ਕਿਲਾ ਰਾਏਪੁਰ ਇਲਾਕੇ ’ਚ ਹੋਈ 71 ਸਾਲਾ ਐੱਨਆਰਆਈ ਔਰਤ ਰੁਪਿੰਦਰ ਕੌਰ ਪੰਧੇਰ ਦੀ ਹੱਤਿਆ ਤੋਂ ਬਾਅਦ ਦੋਸ਼ੀ ਸੁਖਜੀਤ ਸਿੰਘ (24) ਦੋ ਦਿਨ ਤੱਕ ਉਸ ਦੀ ਲਾਸ਼ ਸੜਣ ਦਾ ਇੰਤਜ਼ਾਰ ਕਰਦਾ ਰਿਹਾ। ਇਸ ਦਾ ਖੁਲਾਸਾ ਦੋਸ਼ੀ ਨੇ ਪੁਲਿਸ ਦੀ ਪੁੱਛਗਿੱਛ ’ਚ ਕੀਤਾ। ਹੈਰਾਨੀ ਦੀ ਗੱਲ ਇਹ ਹੈ ਕਿ ਦੋਸ਼ੀ ਵੀ ਉਸੇ ਕਮਰੇ ’ਚ ਸੀ ਤੇ ਹਰ ਰੋਜ਼ ਆਪਣੇ ਸਾਹਮਣੇ ਲਾਸ਼ ਨੂੰ ਸੜਦੇ ਹੋਏ ਦੇਖ ਰਿਹਾ ਸੀ। ਹੱਡੀਆਂ ਨਿਕਲਣ ਦੇ ਬਾਅਦ ਉਹ ਹੱਡੀਆਂ ਨੂੰ ਬੋਰੇ ’ਚ ਭਰ ਕੇ ਪਿੰਡ ਘੁੰਗਰਾਣਾ ਦੇ ਨਾਲੇ ’ਚ ਸੁੱਟਣ ਪਹੁੰਚ ਗਿਆ ਪਰ ਦੋਸ਼ੀ ਸੁਖਜੀਤ ਇੰਨਾ ਚਲਾਕ ਨਾ ਹੋਣ ਕਾਰਨ ਪੁਲਿਸ ਦੀ ਜਾਂਚ ’ਚ ਫਸ ਗਿਆ, ਜੇਕਰ ਦੋਸ਼ੀ ਨੂੰ ਯੂਕੇ ਦੇ ਬ੍ਰਿਟੇਨ ’ਚ ਬੈਠੇ ਐੱਨਆਰਆਈ ਚਰਨਜੀਤ ਸਿੰਘ (75) ਵੱਲੋਂ ਸੁਪਾਰੀ ਦੇ 50 ਲੱਖ ਦੇ ਦਿੱਤੇ ਜਾਂਦੇ ਤਾਂ ਸ਼ਾਇਦ ਸੁਖਜੀਤ ਪੁਲਿਸ ਦੀ ਗ੍ਰਿਫਤ ਤੋਂ ਦੂਰ ਰਹਿੰਦਾ।
ਕਮਰੇ ਦੀ ਰੈਨੋਵੇਸ਼ਨ ਤੇ ਮ੍ਰਿਤਕਾ ਦੀ ਭੈਣ ਦੇ ਦਬਾਅ ’ਚ ਸ਼ੁਰੂ ਹੋਈ ਜਾਂਚ ਜਾਣਕਾਰੀ ਅਨੁਸਾਰ ਦੋਸ਼ੀ ਸੁਖਜੀਤ ਨੇ 12 ਜੁਲਾਈ ਨੂੰ ਰੁਪਿੰਦਰ ਕੌਰ ਦੀ ਹੱਤਿਆ ਕੀਤੀ, ਜਦੋਂ ਉਸ ਦਾ ਭਰਾ ਤੇ ਭਾਬੀ ਘਰ ਨਹੀਂ ਸਨ। ਉਹ ਕਿਸੇ ਕੰਮ ਦੇ ਸਿਲਸਿਲੇ ’ਚ ਕੁਝ ਦਿਨਾਂ ਲਈ ਬਾਹਰ ਗਏ ਸਨ ਪਰ ਜਦੋਂ ਉਹ ਵਾਪਸ ਆਏ ਤਾਂ ਦੇਖਿਆ ਕਿ ਜਿਸ ਕਮਰੇ ’ਚ ਰੁਪਿੰਦਰ ਕੌਰ ਰਹਿ ਰਹੀ ਸੀ, ਉਹ ਪੂਰੀ ਤਰ੍ਹਾਂ ਰੈਨੋਵੇਟ ਕੀਤਾ ਗਿਆ ਸੀ। ਕਮਰੇ ’ਚ ਪੇਂਟ ਹੋਇਆ ਸੀ ਤੇ ਫ਼ਲੋਰ ਦੀ ਟਾਈਲਾਂ ਵੀ ਬਦਲੀਆਂ ਗਈਆਂ ਸਨ, ਜਦੋਂ ਭਰਾ ਤੇ ਭਾਬੀ ਆਏ ਤਾਂ ਉਹ ਵੀ ਦੇਖ ਕੇ ਹੈਰਾਨ ਹੋ ਗਏ ਕਿ ਸਿਰਫ ਇਕ ਕਮਰੇ ਦੀ ਰੈਨੋਵੇਸ਼ਨ ਹੋਈ। ਉੱਧਰ ਰੁਪਿੰਦਰ ਦੀ ਭੈਣ ਕਮਲ ਕੌਰ, ਜੋ ਕਿ ਵਿਦੇਸ਼ ’ਚ ਹੈ, ਨੇ ਅਮਰੀਕਾ ’ਚ ਭਾਰਤ ਦੇ ਦੂਤਾਵਾਸ ’ਤੇ ਦਬਾਅ ਬਣਾਇਆ ਕਿ ਉਸ ਦੀ ਭੈਣ ਪੰਜਾਬ ’ਚ ਗਾਇਬ ਹੈ ਤਾਂ ਲੁਧਿਆਣਾ ਪੁਲਿਸ ’ਤੇ ਦਬਾਅ ਬਣਾਇਆ।
Post Disclaimer
Opinion/facts in this article are author\'s own and punjabi.newsd5.in does not assume any responsibility or liability for the same.If You Have Problem With This Article Plz Contact Our Team At Contact Us Page.
