ਵਿਵਾਦਾਂ ‘ਚ ਘਿਰੇ ਗਾਇਕ ਸਿੱਧੂ ਮੂਸੇਵਾਲਾ ‘ਤੇ ਮਿਹਰਬਾਨ ਪੁਲਿਸ, ਹੁਣ ਜਾਂਚ ਲਈ ਬਣਾਈ ਐਸਆਈਟੀ

ਪਟਿਆਲਾ : ਕਰਫਿਊ ਦੌਰਾਨ AK 47 ਨਾਲ ਫਾਈਰਿੰਗ ਕਰਨ ਦੇ ਕੇਸ ‘ਚ ਨਾਮਜ਼ਦ ਪੰਜਾਬੀ ਗਾਇਕ ਸਿੱਧੂ ਮੂਸੇਵਾਲਾ ਇੱਕ ਵਾਰ ਫਿਰ ਆਈਜੀ ਪਟਿਆਲਾ ਦੀ ਸ਼ਰਨ ‘ਚ ਪੁੱਜੇ ਹਨ। ਸਿੱਧੂ ਮੂਸੇਵਾਲਾ ਦੇ ਖਿਲਾਫ ਪਹਿਲਾਂ ਕਰਫਿਊ ਉਲੰਘਣਾ ਦਾ ਕੇਸ ਦਰਜ ਹੋਇਆ ਸੀ, ਜਿਸ ਤੋਂ ਬਾਅਦ ਆਰਮਸ ਐਕਟ ਦੇ ਤਹਿਤ ਨਾਮਜਦ ਕੀਤਾ ਗਿਆ ਸੀ। ਇਨ੍ਹਾਂ ਕੇਸਾਂ ਦੀ ਜਾਂਚ ਦੇ ਦੌਰਾਨ ਮੂਸੇਵਾਲਾ ਦੇ ਖਿਲਾਫ ਨਵੀਂ 120 ਬੀ ਜੋੜ ਦਿੱਤੀ ਗਈ ਤਾਂ ਮੂਸੇਵਾਲਾ ਆਈਜੀ ਪਟਿਆਲਾ ਜਤਿੰਦਰ ਸਿੰਘ ਔਲਖ ਦੇ ਕੋਲ ਪੁੱਜੇ। ਆਈਜੀ ਔਲਖ ਦੇ ਕੋਲ ਮੂਸੇਵਾਲਾ ਨੇ ਪੁਲਿਸ ਅਧਿਕਾਰੀ ‘ਤੇ ਠੀਕ ਕਾਰਵਾਈ ਨਾ ਕਰਨ ਦੇ ਇਲਜ਼ਾਮ ਤੱਕ ਇਲਜ਼ਾਮ ਲਗਾਏ।

Singer Diljit Dosanjh ਦਾ MP Ravneet Bittu ਨੂੰ ਮੋੜਵਾਂ ਜਵਾਬ

ਇਸ ਤੋਂ ਬਾਅਦ ਆਈਜੀ ਨੇ ਸੰਗਰੂਰ ਅਤੇ ਬਰਨਾਲਾ ਦੋਵਾਂ ਕੇਸਾਂ ‘ਚ ਸਪੈਸ਼ਲ ਇੰਵੈਸਟੀਗੇਸ਼ਨ ਟੀਮ ਬਣਾ ਦਿੱਤੀ ਹੈ। ਹੁਣ ਸਿੱਧੂ ਮੂਸੇਵਾਲਾ ਦੇ ਖਿਲਾਫ ਐਸਆਈਟੀ ਜਾਂਚ ਕਰੇਗੀ। ਪੁਰਾਣੇ ਅਧਿਕਾਰੀਆਂ ਨੂੰ ਇਸ ਕੇਸ ਦੀ ਜਾਂਚ ਤੋਂ ਹਟਾ ਦਿੱਤਾ ਗਿਆ ਹੈ। ਬਰਨਾਲਾ ਕੇਸ ‘ਚ ਐਸਆਈਟੀ ਮੈਂਬਰ ਐਸਪੀ ਸੁਖਦੇਵ ਸਿੰਘ, ਡੀਐਸਪੀ ਬਰਨਾਲਾ ਹਰਮਿੰਦਰ ਸਿੰਘ ਅਤੇ ਧਨੌਲਾ ਥਾਣਾ ਐਸਐਚਓ ਕੁਲਦੀਪ ਸਿੰਘ ਸ਼ਾਮਿਲ ਕੀਤੇ ਹਨ। ਜਦੋਂ ਕਿ ਪਹਿਲਾਂ ਇਹ ਕੇਸ ਐਸਪੀ ਰੁਪਿੰਦਰ ਕੁਮਾਰ ਦੇਖ ਰਹੇ ਸਨ। ਡੇਢ ਮਹੀਨੇ ਦੌਰਾਨ ਸਿੱਧੂ ਮੂਸੇਵਾਲਾ ਦੇ ਖਿਲਾਫ ਆਰੋਪਾਂ ਦੇ ਤਹਿਤ ਲੱਗੀਆਂ ਧਾਰਾਵਾਂ ਤੋਂ ਜਿਆਦਾ ਉਨ੍ਹਾਂ ‘ਤੇ ਪੁਲਿਸ ਮਿਹਰਬਾਨੀਆਂ ਜ਼ਿਆਦਾ ਨਜ਼ਰ ਆਉਣ ਲੱਗੀਆ ਹਨ।