ਫਰੈਂਚ ਓਪਨ ਟੂਰਨਾਮੈਂਟ ਤੋਂ ਬਾਅਦ ਜੋ-ਵਿਲਫਰੇਡ ਸੋਂਗਾ ਲੈਣਗੇ ਟੈਨਿਸ ਤੋਂ ਸੰਨਿਆਸ
ਪੈਰਿਸ : ਆਸਟ੍ਰੇਲੀਅਨ ਓਪਨ ਦੇ ਸਾਬਕਾ ਉਪ ਜੇਤੂ ਜੋ-ਵਿਲਫਰੇਡ ਸੋਂਗਾ ਨੇ ਫਰੈਂਚ ਓਪਨ ਟੈਨਿਸ ਟੂਰਨਾਮੈਂਟ ਤੋਂ ਬਾਅਦ ਸੰਨਿਆਸ ਲੈਣ ਦਾ ਐਲਾਨ ਕੀਤਾ ਹੈ। ਆਪਣੇ ਕਰੀਅਰ ਦੌਰਾਨ ਸੱਟਾਂ ਨਾਲ ਜੂਝਣ ਵਾਲੇ ਸੋਂਗਾ ਇਸ ਤਰ੍ਹਾਂ ਆਪਣੇ ਘਰੇਲੂ ਦਰਸ਼ਕਾਂ ਦੇ ਸਾਹਮਣੇ ਆਪਣੇ ਕਰੀਅਰ ਦਾ ਅੰਤ ਕਰਨਗੇ। ਫਰਾਂਸ ਦੇ 36 ਸਾਲਾ ਸੋਂਗਾ ਨੇ 2012 ਵਿੱਚ ਕਰੀਅਰ ਦੀ ਸਰਵੋਤਮ ਪੰਜਵੀਂ ਰੈਂਕਿੰਗ ਹਾਸਲ ਕੀਤੀ ਪਰ ਪਿਛਲੀ ਵਾਰ ਸੱਟ ਲੱਗਣ ਤੋਂ ਬਾਅਦ ਉਨ੍ਹਾਂ ਦੀ ਮੌਜੂਦਾ ਰੈਂਕਿੰਗ 220 ਹੈ।
ਇਨਸਾਨਾਂ ਦੀ ਉਮਰ ਹੋਵੇਗੀ 1400 ਸਾਲ ਤੱਕ ਲੰਬੀ | D5 Channel Punjabi
ਇਸ ਦਾ ਮਤਲਬ ਹੈ ਕਿ ਸੋਂਗਾ ਨੂੰ ਰੋਲਾਂ ਗੈਰੋ ਦੇ ਮੁੱਖ ਡਰਾਅ ‘ਚ ਸਿੱਧੀ ਐਂਟਰੀ ਨਹੀਂ ਮਿਲੇਗੀ ਅਤੇ ਉਨ੍ਹਾਂ ਨੂੰ ਪ੍ਰਬੰਧਕਾਂ ਵੱਲੋਂ ਦਿੱਤੇ ਵਾਈਲਡ ਕਾਰਡ ‘ਤੇ ਭਰੋਸਾ ਕਰਨਾ ਹੋਵੇਗਾ। ਲਗਭਗ 20 ਸਾਲ ਪਹਿਲਾਂ ਸਾਹਮਣੇ ਆਏ ਫਰਾਂਸ ਦੇ ਦਿੱਗਜ ਖਿਡਾਰੀਆਂ ‘ਚੋਂ ਸੋਂਗਾ ਪਹਿਲੇ ਹਨ, ਜੋ ਸੰਨਿਆਸ ਲੈ ਰਹੇ ਹਨ। ਇਨ੍ਹਾਂ ਦਿੱਗਜਾਂ ਦੀ ਸੂਚੀ ਵਿਚ ਗੇਲ ਮੋਨਫਿਲਸ, ਰਿਚਰਡ ਗੈਸਕੇਟ ਅਤੇ ਜਾਈਲਸ ਸਿਮੋਨ ਵੀ ਸ਼ਾਮਲ ਹਨ।
ਲੜਾਈ ਤੋਂ ਬਾਅਦ Navjot Sidhu ਦਾ ਧਮਾਕਾ! Brinder Dhillon ਬਾਰੇ ਦਿੱਤਾ ਬਿਆਨ | D5 Channel Punjabi
ਸੋਂਗਾ ਨੇ ਵੀਡੀਓ ਸੰਦੇਸ਼ ‘ਚ ਕਿਹਾ, ”ਇਹ ਮੇਰੇ ਲਈ ਆਖਰੀ ਰੋਮਾਂਚ ਹੋਵੇਗਾ। ਰੋਲਾਂ ਗੈਰੋ ਵਿਖੇ ਇਹ ਮੇਰਾ 15ਵਾਂ ਟੂਰਨਾਮੈਂਟ ਹੋਵੇਗਾ। ਉਮੀਦ ਹੈ ਕਿ ਮੈਂ ਫਿੱਟ ਰਹਾਂਗਾ।” ਸੋਂਗਾ 2013 ਅਤੇ 2015 ਵਿੱਚ ਫ੍ਰੈਂਚ ਓਪਨ ਦੇ ਸੈਮੀਫਾਈਨਲ ਵਿੱਚ ਪਹੁੰਚੇ ਸਨ। ਉਨ੍ਹਾਂ ਨੇ 18 ATP ਖ਼ਿਤਾਬ ਜਿੱਤੇ ਅਤੇ 2008 ਵਿਚ ਆਸਟ੍ਰੇਲੀਅਨ ਓਪਨ ਦੇ ਫਾਈਨਲ ਵਿੱਚ ਪਹੁੰਚੇ, ਜਿੱਥੇ ਉਨ੍ਹਾਂ ਨੂੰ ਨੋਵਾਕ ਜੋਕੋਵਿਚ ਤੋਂ ਹਾਰ ਦਾ ਸਾਹਮਣਾ ਕਰਨਾ ਪਿਆ।
Post Disclaimer
Opinion/facts in this article are author\'s own and punjabi.newsd5.in does not assume any responsibility or liability for the same.If You Have Problem With This Article Plz Contact Our Team At Contact Us Page.
