ਇਥੋਪੀਆ ’ਚ ਹੇਲੀ ਗੁੱਬੀ ਜਵਾਲਾਮੁਖੀ 12 ਹਜ਼ਾਰ ਸਾਲ ਬਾਅਫ਼ ਫਟਿਆ
ਇਥੋਪੀਆ ਵਿੱਚ ਇੱਕ ਜਵਾਲਾਮੁਖੀ ਜੋ ਕਿ ਲਗਪਗ 10,000 ਸਾਲਾਂ ਤੋਂ ਸ਼ਾਤ ਸੀ, ਐਤਵਾਰ ਨੂੰ ਅਚਾਨਕ ਫਟ ਗਿਆ। ਇਸ ਕਾਰਨ ਸੁਆਹ ਤੇ ਧੂੰਏਂ ਦਾ ਇੱਕ ਬੱਦਲ ਅਸਮਾਨ ‘ਚ ਲਗਪਗ 14 ਕਿਲੋਮੀਟਰ ਤੱਕ ਉੱਠਿਆ ਅਤੇ ਲਾਲ ਸਾਗਰ ਪਾਰ ਕਰਕੇ ਯਮਨ ਤੇ ਓਮਾਨ ਵੱਲ ਵਧਿਆ। ਇੱਥੋਂ ਇਹ ਭਾਰਤ ਪਹੁੰਚਿਆ ਤੇ ਹੁਣ ਇਹ ਨੇਪਾਲ ਰਾਹੀਂ ਚੀਨ ਪਹੁੰਚਣ ਦੀ ਸੰਭਾਵਨਾ ਹੈ।
ਇਥੋਪੀਆ ਵਿੱਚ ਜਿਸ ਜਗ੍ਹਾ ‘ਤੇ ਇਹ ਜਵਾਲਾਮੁਖੀ ਫਟਿਆ ਉਹ ਅਫਡੇਰਾ ਪਿੰਡ ਹੈ। ਇਹ ਇੱਕ ਸੈਰ-ਸਪਾਟਾ ਸਥਾਨ ਹੈ ਅਤੇ ਜਿਵੇਂ ਹੀ ਜਵਾਲਾਮੁਖੀ ਫਟਿਆ, ਪੂਰਾ ਪਿੰਡ ਸੁਆਹ ਨਾਲ ਢੱਕ ਗਿਆ। ਇੱਕ ਸਥਾਨਕ ਅਹਿਮਦ ਅਬਦੁੱਲਾ ਨੇ ਦੱਸਿਆ ਕਿ ਜਵਾਲਾਮੁਖੀ ਫਟਣ ਤੋਂ ਬਾਅਦ ਇੱਕ ਉੱਚੀ ਆਵਾਜ਼ ਆਈ ਅਤੇ ਇੱਕ ਝਟਕਾ ਲਹਿਰ ਆਈ।
ਅਬਦੇਲਾ ਨੇ ਕਿਹਾ, ‘ਇੰਝ ਲੱਗਾ ਜਿਵੇਂ ਕੋਈ ਬੰਬ ਅਚਾਨਕ ਸੁੱਟਿਆ ਗਿਆ ਹੋਵੇ ਅਤੇ ਉਸ ਵਿੱਚੋਂ ਧੂੰਆਂ ਅਤੇ ਰਾਖ ਨਿਕਲੀ ਹੋਵੇ।’ ਉਨ੍ਹਾਂ ਦੱਸਿਆ ਕਿ ਸੋਮਵਾਰ ਨੂੰ ਵੀ ਅਫਦੇਰਾ ਪਿੰਡ ਰਾਖ ਨਾਲ ਢਕਿਆ ਹੋਇਆ ਸੀ। ਨੇੜਲੇ ਡਾਨਾਕਿਲ ਰੇਗਿਸਤਾਨ ਜਾ ਰਹੇ ਸੈਲਾਨੀ (ਟੂਰਿਸਟ) ਅਤੇ ਗਾਈਡ ਪਿੰਡ ਵਿੱਚ ਫਸੇ ਹੋਏ ਹਨ।ਇਸ ਜਵਾਲਾਮੁਖੀ ਵਿਸਫੋਟ ‘ਚ ਕੋਈ ਜਾਨੀ ਨੁਕਸਾਨ ਨਹੀਂ ਹੋਇਆ ਹੈ ਪਰ ਸਥਾਨਕ ਪਸ਼ੂ ਪਾਲਕਾਂ ਦੇ ਭਾਈਚਾਰੇ ‘ਤੇ ਆਰਥਿਕ ਅਸਰ ਪੈ ਸਕਦਾ ਹੈ। ਨਿਊਜ਼ ਏਜੰਸੀ ਮੁਤਾਬਕ ਜਵਾਲਾਮੁਖੀ ਵਿਸਫੋਟ ਤੋਂ ਬਾਅਦ ਉੱਥੇ ਰਹਿਣ ਵਾਲਿਆਂ ਨੂੰ ਆਪਣੀ ਰੋਜ਼ੀ-ਰੋਟੀ ਦਾ ਡਰ ਸਤਾਉਣ ਲੱਗਾ ਹੈ।ਕਈ ਪਿੰਡ ਰਾਖ ਨਾਲ ਢੱਕੇ ਹੋਏ ਹਨ ਤੇ ਜਾਨਵਰਾਂ ਕੋਲ ਖਾਣ ਲਈ ਨਾਂਹ ਦੇ ਬਰਾਬਰ ਕੁਝ ਬਚਿਆ ਹੈ। ਰਾਖ ਭਾਰਤ ਅਤੇ ਪਾਕਿਸਤਾਨ ਵੱਲ ਵਹਿ ਰਹੀ ਹੈ। ਮਿਸ਼ੀਗਨ ਟੈਕਨੋਲੋਜੀਕਲ ਯੂਨੀਵਰਸਿਟੀ ਵਿੱਚ ਜਵਾਲਾਮੁਖੀ ਮਾਹਿਰ ਅਤੇ ਪ੍ਰੋਫੈਸਰ ਸਾਈਮਨ ਕਾਰਨ ਨੇ ਬਲੂਸਕਾਈ ‘ਤੇ ਪੁਸ਼ਟੀ ਕੀਤੀ ਕਿ ਹੇਲੀ ਗੁਬੀ ਵਿੱਚ ਹੋਲੋਸੀਨ ਵਿਸਫੋਟਾਂ ਦਾ ਕੋਈ ਰਿਕਾਰਡ ਨਹੀਂ ਹੈ।
Post Disclaimer
Opinion/facts in this article are author\'s own and punjabi.newsd5.in does not assume any responsibility or liability for the same.If You Have Problem With This Article Plz Contact Our Team At Contact Us Page.
