ਤਲਵੰਡੀ ਧਾਮ ਦੇ ਸ਼ੰਕਰਾਨੰਦ ਦੀ ਜ਼ਮਾਨਤ ਅਰਜੀ ’ਤੇ ਪੰਜਾਬ ਤੇ ਹਰਿਆਣਾ ਹਾਈ ਕੋਰਟ ਵਿਚ ਫੈਸਲਾ ਨਾ ਹੋਇਆ। 26 ਦਿਨ ਤੋਂ ਜ਼ਮਾਨਤ ਦੀ ਤਾਰੀਕ ਦਾ ਇੰਤਜ਼ਾਰ ਕਰ ਰਹੇ ਸਵਾਮੀ ਸ਼ੰਕਰਾਨੰਦ ਨੂੰ ਹੁਣ ਅਜੇ ਪੁਲਿਸ ਨਾਲ ਹੋਰ ਲੁਕਾਛਿਪੀ ਖੇਡਣੀ ਪਵੇਗੀ।
ਅਦਾਲਤ ਨੇ ਉਨ੍ਹਾਂ ਦੀ ਅਰਜ਼ੀ ਦੀ ਸੁਣਵਾਈ ਲਈ 12 ਅਗਸਤ ਤਾਰੀਕ ਪਾ ਦਿੱਤੀ ਹੈ। ਤਲਵੰਡੀ ਧਾਮ ਵਿਚ ਸ਼ੰਕਰਾਨੰਦ ਦੀ ਇੱਕ ਅਸ਼ਲੀਲ ਵੀਡੀਓ ਜੂਨ ਮਹੀਨੇ ਵਿਚ ਵਾਇਰਲ ਹੋਈ ਸੀ। ਇਸ ਮਾਮਲੇ ਵਿਚ ਮੁੱਲਾਂਪੁਰ ਦਾਖਾ ਦੀ ਪੁਲਿਸ ਵੱਲੋਂ ਸ਼ੰਕਰਾਨੰਦ ਖ਼ਿਲਾਫ਼ ਧਾਰਮਿਕ ਭਾਵਨਾਵਾਂ ਨੂੰ ਠੇਸ ਪਹੁੰਚਾਉਣ ਦੀ ਧਾਰਾਵਾਂ ਤਹਿਤ ਮੁਕੱਦਮਾ ਦਰਜ ਕੀਤਾ ਗਿਆ ਸੀ। ਇਸ ਮਾਮਲੇ ਵਿਚ ਸ਼ੰਕਰਾਨੰਦ ਵੱਲੋਂ ਪਹਿਲਾਂ ਲੁਧਿਆਣਾ ਅਦਾਲਤ ਵਿਚ ਜ਼ਮਾਨਤ ਲਗਾਈ ਗਈ, ਜਿਸ ਨੂੰ ਰੱਦ ਕਰ ਦਿੱਤਾ ਗਿਆ।
ਉਸ ਤੋਂ ਬਾਅਦ ਸ਼ੰਕਰਾਨੰਦ ਵੱਲੋਂ ਹਾਈ ਕੋਰਟ ’ਚ ਜ਼ਮਾਨਤ ਅਰਜ਼ੀ ਲਗਾਈ ਗਈ। ਜਿਸ ’ਤੇ ਦੋ ਵਾਰ ਤਾਰੀਕ ਪੈ ਗਈ। ਅੱਜ ਵੀ ਅਦਾਲਤ ਵਿਚ ਉਸ ਦੀ ਜ਼ਮਾਨਤ ਅਰਜ਼ੀ ’ਤੇ ਸੁਣਵਾਈ ਕਰਦਿਆਂ ਜਦੋਂ ਪੁਲਿਸ ਨੇ ਸ਼ੰਕਰਾਨੰਦ ਖ਼ਿਲਾਫ਼ ਅਸ਼ਲੀਲ ਵੀਡੀਓ ਸਮੇਤ ਅਨੇਕਾਂ ਸ਼ਿਕਾਇਤਾਂ ਦੀ ਭਰਮਾਰ ਦਾ ਹਵਾਲਾ ਦਿੰਦਿਆਂ ਉਸ ਦੀ ਗ੍ਰਿਫ਼ਤਾਰੀ ਨੂੰ ਜ਼ਰੂਰੀ ਦੱਸਿਆ ਤਾਂ ਅਦਾਲਤ ਨੇ ਪੁਲਿਸ ਨੂੰ ਸਾਰੀਆਂ ਸ਼ਿਕਾਇਤਾਂ ’ਤੇ ਕਾਰਵਾਈ ਨੂੰ ਲੈ ਕੇ ਅਦਾਲਤ ਵਿਚ ਐਫੀਡੈਵਿਟ ਫਾਈਲ ਕਰਨ ਦਾ ਹੁਕਮ ਸੁਣਾਇਆ ਅਤੇ ਇਸ ਕੇਸ ਦੀ ਅਗਲੀ ਤਾਰੀਕ 12 ਅਗਸਤ ਪਾ ਦਿੱਤੀ।
Post Disclaimer
Opinion/facts in this article are author\'s own and punjabi.newsd5.in does not assume any responsibility or liability for the same.If You Have Problem With This Article Plz Contact Our Team At Contact Us Page.
