‘ਫਿਰ CM ਬਣਿਆ ਤਾਂ 1 ਲੱਖ ਸਰਕਾਰੀ ਨੌਕਰੀਆਂ ਦੇ ਫੈਸਲੇ ‘ਤੇ ਪਹਿਲੇ ਦਿਨ ਕਰਾਂਗਾ ਦਸਤਖਤ’

ਚੰਡੀਗੜ੍ਹ : ਵਿਧਾਨ ਸਭਾ ਚੋਣਾਂ ‘ਚ ਹੁਣ ਕੁਝ ਹੀ ਦਿਨ ਰਹਿ ਗਏ ਹਨ ਅਤੇ ਸਾਰੀਆਂ ਪਾਰਟੀਆਂ ਨੇ ਪ੍ਰਚਾਰ ਤੇਜ਼ ਕਰ ਦਿੱਤਾ ਹੈ। ਇਸ ਕੜੀ ‘ਚ ਪੰਜਾਬ ਦੇ ਮੁੱਖ ਮੰਤਰੀ ਚਰਨਜੀਤ ਸਿੰਘ ਚੰਨੀ ਨੇ ਵੱਡਾ ਵਾਅਦਾ ਕੀਤਾ ਹੈ। ਉਨ੍ਹਾਂ ਨੇ ਕਿਹਾ ਕਿ ਜੇਕਰ ਸਾਡੀ ਸਰਕਾਰ ਬਣੀ ਤਾਂ 1 ਲੱਖ ਸਰਕਾਰੀ ਨੌਕਰੀਆਂ ਦੇ ਫੈਸਲੇ ‘ਤੇ ਪਹਿਲੇ ਦਿਨ ਦਸਤਖਤ ਕਰਾਂਗਾ। ਉਨ੍ਹਾਂ ਨੇ ਕਿਹਾ ਕਿ ਮੈਨੂੰ ਸਿਰਫ 3 ਮਹੀਨੇ ਮਿਲੇ ਸਨ ਜੇਕਰ 5 ਸਾਲ ਮਿਲਣਗੇ ਤਾਂ ਬਹੁਤ ਕੁਝ ਹੋਵੇਗਾ।

PM ਮੋਦੀ ਦੇ ਦੌਰੇ ਨੇ ਪੰਜਾਬ ਬਦਲਿਆ ਛਾਉਣੀ ‘ ਚ! ਲੋੜ ਪੈਣ ਤੇ ਚੰਨੀ ਦੇਵੇਗਾ PM ਨੂੰ ਖੂਨ, ਹਾਈਟੈਕ ਐਂਬੂਲੈਂਸ ਤਿਆਰ

ਚੰਨੀ ਨੇ ਕਿਹਾ ਕਿ ਅਸੀਂ ਸਰਕਾਰੀ ਸਕੂਲਾਂ, ਕਾਲਜਾਂ ਅਤੇ ਯੂਨੀਵਰਸਿਟੀ ‘ਚ ਪੜ੍ਹਾਈ ਫ੍ਰੀ ਕਰਨਗੇ। ਹਰ ਬੱਚੇ ਦੀ ਸਿੱਖਿਆ ਅਤੇ ਰੋਜ਼ਗਾਰ ‘ਤੇ ਧਿਆਨ ਦਿੱਤਾ ਜਾਵੇਗਾ। ਜਨਰਲ ਕੈਟੇਗਰੀ ਦੇ ਬੱਚਿਆਂ ਨੂੰ ਸਕਾਲਰਸ਼ਿਪ ਮਿਲੇਗੀ। ਨਾਲ ਹੀ ਐਸਸੀ ਸਕਾਲਰਸ਼ਿਪ ਨੂੰ ਦੁਬਾਰਾ ਬਹੁਤ ਸੋਹਣੇ ਰੂਪ ਨਾਲ ਚਲਾਉਣਗੇ। ਸਾਡੀ ਸਰਕਾਰ ਆਈ ਤਾਂ 6 ਮਹੀਨੇ ‘ਚ ਪੰਜਾਬ ‘ਚ ਕੋਈ ਛੱਤ ਕੱਚੀ ਨਹੀਂ ਰਹੇਗੀ।