UK ਦੇ ਪ੍ਰਧਾਨ ਮੰਤਰੀ ਬੋਰਿਸ ਜਾਨਸਨ ਦਾ ਭਾਰਤ ਦੌਰਾ ਰੱਦ, ਗਣਤੰਤਰ ਦਿਵਸ ਦੇ ਸਨ ਮੁੱਖ ਮਹਿਮਾਨ

ਨਵੀਂ ਦਿੱਲੀ : ਇਸ ਸਾਲ 26 ਜਨਵਰੀ (ਗਣਤੰਤਰ ਦਿਨ) ‘ਤੇ ਕੋਈ ਮੁੱਖ ਮਹਿਮਾਨ ਨਹੀਂ ਹੋਵੇਗਾ। ਸੂਤਰਾਂ ਨੇ ਦੱਸਿਆ ਕਿ ਇਸ ਸਾਲ 26 ਜਨਵਰੀ ਨੂੰ ਹੋਣ ਵਾਲੀ ਪਰੇਡ ‘ਚ ਕੋਈ ਵੀ ਵਿਦੇਸ਼ੀ ਮਹਿਮਾਨ ਨਹੀਂ ਹੋਣਗੇ। ਦੱਸ ਦਈਏ ਕਿ ਬ੍ਰਿਟੇਨ ਦੇ ਪ੍ਰਧਾਨਮੰਤਰੀ ਬੋਰਿਸ ਜਾਨਸਨ ਨੇ ਕੋਰੋਨਾ ਵਾਇਰਸ ਦੇ ਨਵੇਂ ਪ੍ਰਕਾਰ (ਸਟ੍ਰੇਨ) ਤੋਂ ਪੈਦਾ ਹੋਏ ਸੰਕਟ ਦੇ ਵਧਣ ਦੇ ਚਲਦਿਆਂ 26 ਜਨਵਰੀ ਦੇ ਗਣਤੰਤਰ ਦਿਨ ਸਮਾਰੋਹ ‘ਤੇ ਭਾਰਤ ਦੀ ਆਪਣੀ ਨਿਰਧਾਰਤ ਯਾਤਰਾ ਰੱਦ ਕਰ ਦਿੱਤੀ ਹੈ। ਜਾਨਸਨ ਨੇ ਮੰਗਲਵਾਰ ਨੂੰ ਪ੍ਰਧਾਨਮੰਤਰੀ ਨਰਿੰਦਰ ਮੋਦੀ ਨਾਲ ਗੱਲ ਕਰ ਮਹਾਂਮਾਰੀ ਦੀ ਹਾਲਤ ਦੇ ਕਾਰਨ ਆਪਣਾ ਦੌਰਾ ਰੱਦ ਕਰਨ ਲਈ ਦੁੱਖ ਜ਼ਾਹਰ ਕੀਤਾ। ਜਾਨਸਨ ਨੇ ਸੰਕੇਤ ਦਿੱਤਾ ਹੈ ਕਿ ਉਨ੍ਹਾਂ ਦੀ ਭਾਰਤ ਯਾਤਰਾ ਜੀ – 7 ਸਿਖਰ ਸੰਮੇਲਨ ਤੋਂ ਪਹਿਲਾਂ ਸਾਲ ਦੇ ਪਹਿਲੇ ਅੱਧ ਵਿੱਚ ਹੋਵੇਗੀ। ਬ੍ਰਿਟੇਨ ਦੀ ਪ੍ਰਧਾਨਤਾ ‘ਚ ਇਹ ਸੰਮੇਲਨ ਇਸ ਸਾਲ ਦੇ ਅੰਤ ‘ਚ ਹੋਣ ਦੀ ਯੋਜਨਾ ਹੈ।

ਆਹ ਵਰਕਰ ਨੇ ਖੋਲਤੇ ਮੋਦੀ ਤੇ ਅੰਬਾਨੀਆਂ ਦੇ ਚਿੱਠੇ !ਪਾ ਦਿੱਤੀਆਂ ਕੇਂਦਰ ਸਣੇ ਅੰਬਾਨੀਆਂ ਨੂੰ ਭਾਜੜਾ !

