NEET Result 2021:ਪੰਜਾਬ ਹੁਸ਼ਿਆਰਪੁਰ ਦੇ ਪਿੰਡ ਸਵਾਰਾਂ ਦੇ ਰਹਿਣ ਵਾਲੇ Anshul Rana ਨੇ ਆਲ ਇੰਡੀਆ ਵਿੱਚ 35ਵਾਂ ਸਥਾਨ ਤੇ ਪੰਜਾਬ ਵਿੱਚ ਦੂਜਾ ਸਥਾਨ ਕੀਤਾ ਪ੍ਰਾਪਤ

ਹੁਸ਼ਿਆਰਪੁਰ: ਮੈਡੀਕਲ ਦਾਖਲਾ ਪ੍ਰੀਖਿਆ (NEET) ‘ਚ ਦੇਸ਼ ਭਰ ‘ਚ ਕਰੀਬ 16 ਲੱਖ ਬੱਚਿਆਂ ਨੇ ਪ੍ਰੀਖਿਆ ਦਿੱਤੀ, ਜਿਨ੍ਹਾਂ ‘ਚੋਂ ਹੁਸ਼ਿਆਰਪੁਰ ਦੇ ਹਾਜੀਪੁਰ ਬਲਾਕ ਦੇ ਪਿੰਡ ਸਵਾਰਾਂ ਨਾਲ ਸਬੰਧਤ ਅੰਸ਼ੁਲ ਰਾਣਾ ਵੀ ਇਕ ਹੈ।ਅੰਸ਼ੁਲ ਨੇ ਜਨਰਲ ਰੈਂਕ ਦੇ ਹਿਸਾਬ ਨਾਲ ਭਾਰਤ ਵਿੱਚ 35ਵਾਂ ਰੈਂਕ ਹਾਸਲ ਕੀਤਾ ਹੈ। ਪੰਜਾਬ ‘ਚੋਂ ਦੂਜੇ ਸਥਾਨ ‘ਤੇ ਰਹਿਣ ਵਾਲੇ ਅੰਸ਼ੁਲ ਦਾ ਕਹਿਣਾ ਹੈ ਕਿ ਉਸ ਨੇ ਕਦੇ ਸੋਚਿਆ ਨਹੀਂ ਸੀ।ਦਿਨ ਵਿੱਚ ਸਿਰਫ਼ 17 ਘੰਟੇ ਦੀ ਮਿਹਨਤ ਦਾ ਨਤੀਜਾ ਅੱਜ ਉਸ ਕੋਲ ਹੈ। ਉਨ੍ਹਾਂ ਕਿਹਾ ਕਿ ਇਸ ਪ੍ਰਾਪਤੀ ਲਈ ਅਧਿਆਪਕਾਂ ਦੇ ਨਾਲ-ਨਾਲ ਕੋਚਿੰਗ ਅਧਿਆਪਕਾਂ ਦਾ ਵੀ ਵਿਸ਼ੇਸ਼ ਯੋਗਦਾਨ ਹੈ, ਜਿਸ ਦੀ ਬਦੌਲਤ ਹੀ ਉਨ੍ਹਾਂ ਨੇ ਇੰਨਾ ਵਧੀਆ ਰੈਂਕ ਹਾਸਲ ਕੀਤਾ ਹੈ।ਅੰਸ਼ੁਲ ਮੁਤਾਬਕ ਜੇਕਰ ਉਹ ਰਾਤ 1 ਵਜੇ ਤੱਕ ਪੜ੍ਹਦਾ ਸੀ ਤਾਂ ਉਸ ਦੇ ਅਧਿਆਪਕ ਵੀ ਉਸ ਦੇ ਨਾਲ ਜਾਗਦੇ ਸਨ ਅਤੇ ਉਸ ਨੂੰ ਆਨਲਾਈਨ ਕਾਲ ਕਰਦੇ ਰਹਿੰਦੇ ਸਨ।

ਉਗਰਾਹਾਂ ਜਥੇਬੰਦੀ ਦਾ ਵੱਡਾ ਐਲਾਨ, ਦਿੱਲੀ ਬਾਰਡਰ ‘ਤੇ ਮੁੜ ਲੱਗਣਗੀਆਂ ਰੌਣਕਾਂ

ਅੰਸ਼ੁਲ ਦੇ ਚੰਗੇ ਰੈਂਕ ਕਾਰਨ ਪਰਿਵਾਰ ਖੁਸ਼ ਹੈ। ਉੱਥੇ ਹੀ, ਰਿਸ਼ਤੇਦਾਰ ਅਤੇ ਦੋਸਤ ਅੰਸ਼ੁਲ ਦੇ ਘਰ ਉਸ ਨੂੰ ਵਧਾਈ ਦੇਣ ਪਹੁੰਚ ਰਹੇ ਹਨ।ਅੰਸ਼ੁਲ ਦੇ ਪਿਤਾ ਡੀਏਵੀ ਕਾਲਜ ਵਿੱਚ ਪ੍ਰੋਫੈਸਰ ਹਨ।ਉਨ੍ਹਾਂ ਨੇ ਕਿਹਾ ਕਿ ਅੱਜ ਉਹ ਬਿਆਨ ਨਹੀਂ ਕਰ ਸਕਦy ਕਿ ਉਨ੍ਹਾਂ ਨੂੰ ਆਪਣੇ ਬੱਚੇ ਦੀ ਇਸ ਪ੍ਰਾਪਤੀ ‘ਤੇ ਕਿੰਨਾ ਮਾਣ ਹੈ।ਉਨ੍ਹਾਂ ਦੱਸਿਆ ਕਿ ਪੂਰੇ ਭਾਰਤ ਵਿੱਚ ਲਗਭਗ 16 ਲੱਖ ਬੱਚਿਆਂ ਨੇ NEET ਦੀ ਪ੍ਰੀਖਿਆ ਦਿੱਤੀ ਅਤੇ ਅੰਸ਼ੁਲ ਨੇ ਪੰਜਾਬ ਵਿੱਚੋਂ ਦੂਜਾ ਸਥਾਨ ਹਾਸਲ ਕੀਤਾ।ਦੂਜੇ ਪਾਸੇ ਸਰਕਾਰੀ ਸਕੂਲ ਅੰਸ਼ੁਲ ਦੇ ਮੁੱਖ ਅਧਿਆਪਕ ਰਜਨੀਸ਼ ਕੁਮਾਰ ਦਾ ਕਹਿਣਾ ਹੈ ਕਿ ਅੰਸ਼ੁਲ ਦੀ ਇਸ ਪ੍ਰਾਪਤੀ ਵਿੱਚ ਉਸ ਦੀ ਮਾਂ ਲਤਾ ਦਾ ਅਹਿਮ ਯੋਗਦਾਨ ਹੈ।