ਉਰਦੂ ‘ਚ ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਜੀ ਦਾ 100 ਸਾਲ ਪੁਰਾਣਾ ਤਰਜਮਾ

ਸੰਗਰੂਰ : ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਜੀ ਦਾ ਇਕ ਸਦੀ ਤੋਂ ਵੀ ਪੁਰਾਣਾ ਟੀਕਾ ਜੋ ਉਰਦੂ ਲਿੱਪੀ ‘ਚ ਤਰਜਮਾ ਕੀਤਾ ਹੋਇਆ ਹੈ। ਸੰਗਰੂਰ ਦੇ 86 ਸਾਲਾ ਬਜ਼ੁਰਗ ਕ੍ਰਿਸ਼ਨ ਬੇਤਾਬ ਨੂੰ ਇਹ ਟੀਕਾ ਵਿਰਾਸਤ ‘ਚ ਮਿਲਿਆ ਸੀ। ਪਾਕਿਸਤਾਨ ਦੇ ਲਾਹੌਰ ‘ਚ ਛਪੇ ਇਸ ਟੀਕੇ ‘ਚ ਦੋ ਹਜ਼ਾਰ ਤੋਂ ਵਧੇਰੇ ਪੰਨੇ ਹਨ। ਕ੍ਰਿਸ਼ਨ ਬੇਤਾਬ ਦਾ ਕਹਿਣਾ ਹੈ ਕਿ ਉਹਨਾਂ ਦੇ ਪਿਤਾ ਨੇ ਗੁਰੂ ਗ੍ਰੰਥ ਸਾਹਿਬ ਦਾ ਇਹ ਟੀਕਾ ਬਚਪਨ ‘ਚ ਭੇਂਟ ਕੀਤਾ ਸੀ। ਇੰਨਾ ਹੀ ਨਹੀਂ ਕ੍ਰਿਸ਼ਨ ਬੇਤਾਬ ਨੇ ਆਪਣੇ ਪਿਤਾ ਵੱਲੋਂ ਦਿੱਤੇ ਇਸ ਤੋਹਫੇ ਨੂੰ ਸੰਭਾਲ ਕੇ ਰੱਖਿਆ ਹੋਇਆ ਹੈ।

ਕਰੋ ਦਰਸ਼ਨ… ਉਰਦੂ ‘ਚ ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਜੀ ਦਾ 100 ਸਾਲ ਪੁਰਾਣਾ ਤਰਜਮਾ | Urdu | Guru Granth Sahib

ਮੰਗ ਕੀਤੀ ਜਾ ਰਹੀ ਹੈ ਕਿ ਸ਼੍ਰੋਮਣੀ ਕਮੇਟੀ ਇਸ ਸਰੂਪ ਦੀ ਸਾਂਭ ਸੰਭਾਲ ਕਰੇ ਅਤੇ ਇਸ ਦੀ ਛਪਾਈ ਕਰਾ ਕੇ ਵੱਧ ਤੋਂ ਵੱਧ ਪ੍ਰਚਾਰ ਕਰੇ। ਜ਼ਰੂਰਤ ਹੈ ਕਿ ਜਿਥੇ ਇਕ ਪਾਸੇ ਸਰਬ ਸਾਂਝੀਵਾਲਤਾ ਦਾ ਸੁਨੇਹਾ ਦਿੱਤਾ ਜਾਂਦਾ ਹੈ। ਉਥੇ ਹੀ ਗੁਰੂ ਸਾਹਿਬਾਨ ਦੇ ਉਪਦੇਸ਼ ਨੂੰ ਉਰਦੂ ਭਾਸ਼ਾ ਵਿੱਚ ਵੀ ਵੰਡਿਆ ਜਾਵੇ ਅਤੇ ਇਸ ਪੁਰਾਤਨ ਗ੍ਰੰਥ ਦੀ ਸਾਂਭ ਕੀਤੀ ਜਾਵੇ ਤਾਂ ਜੋ ਵਿਦਵਾਨਾਂ ਵੱਲੋਂ ਕੀਤੇ ਇਸ ਤਰਜਮੇ ਦਾ ਸੁਨੇਹਾ ਪੂਰੀ ਦੁਨੀਆ ‘ਚ ਪਹੁੰਚੇ।