ਮਹੱਤਵਪੂਰਨ ਗੱਲ ਇਹ ਹੈ ਕਿ ਜਾਨਸਨ ਨੇ ਇੱਕ ਦਿਨ ਪਹਿਲਾਂ ਟੈਲੀਵਿਜ਼ਨ ਦੇ ਜ਼ਰੀਏ ਤੋਂ ਬ੍ਰਿਟੇਨ ਨੂੰ ਸੰਬੋਧਿਤ ਕਰਦੇ ਹੋਏ ਕਿਹਾ ਸੀ ਕਿ ਸੰਕਰਮਣ ਦੀ ਦਰ ਬਹੁਤ ਜ਼ਿਆਦਾ ਵਧਣ ਕਾਰਨ ਉਨ੍ਹਾਂ ਦੇ ਮੈਡੀਕਲ ਮੁਖੀਆਂ ਨੇ ਚਿਤਾਵਨੀ ਦਿੱਤੀ ਹੈ ਕਿ ਰਾਸ਼ਟਰੀ ਸਿਹਤ ਸੇਵਾ ਖ਼ਤਰੇ ਦਾ ਸਾਹਮਣਾ ਕਰ ਰਹੀ ਹੈ। ਡਾਊਨਿੰਗ ਸਟ੍ਰੀਟ ਦੇ ਬੁਲਾਰੇ ਨੇ ਕਿਹਾ, “ਪ੍ਰਧਾਨ ਮੰਤਰੀ (ਜਾਨਸਨ) ਨੇ ਯੋਜਨਾ ਅਨੁਸਾਰ ਇਸ ਮਹੀਨੇ ਦੇ ਅਖੀਰ ‘ਚ ਹੋਣ ਵਾਲੀ ਆਪਣੀ ਭਾਰਤ ਯਾਤਰਾ ‘ਤੇ ਨਾ ਜਾ ਸਕਣ ਲਈ ਦੁੱਖ ਜ਼ਾਹਰ ਕਰਨ ਨੂੰ ਲੈ ਕੇ ਅੱਜ ਸਵੇਰੇ ਪ੍ਰਧਾਨਮੰਤਰੀ ਮੋਦੀ ਨਾਲ ਗੱਲ ਕੀਤੀ ।

8 ਵਾਲੀ ਮੀਟਿੰਗ ਤੋਂ ਪਹਿਲਾਂ ਕਿਸਾਨਾਂ ਨੇ ਮੋਦੀ ਨੂੰ ਦਿੱਤਾ ਵੱਡਾ ਝਟਕਾ,ਅੰਬਾਨੀ ਤੇ ਅੰਡਾਨੀ ਵੀ ਫਸੇ

ਬੁਲਾਰੇ ਨੇ ਕਿਹਾ, ‘‘ਬੀਤੀ ਰਾਤ ਐਲਾਨ ਕੀਤੇ ਗਏ ਰਾਸ਼ਟਰੀ ਲਾਕਡਾਊਨ ਅਤੇ ਕੋਰੋਨਾ ਵਾਇਰਸ ਦੇ ਨਵੇਂ ਪ੍ਰਕਾਰ ਦੇ ਫੈਲਣ ਦੀ ਰਫ਼ਤਾਰ ਦੇ ਮੱਦੇਨਜ਼ਰ ਪ੍ਰਧਾਨਮੰਤਰੀ ਨੇ ਕਿਹਾ ਹੈ ਕਿ ਉਨ੍ਹਾਂ ਦੇ ਲਈ ਇਹ ਜ਼ਰੂਰੀ ਹੈ ਕਿ ਉਹ ਬ੍ਰਿਟੇਨ ‘ਚ ਮੌਜੂਦ ਰਹਿਣ, ਤਾਂ ਜੋ ਉਹ ਵਾਇਰਸ ਦੇ ਖਿਲਾਫ ਘਰੇਲੂ ਪ੍ਰਤੀਕ੍ਰਿਆ ‘ਤੇ ਧਿਆਨ ਦੇ ਸਕਣ। ਦੋਵੇਂ ਆਗੂਆਂ ਨੇ ਦੁਵੱਲੇ ਸੰਬੰਧਾਂ ਪ੍ਰਤੀ ਆਪਣੀ ਸਾਂਝਾ ਵਚਨਬੱਧਤਾ ਨੂੰ ਦਰਸਾਉਂਦਿਆਂ ਇਸ ਨੂੰ ਮਹਾਂਮਾਰੀ ਦੇ ਵਿਰੁੱਧ ਪ੍ਰਤੀਕ੍ਰਿਆ ਸਹਿਤ ਦੋਵਾਂ ਦੇਸ਼ਾਂ ਦੇ ਵਿੱਚ ਕਰੀਬੀ ਸਹਿਯੋਗ ਦੇ ਜ਼ਰੀਏ ਇਸ ਨੂੰ ਜਾਰੀ ਰੱਖਣ ਦੀ ਵੀ ਗੱਲ ਕਹੀ। ‘‘ਪ੍ਰਧਾਨਮੰਤਰੀ ਨੇ ਕਿਹਾ ਕਿ ਉਨ੍ਹਾਂ ਨੂੰ ਉਮੀਦ ਹੈ ਕਿ ਉਹ 2021 ਦੀ ਪਹਿਲੇ ਅੱਧ ‘ਚ ਅਤੇ ਬ੍ਰਿਟੇਨ ਦੇ ਜੀ – 7 ਸਿਖਰ ਸੰਮੇਲਨ ਤੋਂ ਪਹਿਲਾਂ ਭਾਰਤ ਦੀ ਯਾਤਰਾ ‘ਤੇ ਜਾ ਸਕਣਗੇ, ਜਿਸ ‘ਚ ਪ੍ਰਧਾਨਮੰਤਰੀ ਮੋਦੀ ਇੱਕ ਮਹਿਮਾਨ ਦੇ ਤੌਰ ‘ਤੇ ਸ਼ਾਮਲ ਹੋਣ ਵਾਲੇ ਹੈ।