾਂ ਦੇ ਘੱਟ ਤੋਂ ਘੱਟ ਦੋ ਕਰੋੜ ਲੋਕਾਂ ਨੂੰ ਟੀਕਾ ਦਿੱਤਾ ਹੈ। ਉਨ੍ਹਾਂ ਨੇ ਕਿਹਾ ਕਿ ਬੰਗਾਲ ਹੁਣ ਬਹੁਤ ਹੱਦ ਤੱਕ ਸੁਰੱਖਿਅਤ ਹੈ। ਮੁੱਖ ਮੰਤਰੀ ਨੇ ਕਿਹਾ ਮੈਂ ਇੱਕ ਰਿਪੋਰਟ ਨੂੰ ਦੇਖ ਰਹੀ ਸੀ ਜਿਸਦੇ ਅਨੁਸਾਰ ਚੋਣਾਂ ਦੇ ਚੌਥੇ,ਪੰਜਵੇਂ, ਛੇਵੇਂ ਅਤੇ ਸੱਤਵੇਂ ਪੜਾਅ ਦੌਰਾਨ ਕੋਵਿਡ ਸੰਕਰਮਣ ਦਰ 22 ਫ਼ੀਸਦੀ ਤੱਕ ਪਹੁੰਚ ਗਈ ਸੀ। ਉਹ ਅੰਤਿਮ ਪੜਾਅ ‘ਚ 32 ਫ਼ੀਸਦੀ ਹੋ ਗਈ ਸੀ।ਹੁਣ ਉਹ ਛੇ ਫ਼ੀਸਦੀ ‘ਤੇ ਆ ਗਈ ਹੈ।