ਮੁੰਬਈ : ਮੁੰਬਈ ਦੇ ਮੀਰਾ ਰੋਡ ਕਤਲ ਕਾਂਡ ‘ਚ ਪੁਲਸ ਦੀ ਜਾਂਚ ‘ਚ ਹੈਰਾਨ ਕਰਨ ਵਾਲੇ ਖੁਲਾਸੇ ਸਾਹਮਣੇ ਆਏ ਹਨ। ਪੁਲਿਸ ਨੂੰ ਮੁਲਜ਼ਮ ਦੇ ਮੋਬਾਈਲ ਤੋਂ ਕਈ ਅਹਿਮ ਸੁਰਾਗ ਮਿਲੇ ਹਨ। ਪੁਲਸ ਸੂਤਰਾਂ ਮੁਤਾਬਕ ਦੋਸ਼ੀ ਮਨੋਜ ਸਾਨੇ ਨੇ OTT ‘ਤੇ ਵੈੱਬ ਸੀਰੀਜ਼ ਦੇਖਣ ਤੋਂ ਬਾਅਦ ਆਪਣੀ ਲਿਵ-ਇਨ ਪਾਰਟਨਰ ਸਰਸਵਤੀ ਨੂੰ ਮਾਰਨ ਦੀ ਯੋਜਨਾ ਬਣਾਈ ਸੀ। ਸੂਤਰਾਂ ਮੁਤਾਬਕ ਦੋਸ਼ੀ ਸ਼ਰਧਾ ਇਸ ਕਤਲ ਕਾਂਡ ਤੋਂ ਪ੍ਰਭਾਵਿਤ ਸੀ ਪਰ ਸਰਸਵਤੀ ਨੂੰ ਮਾਰਨ ਤੋਂ ਪਹਿਲਾਂ ਉਸ ਨੇ ਇਕ ਵੈੱਬ ਸੀਰੀਜ਼ ਦੇਖੀ ਸੀ ਅਤੇ ਉਸ ਦੇ ਆਧਾਰ ‘ਤੇ ਉਸ ਨੇ ਕਤਲ ਕਰਨ ਦੀ ਇਹ ਯੋਜਨਾ ਬਣਾਈ ਸੀ। ਇੰਨ੍ਹਾਂ ਹੀ ਨਹੀਂ ਕਤਲ ਤੋਂ ਬਾਅਦ ਲਾਸ਼ ਨੂੰ ਸੜਨ ਦੇ ਤਰੀਕੇ ਨੂੰ ਲੈ ਕੇ ਕਈ ਵਾਰ ਗੂਗਲ ‘ਤੇ ਵੀ ਸਰਚ ਕੀਤਾ ਗਿਆ।
ਪੁਲਿਸ ਸੂਤਰਾਂ ਮੁਤਾਬਕ ਜਦੋਂ ਪੁਲਸ ਨੇ ਦੋਸ਼ੀ ਦੀ ਸਰਚ ਹਿਸਟਰੀ ਸਰਚ ਕੀਤੀ ਤਾਂ ਉਨ੍ਹਾਂ ਨੂੰ ਇਹ ਅਹਿਮ ਜਾਣਕਾਰੀ ਮਿਲੀ। ਦੋਸ਼ੀ ਮਨੋਜ ਸਾਨੇ ਨੇ ਸਰਸਵਤੀ ਦੀ ਹੱਤਿਆ ਕਰਨ ਤੋਂ ਬਾਅਦ ਉਸ ਦੀ ਲਾਸ਼ ਦੀ ਫੋਟੋ ਵੀ ਖਿੱਚੀ ਸੀ। ਪੁਲੀਸ ਨੂੰ ਇਹ ਫੋਟੋ ਮੁਲਜ਼ਮ ਦੇ ਮੋਬਾਈਲ ’ਚੋਂ ਮਿਲੀ। ਇਸ ਫੋਟੋ ‘ਚ ਪੁਲਸ ਨੂੰ ਸਰਸਵਤੀ ਦੇ ਸਰੀਰ ‘ਤੇ ਕਈ ਥਾਵਾਂ ‘ਤੇ ਸੱਟ ਦੇ ਨਿਸ਼ਾਨ ਮਿਲੇ ਹਨ। ਪੁਲੀਸ ਸੂਤਰਾਂ ਅਨੁਸਾਰ 4 ਜੂਨ ਨੂੰ ਸਰਸਵਤੀ ਦੀ ਲਾਸ਼ ਦੀ ਫੋਟੋ ਖਿੱਚਣ ਤੋਂ ਬਾਅਦ ਮੁਲਜ਼ਮ ਨੇ 5 ਜੂਨ ਨੂੰ ਕਟਰ ਮਸ਼ੀਨ ਨਾਲ ਇਸ ਦੇ ਵੱਖ-ਵੱਖ ਟੁਕੜੇ ਕਰ ਦਿੱਤੇ ਸਨ।
ਦੋਸ਼ੀ ਨੇ ਸਰਸਵਤੀ ਦੇ ਸ਼ਰੀਰ ਦੇ ਟੁੱਕੜੇ ਤਿੰਨ ਬਾਲਟੀਆਂ ‘ਚ ਪਾ ਕੇ ਰੱਖੇ ਸੀ । ਦੋਸ਼ੀ ਨੇ ਪੁੱਛਗਿੱਛ ਦੌਰਾਨ ਦੱਸਿਆ ਕਿ ਉਸ ਨੇ ਸਰਸਵਤੀ ਦੀਆਂ ਯਾਦਾਂ ਨੂੰ ਤਾਜ਼ਾ ਕਰਨ ਲਈ ਲਾਸ਼ ਦੀਆਂ ਫੋਟੋਆਂ ਖਿੱਚੀਆਂ ਸਨ। ਜਦੋਂ ਵੀ ਉਹਨੂੰ ਯਾਦ ਆਉਂਦੀ, ਉਹ ਫੋਟੋ ਦੇਖਦਾ। ਪੁਲਸ ਸੂਤਰਾਂ ਮੁਤਾਬਕ ਸਰਸਵਤੀ ਦੀਆਂ ਭੈਣਾਂ ਨੇ ਇਕ ਵਾਰ ਉਸ ਨੂੰ ਮਨੋਜ ਤੋਂ ਵੱਖ ਹੋਣ ਅਤੇ ਵਿਆਹ ਨਾ ਕਰਨ ਲਈ ਸਮਝਾਇਆ ਸੀ ਪਰ ਉਹ ਨਹੀਂ ਮੰਨੀ। ਪੁਲਸ ਮੁਤਾਬਕ ਸਰਸਵਤੀ ਦੇ ਸਰੀਰ ਦਾ 10 ਫੀਸਦੀ ਹਿੱਸਾ ਗਾਇਬ ਹੈ। ਹਾਲਾਂਕਿ ਉਹ ਕਿਹੜੇ ਹਿੱਸੇ ਹਨ, ਇਹ ਫੋਰੈਂਸਿਕ ਰਿਪੋਰਟ ਆਉਣ ਤੋਂ ਬਾਅਦ ਹੀ ਸਪੱਸ਼ਟ ਹੋ ਸਕੇਗਾ।
Post Disclaimer
Opinion/facts in this article are author\'s own and punjabi.newsd5.in does not assume any responsibility or liability for the same.If You Have Problem With This Article Plz Contact Our Team At Contact Us Page.
